الي فيها المرارة ادش

[Suki_Candy]

الموضوع معرف من العنوان

ياليت يابنات تشاركون بتجاركم الي فيها المراره

او شالتها ابي اعرف شنو كانت تحس ؟؟؟

و العمليه وين سويتها و شلون و بعد العمليه

يلي قولوا لي

ناطره تجاركم بنوتااااات:eh_s(22):

 

[Suki_Candy]

بنوتات وينكم؟؟؟؟؟؟؟؟؟؟

 

[*دبدوووبه*]

هلو هلو

انا والله عانت هالحاله مع اختي
وصارت عندنا خبره
شوفي حبيبتي
ااذا كانت معاج المراره
شيليها قبل لا تلتهب عليج
اذا التهبت والله مصيبه
اختي سكتت عن نفسها شهر ونص
وكلتها عقب

انا انصحج في دكتورين حق المراره
محمد سعد بمستشفى المواساه
محمد براك الهيفي عنده عياده خاصه وتحصلينه بالاميري او الصباح
ماكو اشطر منهم

الام المراره تزيد بليل لي الفير
خصوصا 4 الفير لي 8 الصباح
والألم يكون بجهة اليسرى ويصعد لي فوق الجتف
بعد ماتنشال المراره
تحسين براحه
بس لازم اديرين بالج مع الاكل
لان في ناس يمتنون عقبها
لان المراره اهيا اللي تتحكم بالدهون
يعني اول 10 ايام يكون اكلج خفيف من غير دهون وبهارات وفلفل وملح وبقوليات وهالسوالف

بس نصيحه مني
لاتسألين شلون يسوون المراره
لووووووووووووووووووووول علشان لا تعقدين

وان شاءالله كل الخير

 

[ّأشواق]

مرحبا اختي العوار مثل ماقالت لج الاخت دبدوبه بالضبط والعملية سويتها عند الدكتور عبد الرحمن المطيري بمستشفى الفروانيه ماشاء الله عليه ولاحسيت بشي والخياط عجيب ولا يبين والحمدلله مافيني الا العافيه والاكل صراحه انا بايعتها لا احافظ ولا شي وانا لي سنة من سويتها ماشفت عقبها اي آثار

 

[Suki_Candy]

بعد جبدي يا دبددددددددوبة

انا العوار مو يسار يمين ياقلبي

و كنت بالهادي و سويت اشعه و سونااار
و قال لي فيني لحميه اجيك و طوفت

والل من وقت لي وقت تروح و يرد العوار

والله لايحرمني منج دبدوووبتي

و ناطرة ردود البنوتات

 

[بتبوتااا]

انا فيني المراره:eh_s(14):
من اربع سنين وكل شهر تييلي ثلاث مرات او مرتين
عوار يذبح على اليمينواحس بخنقه رحت الراشد ماسوو لي شي ورحت العدان سوولي منظار وسونار وتحاليل وعلى اساس اسوي العمليه ولحد الحين ما سويت:eh_s(13): وبشيلها انشالله<<< وترى ضعفت وايد عليها
قام العوار ايي كل يومين او ثلاث اذا كليت شي فيه دهن:eh_s(14):
وتوني والده صار لي ست اشهر وكان وزني 83 من ولدت والحين وزني 65وقاعده اضعف بعد !!!
الحمدلله على كل حال ونصيحه شيليها احسن لانه عوارها :eh_s(4):
انا عندي الولاده ارحم...

 

[عهود الحب]

المرارة مشكلة


يقولون انه تجي الحريم اكثر شي بعد النفاس بسبب ادوية هالنفاس


صج ؟


انا اختي قالها الدكتور جذي انه كله من المردود واللهوم


والله يستر

 

[Suki_Candy]

والله بتبوووتا انا مو متزوجه لحد الحين بنت

و انا عصبيه و حساسه زياده عن اللزوم

يعني مادري خايفه من العمليه ابي اعرف تجارب البنات يعني الحين اذا شلته بعيش على الادويه؟؟

وبعدين هل لها اثار جانبيه بنات فيدوني والله خايفه

 

[xxx]

هلا اختي

ماتشوفون شر كلكم ..

شوفو هالموضوع ويارب يفيدكم

http://www.q8yat.net/showthread.php?t=71391&highlight=%C7%E1%E3%D1%C7%D1%E5

 

[عهود الحب]

مشكورة بنت الكويت ماقصرتتتتتتي

 

[Suki_Candy]

مشكككككككككككرة يابنوتتته

عساج على القوة

 

[رايقة1980]

عملية استئصال المرارة بسيطة جدا...

وكل المستشفيات يسوونها..

بواسطة المنظار ..

يبدأ الألم اولا في منتصف الظهر


وبعد فترة طويلة


يبدأ الالم من جهة اليمين عند الكبد وتزيد شدته وتتقا رب مدة الالم

..وظيفة المرارة هضم الدهون فبعد العمليه لابد من تقليل الدهون ..

وهي عملية مثل ماقلت بسيطة جدا ..


كل بنات عايلتنا مسوينها وانا منهم..


لاتخافين وافتكي من ألمها

ومثل ماقالوا الخوات ,, سبحان الله الألم عادة الفجر يصير مو عارفة السبب......










ولاباس طهور ان شاء الله



وطمنينا عن صحتك حبيبتي...

 

[noorq8i]

سويت العمليه المراره قبل شهرين بمستشفى المواساه عند د.محمد سعد .

كانت الآمها الله لايعودها انشالله الم تحت القفص الصدري ومتجه على اليمين ونفس المكان بظهري .

تميت مده اعاني من الالم المستوصف وطيبه كلينك يقولون لي التهاب بالمعده اول الايام كانو يعطوني ابره مسكن بعدين ماقامت اتسوي لي شي يعطوني درب في طيبه كلينك يومين ويرد لي الالم لدرجه مااقدر اقعد بمكاني ويزيد اذا كليت اي شي وارتاح اذا معدتي فاضيه ورحت الصباح وسوولي سونار وبينت الحصوات في المراره وعطوني علاج لها( بس زادو الطين بله)زاد العوار علي وبااااالهم طوييييل
ورحت المواساه سويت منظارين الاول اللي بالفم لان الحصوات غاصه بالقناه المراريه (وانزيمات الكبد كانت حيل عاليه عندي) وبعد يومين سويت المنظار الثاني اربع فتحات في بطني وشالو المراره والحمدلله ارتحت .:eh_s(9):​

 

[Suki_Candy]

الحمدالله على السلامه يانورقلبي

و تسلمين

لكن تعرفين العوار ايي و يروح

و تخيلي ماتهنى بالاكل يعني لمن أكل ابدأ اتنحنح يعني وايد اسوي " أأحـــــم أأحم" والله هالشي مضايقني حححححححححيللل

و تكرمون هم الخروج لونه غامج يعني بعض المرات يكون فيني امساك

والله لاعت جبدي

و للعلم كانت لي مراجعه شهر 2 عشان يعرفون الللحميه الي داخل المراره اذا كبرت يشيلونها لي و اذا ماكبرت بخلونها


والله يابنات خايفه يعني فجأة جك بم اطيح و اتعب

و مشكوورين يابعد قلبي