الي يبي يتعلم طريقه جباب الربيان بالصور تعالو

[ريمه الكويت]

على كل كوبين ربيان منظف وشايله قشرته حطي كوب عيش منقع
انا تقريبا احط كيلو ربيان منظف معاها كوبين عيش يعني العيش نص مقدار الربيان
المهم نظفي الربيان وقشريه وشيلي الخيط الي بظهره ونقعيه بطحين عشان يشيل الزفره عنه بعدين غسليه وحطيه بمشخل ينزل الماي الي فيه
نقعي العيش مده ساعه تقريبا وبعدين حطيه بالمشخل فوق الربيان
بصلتين مبشورتين مع شده كزبره مقصصتها كلهم فرميهم بمكينه اللحم وحطي معاهم ملح وفلفل اسود وكزبره بودره وشويه كركم وعجنيهم بيدج


زهبي الحشوه : بصله كبيره قصيها قطع صغيره مع قفشتين زرشك مغسول ومنقع وصفيه وحطيه على البصل وخلطيهم الاثنين مع قفشه سمن نباتي وملح وليمون اسود وشويه كزبره خضره


اللحين المروق تكونين طابخته من قبل واهو عباره عن بصله حامستها مع 4 فصوص ثوم وخمس حبات طماط مبشوره ونص علبه معجون طمام وحبتين فلفل اخضر حار بعدالهم وتقريبا 4 قفاش صبار منقعتها بماي حار صفيه وحطيه على المروق

وحطي عليه تقريبا 8 قلاصات ماي وملح حسب التذوق وشكر احبه حامض حلو احط يمكن 3 قفاش شكر او اكثر حسب تذوقج



اللحين كببي عجينه الربيان وسويها كور صغيره احلى لانها مع الطبخ راح تكبر تقريبا كبر حجم الجوز العدل او اكبر شوي



عاد خليهم يطبخون ساعه او اكثر وانتي ذوقيه ظبطي ملحه بين فتره وفتره

مع الطبخ راح تشوفين مايته ثقلت وبدت تنشف قصري على النار وخليه على نار هاديه انا اول ربع ساعه اطبخه على نار قويه بعدين اقصر على النار اخليه يستوي على مهل
وقدميه مزين بالكزبره

وايد لذيذ وناطع

وعن قرب

وعوافي

 

[بنت الفقيد]

تسلم ايدج حبيبتي

 

[ريمه الكويت]

الله يسلمج بنت الفقيد

 

[الاخلاص]

مبين عليج سنعه وراعية بيت ربي يحفظج اطربينا يا ريمية خلاص انا صرت من المعجبين بطبخج

 

[جارة القمر]

تسلم ايدج


حبيبتي

 

[ريمه الكويت]

ياحبيبني يالاخلاص هذا من ذوقج الحلو ماقصرتي

 

[ريمه الكويت]

الله يسلمج جارونه

 

[ابلة مبتسمة]

تسلم ايدياتج ...

 

[shroq]

يعطيج العافيه

 

[srsr]

تسلم ايدج حبيبتي
ريحتها واصله لين عندي خنينه مشالله
عليكم بالعافية

 

[ضحـاوي]

تسلم ايدج

ومشكوووره

 

[june_m00n]

تسلم الايادي يا ريمية


فنانه تبارك الرحمن

 

[hmama]

يعطيج العافيه

 

[ريمه الكويت]

ياهلا ابله الله يسلمج

 

[ريمه الكويت]

يعافيج ربي شرووووق

 

[ريمه الكويت]

الله يسلمج سرسر يعني شميتي الريحه عبر النت ههههههههه خلاص بدزلج صحن استلميه

 

[ريمه الكويت]

العفو ضحاوي

 

[ريمه الكويت]

june_m00n من ذوقج عيوني

 

[ريمه الكويت]

hmama يعافيج اختي

 

[koko2007]

ابيييييييييييييييييييه ريمية اغيثيني بليز تفجج معاي الجباب شسوي؟