الي مرت في هل تجربه تدخل ولها الاجر ياارب

[روح التعاون]

عيدكم مبارك بنات والله يتقبل منكم
ابي اعرف اذا تطلقتي من ريلج(بعيد الشر عنكم) وفات على الانفصال 4-5 سنين وراح هو تزوج
وبعدها رجعلج يقول ابيج ترجعيلني(وهو ماطلق زوجته)
هل ترفضين ؟؟؟
توافقين وبشروط؟؟
شنو الشروط الي تحطينها ؟؟؟؟
بليز بنات ابي ركم بصراحه ومعاها دعوه لي وكل الناس وشكرا:eh_s(15):

 

[ناتشوو]

رفع

 

[قَلبڪْ صًخرْ]

على حسب اسباب الانفصال

 

[لمى الهاجري]

ما ارجع له واكلم مرته واقولها ريلج ياي يرجعني وشوفي رايها

 

[مس استي لودر]

انشالله يفيدونج البنات

 

[فراشة البساتين]

انا اقول ردى له

واذا كان عندك شروط شوفي الامور اللي كنتم مو متفاهمين

مع بعضكم فيها قعدو مع بعض حلوها علشان ما تكون سبب

لعدم التفاهم بينكم مره

وطلبي منه العدل

ولا تطلبين طلاق الثانيه لان هالامر فيه نهي عن الرسول صلي الله عليه وسلم

لكن نص الحديث مايحضرني

وكلي امرك لله وربي بيسر لك الخير

يمكن الزوجه الثانيه اهي تطلب الطلاق لي شافتك رديتى

وماتدرين يمكن خير لك هالامر

 

[لذه السكر]

اممم اول شي شنو سبب الطلاق اذا جايد وكان في ضرر البعد غنيمه
اما اسباب ممكن تتصلح او تدخل اهل ومن هالاشياء ممكن تراجعين نفسج خصوصا اذا في عيال

الشروط اللي تحطينها:
سكن بروح - العدل - معاشي ماله شغل فيه ممكن اشارك بشي بسييييييط جدا غيره لا اهو المسؤول -وشخصيا راح يكون شرط اساسي (حريتي) اطلع اروح ارد اشتغل ادرس ما يتحكم طبعا لازم اعطيه خبر بس مو من حقه يمعني مثل ما اختار خط لحياته انا بعد لي حق اني اختار حياتي بوجوده وعلمه

واستخيري اهم شي

 

[Gifts&Occaions]

انشالله البنات يفيدونج

 

[black rose BH]

انه منفصلة من ملجة ( خطوبة ) ..
يعني مافي عيال ولا غيره
فمستحيل ارد له لو شيصير حتى لو يبي يرد لي
لان شي انكسر ومايتصلح
بس اذا في عيـال
هني المشكلة ان عليج تضحين عشان لا يعيشون بعيد عن ابوهم
فتفكرين بكل شي شنو سبب الرجعه لج اساسا ؟
عشان العيال ولا عشان حن لج ولا عشان مرته مغربلته
تقعدون مع بعض قعده صراحة وتقولون كل الي بخاطركم
مع إن ما اؤؤيد الردة بالنسبة لرايي
بس اذا في عيال غيير المرة تضحي

شوفي الانسب لج وفكري عدل واستخيري والي الله كاتبه بصير
​

 

[روعه جمالي]

مسسستحيل ارجع له ليش لعبه عنده انا يوم يترركني يوم يرجعلي




رووعه جمالي

 

[متجر جنات عدن]

للررررررررفع

 

[orchidia]

اذا انتي عادي يشاركج بزوجة ثانية ..

وكانت مشكلة الانفصال انحلت خلاص ..

ردي له ..

أنا عني مستحيل أرد له مهما كان ويا ريلي أنا حيل أنانية فيه وما أرضى المشاركة

والله يوفقج

 

[فوفو22]

نصير هالحاله في حاله اذا عنده عيال من الاولى

مافي شروط

تذكري انه ردج لعيالج فقط يعني اذا ما تغيرت شخصيتج السابقه ممكن يطلقج خاصه انه عنده بديل

فوفو

 

[أأأميرة الورد]

على حسب اسباب الطلاااق ارجع او لاااا


واذا في عيال بينا اكيد برجع

 

[Tom ♥ Jerry]

,


ارفض

آول شي لاني مآ آحب احد يشاركني بشي حلالي!
ثاني شي .. مرت 5 سنين مآ يدري عني الحين ياي يبي يردني


آفضل انه ابدي حياتي ويا شخص ثاني ..
و اعتقد اني آستحق آحسن من طليقي

 

[Habibat Abooha]

مع توم مابي احد يشاركني فيه
اماتخييل وحده ثانيه تشاركني فيه
الله يكون بعون اللي عندها شريجه والله
الله يكتبلج اللي فيه الخير لج
موفقه حبيبتي

 

[Q8aaa]

يعتمد على اسباب الطلاق ؟ يعتمد على اخلاق زوجج اذا هو زين ويتعاشر وبينكم عيال الاحسن العيال يكبرون بحضن ابوهم اما اذا كانت ردتج واسباب طلاقكم كياده ومشاكل وكره لا والله خليج مطلقة ومريحه راسج انتي لو كانتبه سبب طلاقج كام عرفنا نرد عليج ياخواتج

 

[PuPa^^SWeeT]

مادري صراحة شنو بقولج



انا تغمرني العاطفة ساعات و اقول مابي احد يشاركني بريلي



بس لو بينكم انتو عيال



شوفي شنو مميزات العيشة معاه و قرري

 

[دلوعة أبوهآ]

لآ مآرجع له ..
مرت سنوآت طويله وهو اختآر البديل عني من الأول ..

 

[غمااازات]

اختي انا الحين طالبه الطلاق وعندي عيال 2 واهو يقولي احبج مابي اطلق وحتى اذا طلقتج توعديني ماتتزوجين ، بس المشكلة انا عايفته مات الحب خلاص يعني لو شنو سوا مافي مشاعر تجاهه ابدا والحياة ماتوقف على ريال لانه الزمن تغير بس انتي شكلج تحبينه ، فاتوقع الرجوع افضلج والله يوفقج يارب