الي ناطرين دورهم بالاسكان تعالو ابيكم بكلمة راس

[xxx]

السلام عليكم

شلونكم

شخباركم

::

::

>>> خلصينا :eh_s(4):


نبي نسوي احصائية ونتباصر


تقديمكم أي سنة ؟

بأي منطقه راح يطلع لكم ؟

بتسكنون ولا بترفضون ؟ والسبب؟


يلا شدو حيلكم نبي الهمه :tongue22:

 

[الأماكن]

اللي أعرفه إن تقديمنا سنة 2000
وبس هذا اللي أعرفه​

 

[*دبدوووبه*]

انا بتكلم عن اختي
تقدميها سنه 1998
وعلى احصائيات حظهاااااااا
بيطلع لها على حدود الشمال
الله يعينهااااااااااااااااااااا

 

[لوكريسيا]

تقديمكم أي سنة ؟
سنة 2000
بأي منطقه راح يطلع لكم ؟
مادري ، حطينا صباح الأحمد و بعدها ريلي مادري شنو اختار :080402ask_prv:
بتسكنون ولا بترفضون ؟ والسبب؟
الله يعلم ، يمكن نأجره كله و احنا نأجر دور بالمناطق الداخلية لأن أهلي كلهم بالمناطق الداخلية:s141: .. و الله كريم و انتي بنوتة ؟؟

 

[البيداء_77]

انا بعد تقديم سنة 2000 ماا ادري وين بيطلع لنا بس استحالة نرفض لانة الاجار قص ظهرنا

الواحد ياللة يحصل بيت يقوم يرفض؟

 

[قلم صريح]

تقديمنا 2004

شكلها تصكرت من كل جهه فبنستسلم للواقع

وناخذ بيوت الحكومه لو بعيد احسن من الايجار الي قطع قلبنا

 

[mooomooo]

ماشاء الله سنه 2000 يا كثرنا وين بحطونا لوووووووووووووول


انا كنت اقول احتمال يطلع لنا بصباح الاحمد بس احساسي هاليومين يقول يالوفرة يالخيران

وشكلنا بنسكن هناك شنسوي بعد وين نروح

والحمدلله على كل حال

 

[xxx]

ههههه نسيت أجاوب

:27d66a9c24b146327bf

تقديمكم أي سنة ؟
سنة 1996
بأي منطقه راح يطلع لكم ؟
طلع لنا بمدينة سعد العبدالله
بتسكنون ولا بترفضون ؟ والسبب؟
والله للحين نفكر المنطقة وايد بعيدة (جنوب الجهرا)

 

[لوكريسيا]

مووومووو ----> انتي يالعيارة وين هالغيبة ؟؟ @@
بنوتة -----> شوفي أحد يبدلكم بطلب ثاني .. و اذا ماكو حاولي تسكنين فيه و ان ما قدرتي أجريه و شوفيلج دور بالمناطق اللي داخل .. مادري قاعدة أفكر بهالتفكير اذا ما قدرت أتأقلم مع البعد .. ( اهوا خل يطلع .. مزهبة الدوا قبل الفلعة هههه)

 

[شهدQ]

هلا وغلا

بنوته انا مايصر اجاوب

بس فعلا موضوع يستاهل التثبيت

الحين الي ماعنده ورث ولا مبلغ فوق ال 100 الف ياخذ احسن له لانه ماراح يلقى بيوت بيان مسكربه ب150 الف يبيلها ترميم مايقل عن 30 الف غير الاثاث


وافضل المناطق الجنوبيه لانها مرغوبه وايد لعدة اسباب

 

[طير الحب]

ههههه نسيت أجاوب

:27d66a9c24b146327bf

تقديمكم أي سنة ؟
سنة 1996
بأي منطقه راح يطلع لكم ؟
طلع لنا بمدينة سعد العبدالله
بتسكنون ولا بترفضون ؟ والسبب؟
والله للحين نفكر المنطقة وايد بعيدة (جنوب الجهرا)

نفسى بس ما ابى وايد وايد بعيده:eh_s(11):

 

[كاشونه الاصليه]

ا2002
الخيران قدمنا

 

[Um Ritaj]

قدمنا سنة 1998

اخترنا عريفجان بس يقولون راح يخصخصونها والله اعلم

ان شاء الله بنسكن فيها لان الايجار شفطنا وزهقنا من الضيقه وتعبت اني اثث في بيت مو بيتي

 

[dnyay_mll]

تقديمنا 2003
مادري وين بيطلع لنا
احنا سجلنا الخيـران
اكيـد بسكن تعبنا من الاجارات

 

[bnt_kwt]

تقديمكم أي سنة ؟

2000

بأي منطقه راح يطلع لكم ؟
ريلي قدم على منطقه صباح الاحمد والخيران

بتسكنون ولا بترفضون ؟ والسبب؟
اكيد بسكن اهو صج بقلعه وادرين بس ناويه اسوي بالحوش مال البيت شاليهات واجرهم على اهلي استربح من وراهم هههههههههههه بعد شنسوي او اني ااجر البيت واقعد بالديره يم اهلي بالقرين

الله يكون بالعون

ومبروك البيت بنت الكويت شتسوين يا وخيتي عينوا من الله خير والتعب عالسياره والبيوت شابه نار حتى لو بتبيعينه ماراح تقدرين تاخذين بالديره الا وعلى ظهرج مليون قرض
خليها على الله وتوسعي ووسعي على عيالج والتعب والدرب عالسيارات والله يعيننا ويعينكم

 

[*دبدوووبه*]

؟ عيل على حظي انا المسكينه
ماتزوجت
ولم اتزوج واقدم
وين بيطلع لي ؟

بأقصى جنوب القمر
لوووووووووووووووووووووووول

 

[Raveena]

تقديمكم أي سنة ؟
سنة 2001


بأي منطقه راح يطلع لكم ؟

اعتقد على الحدود ههههه :rgewrg: بس مادري يمكن الشمالية او الجنوبية


بتسكنون ولا بترفضون ؟ والسبب؟

اكيد ما ندري لي بعد جم الف سنة يمكن تتغير الظروف هههه



اهلي ساكنين بالمناطق الداخلية ... بيت ابوي في بنيد القار و بعد جم شهر ان شاء الله بينقلون بيت بالدسمة و انا ساكنة بشقة بالجابرية .. تعودت على المناطق الداخلية

 

[xxx]

اشكر كل الي شاركو بالموضوع

الله يعطيكم العافيه

وهذي احصائية يارب تعجبكم >> علشان تعرفون منو جيرانكم بالمستقبل oster_av1:



سنة 1995 :eh_s(18):

طم طم


سنة 1996 :eh_s(18):

بنت الكويت
طير الحب



سنة 1998:eh_s(18):

اخت دبدوبه
Um Ritaj



سنة 2000 :eh_s(18):

الأماكن
لوكريسيا
البيداء_77
mooomooo
bnt_kwt


سنة 2001 :eh_s(18):

Raveena


سنة 2002 :eh_s(18):

كاشونه الاصليه
طيبة الطيبات


سنة 2003 :eh_s(18):

dnyay_mll



سنة 2004 :eh_s(18):

قلم صريح


ضفت تصويت للموضوع ياريت تجابون عليه :stars:

 

[bnt_kwt]

ليش نسيتيني بنوته انا بعد ب سنه 2000

وبيتي بقلعه وادرين

 

[لوكريسيا]

تم التصويت بنعم و الله كريم