الي متعودين يسافرون مع عيالهم يدشوووووون

["MisS'MoOn"]

السلام عليكم

بنات ابي نصيحتكم،،:eh_s(17):
انا بسافر حق لندن وبنفر كذا منطقه وهم بنمر فرنسا،،:eh_s(7):
وباخذ عيالي معاي اعمارهم 3 ، 4، 6 سنين بدون خدامه،،:bbbiu:
هذي اول مره اروح لندن ،، وعيالي حيل متعلقين فيني ،،
تهقون يستانسون ، وما يتعسرون ولا ضروري خدامه :lkmnkl:

الي متعودين ياخذون عيالهم ، شنو تشورون علي ؟ :0bee2e8d89:

والي بتعيطيني نصيحه حلوه بيب لها صوايغ :jbdwjbd:

 

[om_dodo]

ياعمرى لندن حيل صعبه تاخذين الخادامه لانها تنحااش هناك وهالكلام معروووف
واذا عيالج متعلقين فيج اخذيهم وانتى مغمضه لانج اذا ماخذيتيهم انتى ماراح تستانسيين وهم بيفقدونج
والله يعينج لان السفر مع اليهال مو سهل
لكن التساهيل من رب العالميين
ما ابى صوغه ابى دعوه بظهر الغيب منج
تقبلى مرورى

 

["MisS'MoOn"]

والله يعينج لان السفر مع اليهال مو سهل
لكن التساهيل من رب العالميين

مشكوره ام دودو
بس خوفتيني ليش السفر مع اليهال مو سهل ضاق خلقي :eh_s(2):
والله يعلم اني دعيتلج عسالله ييسر امورج ويوفقج وين ما تروحين :yaaaaaarb:

 

[زعفران العتاب]

هلا بنات شلونكم هم أنا ودي بعد أذنج ميس مون أنا راح أسافر إن الله أرادوراح أخذ عيالي أعمارهم 3 و4 سنين بس عندي والدي الصغير أهم متعلق فيني عمره يصير حزت السفره سنه ونص ماأدري ودي أخذه وخايفه حيل أتوهق معاه وانا راح أروح قروب ماأدري بنات شرايكم تتوقعون راح أتعب معاهم الكبارسمله عليهم أشوي شوي أحس شايلين أعمارهم بس الصغير أهو الوهقه

 

["MisS'MoOn"]

اختي زعفران العتاب

انا من قبل سافرت ماليزيا وخذيت عيالي الاثنين وخليت بنتي عمرها كان سنه ونص توقعت ما تحس مسجينه زاغ قلبها
افقدتنا حيل لا امها ولا اخوانها تحسفت اني خليتها ،، اذا بتاخذين عيالج اخذيهم كلهم او خليهم كلهم


ويالله نبي تفاعل خواتنا الي متعودين ياخذون عيالهم ،، عطونا نصايحكم نستفيد ولكم الاجر (( والصوغه )) _03BA::wqedqw:

 

[نوووور الشمس]

الله يوجهج للي فيه الخير لج ولعيالج

 

[law love]

ما اعتقد انج بتستانسين اذا ما خذيتيهم

انا شخصيا ما احب اشوف الاهل مسافرين سياحه و اليهال بديره

اخذيهم و رتبي امورج عدل مع اغراضهم و اللي يحتاجونه

و انتي و ابوهم تعاونو على مسؤوليتهم

و بتصير احلى سفره ان شاء الله

 

[لذة الشقاوه]

اسفر بدون خدامه اريح نفسيا..<امي تقوله =)
وما راح تستانسين اذا ما اخذتي عيالج لانج راح تحاتينهم ..
الافضل انج تاخذين عيالج وبدون خدامه ...

 

[أم سيف وسلطان]

انا سارت ويا عيالي وندمت

ابصراحه ارتحت نفسيا بس تعبت جسديا والحين انا روحي محتاره

 

[dob106]

اخذى عيالج احسن وضبطى امورج واهم شئ كيفى نفسج وراح تصير احلى رحله ان شاء الله ودمتى

 

[مدرسة طفشانة]

انا طول عمري اسافر مع عيالي من غير خدامه من كانو صغار اسم الله عليهم
صج كنت اتاذى منهم بس احسن يكونون جدام عيني
انتي توكلي على الله واخذيهم وان شاء الله ما كو الا كل خير

 

[مجنونة قطر]

انا سافرت مره مع عيالي تركيا ووايد خفت منهم كان عمرهم 3 سنين ونص
بس كانت السفره عاديه مب متعبه .. كنت مرتبه امورهم كلها والحمدلله ريلي ساعدني .. والحمدلله مشت الامور
صج بدونهم احسن بس ما اعدها تجربه سيئه

وتوني رده من تايلاند موديه بنتي ام سنتين حق علاج بس كنت وايد مزعجه يمكن لانها عنيده .. وما تسمع الكلام .. بس بعد مب لذيك لسوء بس ما اظن اكررها معاها .. الا باخوانها وخدامه

 

[أم@الحلوين]

انا دايما أسافر مع عيالي ولو شنو ما اخليهم واسافر .. بالعكس اصلاً وناستج من وناستهم
حتى اذيتهم عسل عالقلب
كافي انهم تحت عينج لا تحاتين والله سهالات وانشاءالله تروحون وترجعون بالسلامه^_*

 

["MisS'MoOn"]

انا باخذهم معاي ماقدر اخليهم وبدون خدامه ( سمعت النصيحه ):rerrerek:
بس بنتي الصغيره هذي اول مره تسافر معاي ماتاكل اكل مطاعم ومادري شراح اسوي
اهي تحب شوربه خضار وعيش مع بطاط وروب هذا غداها وعشاها غير جذي ماتكل :0bee2e8d89:
مادري اهناك مطاعم عندهم اكل زين حق اليهال ايسون عيش :082502bye_prv:

ولا انا اسوي واحطه بالهوت بوكس واخذه معانا بالطلعه:080402ask_prv:

وبسال عن شغله انا عندي عربانه توينز يحتاج اخذها معاي ابونا يقول مالها داعي عباله لانها عريضه :eh_s(4): اشرايكم ضروري ؟

 

[ورد و ريحان]

حبيبتي كل شي سهالات من الله
انا ما عندي خدامه
وسافرت دبي مع بنتي عمرها 3 ونص وولدي عمره 4شهور
والحمدالله كله سهالات
وسافرت عمره كان ولدي عمره سنه الا شهر تقريبا
وبنتي عمرها اربع سنين وكم شهر
ومافي شي حيل سهل
بس تتعبين شوي وهم معاج
ولاتتعبين نفسيا وهم مو معاج
وبعدين الجهال عالتعويد عوديهم عالسفر معاج
هم بعد حقهم يروحون ويستانسون

 

[جروح ودموع]

توكلي على الله واخذيهم معاج وان شالله سهالات وبالعكس مو ذاك التعب وانا متعوده اخذ عيالي معاي بكل سفره وبون خدامه وبالعكس راح تستانسين معاهم والله يسهل امورج ان شالله

 

[um khaled]

انا باخذهم معاي ماقدر اخليهم وبدون خدامه ( سمعت النصيحه ):rerrerek:
بس بنتي الصغيره هذي اول مره تسافر معاي ماتاكل اكل مطاعم ومادري شراح اسوي
اهي تحب شوربه خضار وعيش مع بطاط وروب هذا غداها وعشاها غير جذي ماتكل :0bee2e8d89:
مادري اهناك مطاعم عندهم اكل زين حق اليهال ايسون عيش :082502bye_prv:

ولا انا اسوي واحطه بالهوت بوكس واخذه معانا بالطلعه:080402ask_prv:

وبسال عن شغله انا عندي عربانه توينز يحتاج اخذها معاي ابونا يقول مالها داعي عباله لانها عريضه :eh_s(4): اشرايكم ضروري ؟

أنا نفسج احاتي اكل ولدي بو سنه
بس باخذ روب وصمون وكرواسان ونصيحه أخذي العربانه الخفيفه مالت مذركير وايد اسهل للتنقل
والله يعينك والله يعينني خصوصا أن إحنا ترانزيت

 

[قناديل الخير]

نصيحه اخذيهم ولا بيفز قلبج كل ما شفت اطفال مع اهلهم وبتتكدرين ماشاء الله الصغير عمرة 3 سنين شايل عمره اسم الله عليه انا ما اعرف اسافر الا في عيالي الله يحفظهم ولا اقلبها مناحه هههههههههه

 

[Love \ Hate]

شوفي حبيبتي بقولج شي

انتي بيدج تسهلين الامور وانتي بيدج تصعبينها !!

اخذيهم وتوكلي على الله واسمله عليهم مو يهال يهال يعني ماكو لا بامبرز ولا حليب صح ؟؟

خلي نومتهم وقعدتهم وياكم .. واللي عمره 6 سنوات يساعدج .. عطيه دروس انه يساعدج ..

وبو 4 سنواات هم شايل روحه شوي بس و 3 يبيله مجابل ..

واخذي معاج الاشياء المفضله لهم .. مثلا دفاتر تلوين الوان البورد ويا الاقلام الالعاب كلهم بسق بو اميه ..

وخرابيطهم اللييحبونها البسكوت وهالسوالف وانشالله تستانسون

وانا بعد ماابي صوغه ابي دعووووه حلوه

 

[بنت ابوهـ]

عادي حياتي انا ماعمري سافرت الا عيالي معاي من اهما صغار ليومج هذا وهم ما عندي خدامه وكانت اخر سفرة الصيف اللي طاف تخيلي صج صج مغامره لان فرينا فيها اوربا لا وبعد بسياره ماجرينها من ميونخ وسلمناها بفرنسا عاد شوفي شمرينا عليه من مناطق وقرى وعيالي مستانسين وماخذين راحتهم احسن من التكاسي والقطارات ولويتهم اما بالنسبه للاكل انا اخذ دائما جنطه بس للاكل (مثل الرز والكارنيشن والخبزوالشوربه والشاي والقهوه وطبعا خرابيط لعيالي من بسكوت وكيك ) وسلامتج
توكلي على الله واخذي عيالج حتى اهما يبون يستانسون
النك لبنتي داخله فيه لمن شفت موضوعج حبيت ارد عليج