%% الي مسافرين ماليزيا بعطلة الربيع 2010 يدخلون %%

[um 3li]

هلا فراشةة
أنا حجزت بس مو قروب وماعندي خبرة والله بالقروب
بس بسألج 1000كافية ل7 أيام ولا شوي؟

حبيبتي حسب المشترى

اذا انتي من النوع الي تحبين السوق واااااايد احتمال ما يكفونج بس اذا رايحة تستانسين ورحلات ومشترى خفيف ان شاء الله يكفونج

حياج حبيبتي

 

[um 3li]

مرمورة حبيبتي مشكورة على المعلومات

عاد تصدقين ما كنت حاطه الشلالات في الجدول بس ان شاء الله راح اضيفها وهم راح اعدل الجدول لأني حاطه جنتنج السبت
راح احط مكانها افاموزا

عاد وايد كانت الامارتيه بخاطري بس الترانزيت طويل .. جم ساعه ترانزيتكم ؟؟؟

ومشكورين كل البنات الي ردوا

تروحون و ترجعون بالسلامه

 

[um 3li]

خوش تجمع
انا بعد ان شاء الله بروح بس انا على الطيران الاماراتي بس حسافه ولا وحده معاي
انا بروتاريخ 31-1 لمدة 5 ليالي بسسسسسسسسسس
وحجزت في الماريوت
بس ماادرى ما عندى خطة لانه اول مره بروح
انا بروح مع زوجي بسسسسسسسسس
يعنى حاطه في بالى اروح جنتينج والمجمعات الى في كولالمبور بسسسسسسسسسسسس
الى عندها برنامج لا تبخل على لمده 5 ايام
وموفقين ان شاء الله

حبيبتي 5 ليالي يادوب يمدونج بكوالامبور ومجمعاتها
اول يوم : روحي صن واي لاجون الصبح ومن بعده مجمع الصن واي
ثاني يوم : روحي المنطقة الجبلية جنتنج من الصبح لي بليل وبليل روحي السوق الصيني
ثالث يوم : روحي البرجين التوأم والاكواريوم و سوق سوريا
رابع يوم وخامس يوم خليهم حق المجمعات مثل : البافيليون - ستار هيل - اوتاما - ميجا مول - بي بي بلازا - سوجو - تايمز سكوير ( مجمع كبير من 10 طوابق و ملاهي )

 

[مضيعة برقعها]

أدعووووووووولي اساااااااااافرلهااااااااااااااا

 

[souka]

يعطيج العافية ام علي وأنيقة وجميلة ماقصرتوا
بس منو فيك تقدر تسويلي جدول رحلات حلو وأنا بس بكون بكاولامبور؟

 

[souka]

بنات حديقة الزهور والفراشات وسوق الليل ومصنع الككاو مو بكوالامبور؟

 

[um 3li]

يعطيج العافية ام علي وأنيقة وجميلة ماقصرتوا
بس منو فيك تقدر تسويلي جدول رحلات حلو وأنا بس بكون بكاولامبور؟

حبيبتي انا مسوية جدول رحلات بالصفحة الأولى كوالامبور بس شوفيه

 

[مرمورة]

مرمورة حبيبتي مشكورة على المعلومات

عاد تصدقين ما كنت حاطه الشلالات في الجدول بس ان شاء الله راح اضيفها وهم راح اعدل الجدول لأني حاطه جنتنج السبت
راح احط مكانها افاموزا

عاد وايد كانت الامارتيه بخاطري بس الترانزيت طويل .. جم ساعه ترانزيتكم ؟؟؟

ومشكورين كل البنات الي ردوا

تروحون و ترجعون بالسلامه

انتي اللي مشكورة على هالموضوع الحلو وبالنسبة للترانزيت ساعتين وربع بسرعة يمرون
على ما تنزلون وتتمشون شوية لان مطارهم عود وفيه محلات تونس وعلى ماندش الله يكرم السامع الحمامات واللي بياكله شي الا نادونا

 

[مرمورة]

بنات حديقة الزهور والفراشات وسوق الليل ومصنع الككاو مو بكوالامبور؟

لاحبيبتي هالاماكن ببينانغ​

 

[mamanoonaa]

السلام علييكم
انا عضوه موقوفه

بس دشيت بنك اختي عشان اشاركم

احنا ان شاءالله يوم الاحد بنروح نحجز لنه يخلص جواز بنتي
بنروح انا وبعلي
وبنتي عمرها سنه
واحتمال كبيييير امي وخالتي ام ريلي بنكدشهم عشان اخلي نونو عندهم

حجزت عند سفريات السلطان عند حسين
ما شاءالله علييه خبره 16 سنه ويعرف كلل شي ويضبط كل شي

رحناله سوالنا خطة الرحله بس على الماراتيه ودي اغير اخليها القطريه نفسكم

بنروح ان شاءالله الثلاثا 19\1 ونرجع 3\2 ان شاءالله

اول شي سيييده بنروح لانكاوي نقعد 5 ايام
وبعدن باقي المده كوالمبور

ونروح يوم صن واي لاغون ونرجع بليل <<<<< شراايكم
لن قالنا مايسوى تقعدون هناك الطريج مو بعيد

وبعدين نروح ببيننغ جنه هاذي هم مو بعيده يقول الي فيها تلفريك
ولما ارد بليل اقوقلكم بتفصيل عن الاسعار والفنادق

بس التذاكر طلعوا علينا 800 دينارانا وريلي وبنتي

وعندي سؤال مهم تكفووون ماتعرفون احد يبيع منوم
فيني فوبيا من الطياره من اركب ابجي واستخف لووووووول

 

[knafa-q8]

وااي ذكرتونيي بماليييزيا نصيحه والله استانسوا بكل دقيييقه وانتو فيها لانها صج صج تونس
نصييحه ام علي لاتروحين china town ماتسوى كلش كلش
حسااافه ليش ماراح تروحون بينانغ او لنكاوي ؟ ترى حدها تونس
وترى رجله افاموسا وايد متعبه بس حلوه حق اليهال احنا يوم رحنا كان الجو واااااااااااااااااايد رطوووبه
وان شاء الله ترحون وتردون بالسلاامه

 

[um 3li]

السلام علييكم
انا عضوه موقوفه

بس دشيت بنك اختي عشان اشاركم

احنا ان شاءالله يوم الاحد بنروح نحجز لنه يخلص جواز بنتي
بنروح انا وبعلي
وبنتي عمرها سنه
واحتمال كبيييير امي وخالتي ام ريلي بنكدشهم عشان اخلي نونو عندهم

حجزت عند سفريات السلطان عند حسين
ما شاءالله علييه خبره 16 سنه ويعرف كلل شي ويضبط كل شي

رحناله سوالنا خطة الرحله بس على الماراتيه ودي اغير اخليها القطريه نفسكم

بنروح ان شاءالله الثلاثا 19\1 ونرجع 3\2 ان شاءالله

اول شي سيييده بنروح لانكاوي نقعد 5 ايام
وبعدن باقي المده كوالمبور

ونروح يوم صن واي لاغون ونرجع بليل <<<<< شراايكم
لن قالنا مايسوى تقعدون هناك الطريج مو بعيد

وبعدين نروح ببيننغ جنه هاذي هم مو بعيده يقول الي فيها تلفريك
ولما ارد بليل اقوقلكم بتفصيل عن الاسعار والفنادق

بس التذاكر طلعوا علينا 800 دينارانا وريلي وبنتي

وعندي سؤال مهم تكفووون ماتعرفون احد يبيع منوم
فيني فوبيا من الطياره من اركب ابجي واستخف لووووووول

أهلين حبيبتي وحياج الله

عندي وعندج خير حتى انا عندي فوبيا بس ما اظن ان المنوم ينفع معاي كللللللللللش وبعدين انا ما اقدر انام مع ان الدرب طويل لأن عيالي معاي مابي اطنشهم وأنام اخاف ما احس فيهم !!!

الله يصبر قلبي هل 7 ساعات

جواز بنتج يخلص بيوم واحد بس اليوم قدمي عليه واستلميه آخر اليوم او ثاني يوم
واستعيلي سويه بسرعه قبل الزحمه لأن الحين الناس اكيد يبون يجددون جوازتهم حق العطلة ...

انا الاسبوع الي طاف سويت جواز ولدي الي عمره 3 شهور

وهم انا امي معانا

الامارتية هم زينة لا تغيرين دام انج حجزتي

انا ما رحت لنجاوي ولامرة بس رحت جزيرة بينانج من قبل وايد حلوة

بس هل مرة كله في كوالامبور لأن بس 10 ايام سفرتنا ويادوب يمدينا نفتر بكوالامبور ومجمعاتها

جنتنج الجبلية من الصبح لي بليل ما يسوى تنامين فيها

وحجزنا فندق في الصن واي عشان اليهال ولا اهي مو بعيده بس اخاف عيالي الاثنين الصغار يملون فسهل علي ارجعهم الفندق و ولدي الكبير يظل مع ابوه بالمنتجع ..

 

[um 3li]

وااي ذكرتونيي بماليييزيا نصيحه والله استانسوا بكل دقيييقه وانتو فيها لانها صج صج تونس
نصييحه ام علي لاتروحين china town ماتسوى كلش كلش
حسااافه ليش ماراح تروحون بينانغ او لنكاوي ؟ ترى حدها تونس
وترى رجله افاموسا وايد متعبه بس حلوه حق اليهال احنا يوم رحنا كان الجو واااااااااااااااااايد رطوووبه
وان شاء الله ترحون وتردون بالسلاامه

هلا فيج حبيبتي وحياج الله
والله حبيبتي السوق الصيني مو حقي ولا احب هالسوالف بس ريلي يموت على التي شيرتات الي هناك ؟؟؟!!!!!!!!!!!!!!!

وما يمدي الوقت نروح جزر لأن رحلتنا كلها 10 ايام ويادوب يمدينا نفتر بكوالامبور ومجمعاتها الوايدة ماشاء الله ونروح الصن واي وافاموزا (حق عيالي) و جنتنج والبرجين والاكواريوم والمايلز وندر لاند حق النافورة الراقصه
يعني الرحلات حق اليهال والتسوق حقي انا وريلي لووووووووووول

انا رايحه جزيرة بينانج من قبل وخاطري اروح لانجاوي بس حسافه الوقت ما يكفي كللللللللللللللش

 

[um 3li]

انتي اللي مشكورة على هالموضوع الحلو وبالنسبة للترانزيت ساعتين وربع بسرعة يمرون
على ما تنزلون وتتمشون شوية لان مطارهم عود وفيه محلات تونس وعلى ماندش الله يكرم السامع الحمامات واللي بياكله شي الا نادونا

وايد زين حبيبتي ترانزيت قصير
انا يوم احجز كان الترانزيت على 5 ساعات عشان جذي هونت عن الاماراتية وحجزت على القطرية
بالروحة ساعتين ترانزيت وبالرجعه 55 دقيقة

 

[*الزينه*]

) كل وحده فينا تقول متى حجزت ( التاريخ ) حجزت تاريخ 27-1 العوده 11-2


2) على اي طيران مع الأسعار
القطريه اثنينا ب 300 دينار حجزت من موقع القطريه نفسه


3) الفنادق مع الأسعار
ليما الحين ما حجزنا حيييييييييل حيييل محتاره الصراحه

4) جم يوم راح تقعدين ؟ وجم حاطة ميزانية للرحلات والتاكسي والأكل والسوق ؟؟14 ليله 4 ايام لنكاوي و 4 بينانج والباجي كوالالمبور ومن كوالا بنروح جنتنج يوم كامل ونرد فندقنا


5) جدول الرحلة

؟؟؟؟؟ ابيكم تساعدوني بجدول بنات انا اول مره اورح ماليزيا



بنات شرايكم في فندق تريدرز وباسيفك ريجينسي Pacific Regency والا الميلينيوم والا ماندرين اوريناتال ؟؟

 

[*الزينه*]

بنات شرايكم بهالموقع ثقه ؟؟؟

http://www.booking.com/

 

[souka]

بنات شنو فيه أسوق شعبية بكوالالمبور تنفع أخذ منها صوغة؟

 

[فراشه]

احنا حجزنا ع القطريه بتاريخ 31-1

احنا 7 اشخاص بروح سبوعين كلفتنا 2200

بفندق the ascot

 

[souka]

فراشة الساعة جم طيارتج أنا نفس اليوم؟

 

[souka]

فراشة الساعة جم طيارتج ؟أنا نفس اليوم