مساء الخير
بنات بدش سيده بالموضوع :eh_s(11):
انا درست مراحلي الدراسيه ماكنت متفوقه مو قصور فيني بس لاني وحده مالي خلق اسوي شي بحياتي
يعني حتا امتحانات الفاينل قبلها بيوم اقرا جم صفحه هاذي اذا كانت الماده صعبه اما اذا سهله اروح على الي اتذكره
وكنت امشي نفسي يعني كله ناجحه عل حفه
وتخرجت من الثنويه وكان يوم عيد اني افتكيت من الدراسه مادريت انه الي يايني بلوه ومصيبه
انا نسبتي حيل ضعيفه يعني جامعه الكويت ماتقبلني والجامعات الخاصه حتا لو على حسابي مو الكل يقبلني
وهاذي كانت اول صدمه لانه حضرتي كنت حاطه ابالي انه المنه عليهم يقبلوني مالت علي مادري على شنو
ودشيت جامعه خاصه بتخصص تصميم داخلي وحاطه ابالي انه سهل طبعن انا لما تخرجت من الثنويه قعدت كورس بالبيت جذي اريح بلعه وطلعات ووناسه
لما دشيت الجامعه بما انه دراستها انقليزي درست لغه سنه وكانت وايد حلوه المواد حبيتها لانه كله قرقه وكتابه فقرات وسهالات
وانا قويه بالانقليزي عموما ف كان كل شي سهل علي
بس المصيبه لما دشيت التخصص انصدمت صدمه حياتي امبييييه شغل شغل شغل كل يوم بكل اسبوع حق كل ماده شغل وااااااااااااااااااااااااااااااااااااااااااااااااااااااايد
لدرجه ارد البيت بجي انا مو متعوده انا وحده كسوله وكله مالي خلق شي ابي شي ادرس واسويه بالكلاس ولما اطلع خلاص ماعندي شي البيت
دراستنا اطلعت مثلن عندنا مود بورد المود بورد عباره عن لوحه الفلينه الي بالمكتبه اكبر سايز لازم اختار انتيرير مثلن مممم غرفة نوم شسوي؟
اروح مكان اثاث ابيات او غيره واطلب سامبلز الي اهم عينات عاد تعالو شووفو يعطون مايعطون ومليون الف شي غير الصور ولازم بوقت حيل قصير ولاتنسون عندنا مواد ثانيه هم في شغل لها
يعني جد وايد تعبت
يعني انا الحين الكورس الثاني من التخصص واهو دبلوم طبعن يعني قمت افكر هل هاذا الشي يستاهل الي قاعد يصير فيني؟
المشكله مادري من اكلم محد فاهم الي انا فيه امي وابوي حجيهم كله انه كل منج ماكنتي تدرسين كنا نحن عليج وحجي حجي يزييد الي فيني انزين انا مو ناقصه ترا!!!
انا الحين متعلقه اذا سحبت اوراقي بتروح علي سنه اذا غيرت جامعتي محد يقبلني وماني قادره اكمل الشغل وايد مو قادره ارتااح
حسبي الله ونعم الوكيل
ولاتقولولي كلمي احد من الجامعه جامعتنا حشاكم الي فيها حيوانات مو اوادم حاطيلي جم لبناني وسوري يتفلسفون على راسنا وكله ماعندهم وقت عشتو
لدرجه قبل اسبوعين ابوي يي يدفع حق الجامعه نزلت عنده وانا ابجي دشينا عل مدير وطبعن ما سوو شي يقولونلي بتضيع عليج سنه ومادري شنو
بنات انا ابي دراسه سهله فيها تقارير فيها مناقشه بس مابي شي عملييي شسوي وين ادش؟
الي ماعندها حل الله يخليكم بنات بس تدعيلي انا جد جد محتاجه الدعاء يمكن بعضكم يشوف مشكلتي سخيفه بس انتو ماتدرون شنو الي فيني والي خلاني انزل موضوع حتا نوم مو قاعده انام تعبت وااااايد تعبت وتعبت اهلي معاي يعني حرام ابوي قاعد يدفع بلاوي حق الجامعه غير سيارتي وغيره وغيره ويشوفني كل يوم ارد اتحلطم
والمشكله ان قعدت بالبيت عندنا شمااته بيتحجون لين يقولون بس فاشله وفاشله ياربي شسوي؟؟؟؟
