الي مسافرين امريكا يردون على

[(لمسة حب)]

وخصوصا نيويورك


ادري اني مينونه بس ردو علي


بنات ريلي يحن علي يبي يروح امريكا نيويورك بس انا سمعت اشياء ابيكم اتقولو هالشي صح ولا لأ؟؟؟؟؟؟؟؟؟؟؟






















انا وايد غيوره اغار على ريلي بينون :eh_s(14):
بالقصب رضيت اروح لما رضيت جان اخوي يقولي انه رفيجه قايله وما ادري اذا رفيجه جذاب ولا لا يقول في اماكن يعرضون بالبترينه مالت المحلات بنات امفصخين سلط ملط مو لابسين ولاشي هالشي صج ويقول انا بالشارع يلبسون بكيني عادي وهالشي صج انا اتوقع البكيني بس بالبحر واماكن السباحه اما بالشارع لأ

انا مو مصدقه رفيج اخوي معقوله الواحد يروح السوق ويشوف وحده امفصخه ومولابسه ولا شي ولا بالسوق بكينيان اقعد ابمكاني احسلي

طبعا حستو اني وحده مينونه:dddds:
عفيه ردو علي وقولولي شفتو جذي اشياء اذا شفتو قولو علشان اهون عن السفره يعني مهما يكون الواحد مو ليهالدرجه يشوف:eh_s(13):

 

[alamal2amal]

لوووووووووووووووووووووووول ظحكتيني بصراحتنا لا انا راايحه امريكااا ما شفت مفصخيييييييييين بالسوووووق ;p و لا بكيني بكيني بالحمام سباحات و البحر و بعديين عااادي امريكاا حالها حال اي دوله نفس ماليزيا و دبي و غيرها بصرااحه انا ما حسييت انه فيي مفااصييخ زوود عن الدول الباااجي يعني عاادي و الله يخليلج ريلج ياربي ووفقكم حبيبتي موفقيييين و تروحوون و تردوون بالسلاامه اهم شي استاانسي و لا تحااتييييين

 

[digital]

ما فى من هالشي ابدددددددددددددددد

بعدين اذا بتروحون خلال هالاشهر بيكون الجو برررررررررررررد


لا تحاتين بالدول العربيه انشوف مفاصيخ اكثر من امريكا

 

[أم غايب]

مفاصيخ كلش ما شفت بس هم ساعات لا شافوا نوافير و لا مكان فيه ماي قطو الي عيهم و اقعدو بمايوه يعني مثل مدينة العاب حمام سباحه بيمر عليج هالاشياء

 

[الفرحه السجينه]

ترى المفاصيخ تشوفينهم اكثر بتايلند وبعض الدول الاوروبيه

الشعب الامريكي ترى يعتبر ملتزم اكثر من شعوب اوروبا و ما عندهم ذاك التحرر بالشوارع و متمسكين بدينهم والعادات اكثر يعني كمقارنة باوروبا

 

[شندوخه]

شدعووووووه شهالصاروخ لا والله مافي هالسوالف ولا شفناها اصلا
ومثل ماقالت ديجتال هالايام الجو يبدي يصير بارد يعني تلقين الناس مغمغمين بالهدوم والبوالطو

 

[عروس الدنيا]

توني راده من نيويورك و ما شفت شي كلشششششششششششششششششششش

حتى بميامي الي عل بحر و مفاصيخ بالمدينه عادي ما تشوفين تفصخ
تبين مفاصيخ شرم الشيخ لوول

 

[carrot^cake]

ولا شي موجود بنيويورك من الي سمعتيه

 

[مدام فاشن]

نيويورك مافيها شي

بس المصيبه بلاسفيغاس لوووووووووووول الله يستر عليهم

 

[rawona]

حبوبه هالكلام مو صحيح .. ورفيج اخوج اسمحيلي يا قاعد يقط صواريخ .. يا اهوا انسان بطالي واهوا رايح وقاز باماكن مو زينه!!


كلامه صحيح اذا كان اهوا رايح نوادي ليلية واماكن فيها خرابيط وسوالف بطاليه .. بس بالشارع؟!! مستحيل!! امريكا من الدول اللي تراعي العايلة والاطفال وايد .. وبتشوفين هذا حتى بتلفزيوناتهم العامة .. وحتى نواة الافلام مافيها خرابيط وايد .. الاشياء الجايدة عليها اشتراك .. اللي يبيها يدفع ويشوف .. بس ما يحطون سوالف جايدة على الملأ!!


روحي واستانسي و مافيه الا العافية .. وعلى قولة ديجيتال المفاصيخ اشكثرهم بالدول العربية و برا ما نشوفهم :dddds:
​

 

[ام _خلودي]

بالعكس المجتمع الامريكى وايد محافظ مقارنه بدول الاوربيه

روحى واستانسى ومالج شغل بكلام رفيج اخووج

 

[(لمسة حب)]

مشكورين ماقصرتو الحين اطمنت بس لو الله يفكنا من جذب بعض الرياييل جان احنا بخير

 

[عيش و مرق]

لالالالالالالا يخوره عليج ماكو جذى بسوق مفاصيخ لالالالالا اشحقه لا والحين بعد الجو بيبرد ونيويورك بتصير برد موت

 

[semaasem]

حبيبتي لمسة حب



انا توني رادة من امريكا ورحت نيويورك


شوفي مفاصيخ مفاصيخ يعني سلط ملط ماكوو الصراحة ماشفت بس يعني همه لبسهم جذي فري بعد همه مو مسلمين وهذا لبسهم

شورتات قصيرة وعلاليق ومزلط يعني هالشي عادي وكلنا نغار على رياييلنا بس مو لدرجة انا نحرم نفسنا من الوناسة علشان هالشي

بس على قولتهم الحين الجو هناك برررد والبرد غصب يخليهم يتستروون

وعلشان تشوفين نظرة عامة عن نيويورك شوفي تقريري اللي توني كاتبته ليلحين ما خلصته حاطة صور بشوارع نيويورك

اخذي فكرة عنهم روحي قسم التقارير المصورة وراح تشوفين تقريري بعنوان ( رحلة الاحلام الى بلاد العم سام...)

انا مصورة لقطات عامة بالشوارع وعلى فكرة انا بالبداية احتريت بس مع الوقت تعودت وقلت انا ياية استانس ولا أنغث


بس سوالف الفترينا هذي كلللللش ما مرت علينا ولا شفناها