الي يسااعدني لهاا احلى دعوه مني ادخلو تكفون

[يارب افرجها]

انا زوجى تزوج بنت عمى مطلقة ومعها ولدين كبار وسوا لى فلم هندى انها نزوة وانها يمكن ماتستمر وانه قال الكلمه واستحى لايتراجع عنها وخلانى اكلمهاعشان اقنعها ان الرفض يجى منها ويحفظ ماى وجهه جدام اخوانها وكلمتها بس ماقلت ان هو الى قالى دقى وقالت لى بالحرف الواحد{ والله ماتجيك منى يابنت عمى} وطلع كله كذب فى كذب متفق معاها والحين صار عندها منه ولد وانا تطلقت \ومعاى منة 6 ولدين واربع بنات البنت السادسة فيها ضمور بالمخ ومحتاجه رعاية ومقابل بين العلاج الطبيعى والمستشفيات مهرها دافعة من افلوس الاسنصيرالى تصرفها الحكومة للمعاقين بس ماقول الا حسبى الله ونعم الوكيل ولما واجهتها قلت ليش جذبتى على قالت الرجال عافج احفظ عيالج /طالع منو يتكلم عن العيال وعيالج الاثنين الى خليتيهم عند حريم الاخوان لان امها وابوها متوفين وماخذه حضانتهم من الاب لانها تقول مدمن/استغفرالله واتوب اليه
المهم حبيباتى صارالحين شهر ونص من طلقنى وموراضى يجيب الورقة يقول ماطلقت كنت معصب هاذى ثانى مرة يسويها شرايكم اروح للمحكمة بس انا مستحيه مانى قادره ادخل محاكم وهالسوالف صعبه علينابس لاتقولون ردى مااقدر منقهره منه ومنها جذابين لايقين لبعض

 

[نجمه الحالمه]

الله ينصــرج يارب على من عاداج ويرد كيده بنحرة

اخلعيه لــج كل الحق <<اللي باعج بيعيه ولا تسالين فيه عندج عيالج الله يخليهم لج سند وذخر ان شاء الله هذا مو كفو نعمــه

حشا عصابه
الله يوفقج يارب

 

[خــجــولــه]

لا حول ولاقوة الا بالله

نطري .... قولي حق احد يكلمه عشان يطلقج او اتفقي مع محامي

بقولج سالفه يمكن تستفيدين منها

وحده اعرفها طالبه الطلاق من زوجها وزوجها مايبي ومعاند اتفقت مع محامي بالتلفون يكلم زوجها ويقنعه والمحامي قالها انا اتصرف

عاد المحامي دق على زوجها ومادري شقاله بحيث اقنعه انه يطلقها يعني تعرفين سوالف الماحامين ولهم القدره على الاقناع


بختصار حاولي تخلين احد من اهلج يكلمه عشان يطلقج .... حاولي بكل الطرق اذا مانفع معاه ولا شي روحي المحكمه شتسويت

بس صبري عليه يمكن يطلق

وعليج بالدعاااااااء لانه اهم شي الدعاء

وربي يفرج عنج همومج ويسهل عليج كل دربج

 

[ام عباد]

لا حول ولا قوة الا بالله
حبيبتي انا اقول صبري والصبر مفتاح الفرج صدقيني شكلهم ماراح يكملون مع بعض وراح يعرف معدنها
وراح ترجعين بيتج وراسج مرفوع
والله ان شاءالله ينصرج عليهم
ولا تستعجلين بالطلاق

 

[zumreda]

اختي ليش تستحين ترحين للمحكمة عادي انت رايحة اطالبين بحقج مو رايحة تتجنين على احد روحي ولا تسكتين على حقج واللي باعج برغص بتراب ينباع المهم عندج اطفالج بالدنيا وما بيها وصح الطلاق صعب بس احسن من ما تعيشين ويا شخص جذاب وخدعج ومدام سواها مرة يسوي غيرها

 

[البنفسج]

..

حسبي الله ونعم الوكيل بهالرجاجيل !..

يا حيف بس !..

وربي مايستحي على وجهه !.. ولا لا ترديله .. حركته فيها غدر .. هاذا وأنتي كنتي زوجته وعشره ..

مدري شالحل يالغاليه .. بس مابغيت أدخل وأقرى بدون هالنصيحه ..

" الاستغفاااااااار" .. وربي علاج لأصعب الأمور .. ( وعن تجربه ) .. لو طايحه بأصعب المشاكل ..

استغفري طول يومج .. والله بيفرجها .. وإسئلي حد كبير بالعايله وفاهم .. قوليله شلون آخذ نفقه لعيالي ..

والله يهون عليكم ياااااااارب ..​

 

[تنـــاســـانــي]

لا روحي المحاكم ..

لان محد بياخذ حقج الا المحاكم ..

و بعدين مافيها شي .. انتي مو داخله مخفر ولا قضيتج فيها شي ..

و طلبي قبل ورقة الطلاق .. طلبي نفقه ..

علشان تنزلج اول .. لان قضايا الطلاق تعور الراس و يبيلها وقت طويل ..

الله يعينج و يفرج همج .. و يتنقم منهم اذا اهمه ضلموج

 

[brettey]

الله يفرج همج ويعوضج وينصرج على من ظلمج وغدر فيج اللهم امين
عليج بالدعاء وصلاه الليل والاستغفار واستشيري احد كبير بالعايله

 

[دراما]

الله ينصر جميع المظلومين

 

[pride&prejudice]

لا حول ولا قوة إلا بالله ، الله ينصرج ويصبرج " اللهم انصرني على من ظلمني وأرني قدرتك فيه" ، روحي المحاكم واخذي حقج منه ألزم ما عليج بنتج .

 

[عاشقه رويشد]

الله يفرج همج وكربتج ياارب

 

[Preity]

روحي حق المحاكم واخذي حقج منه
ماله داعي الحيا
والله ياخذ بحقج ان شاء الله وينصرج يارب

 

[مارلينq8]

شكو تستحي يمكن مايبي يطلقج علشان الفلوس لان الدوله تعطيها على اليهال وهم على بنتج روحي حق محامي شاطر ورفعي عليه قضيه خل يطلقج وقضيه علشان النفقه لج ولعيالج وصدقيني بيروح نص معاشه خليه يتربى هذا موكفو اهم شي عيالج

 

[علولي]

الله ينصركي عليهم
ويرد كيدها في نحرها
وصدقيني بيرجعلك ندمان
لان مابني على باطل فهو باطل

 

[Namlah]

الله يعينج ويفرج همج...البنات ماقصروا

 

[y7lok_7loho]

اقول لج راااي

ال شى لا تسمعين كلام بنات المنتدى لان الكل يبون يقلون لج تطلقى ما يستحى خلية يولى خاين والخ الخ لان بطبيعة البنت بتحامى مع البنت المظلومة هذة شغلة غريزية وانتى لاحظى الردود

اول شى انتى حكمى عقلج وريحى نفسج لا تعيشين بدوامة انتى بغنا عنهااا

يا حياتى يا قلبى انتى لج منة 6 وين بيرحون هذول الستة بعد الطلاق الامج الابوج ؟؟؟ الاخوانج محد مكلوووف باحد انتى الستة راح تشيلينهم على كتفج بروحج؟؟؟

ومن حظ المرة الثانية تبى تنعم با الرجال وتبى تاخذة بروحهااا انتى اقتنعى انة غدر فيج والزوجة الثانية غدرت فيج بس الحين شنو الى لج والى عليج لازم تشوفين لج حل مو با الطلاق الا بمواجهتهم

انتى فى معركة لازم تكسبينها مو عشانج عشان تحرين المرة الثانية فيهاااا

نافسيهااا واخذى زوجج منهااا ليش انتى استسلمتى من البداية وقلتى طلقنى هذة ضعف فيج

والدليل ان الزوجة الثانية تبيج تطلقين من دقيتى عليها التليفون تحرج وتبى تطلعج من طورج وترا الرجال مالة الا الظاهررر

طلعتى مسكينة الزوجة الثانية عرفت تلعبها صح تقول لج كلام يحر با التليفون وانتى تحطين الحرة بمنو؟؟؟ ((( زوجج)))

انا اقول خلى بنات المنتدى عنج وابدى تاقلمى بوضعج اكسبى الرجال وخلى الرجال بين عيالة وردى لوضعج الاول واحسن لا تهخلين الرجال مصدر همج الاول لا

ابدى اهتمى بنفسج وبعيالج وخلية يصرف عليكم ويداريكم وبمعنى اخر خلية با النسبة لج مزهرية حالة حالة الكاماليااات

ومنهاا اكتسبتى ثلاث شغلات

الاولى قعدة زوجج بين اعيالة والثانية يصرف عليكم وعينة عليكم والثالثة حرمتى الزوجة الثانية منة ولا تنسين انتى الاولى وانتى ام العيال ما يفرط فيج والدليل ما يبى يطلقج لحد الحين متمسك فيج

ونصيحة ونصيحة لا تدشين المحاكم ولا تسوينهاااا بتكون غلطة ما تستفيدين منها غير الندم

لان بعد الطلاق انتى بتكونين بروحج وهو بس يحذف ها المصروف ويبعد عنكم بعد مرور الوقت والله نصيحة اخت الاختهااا لا تسوينها ونافسى المرة على زوجج وخليهاا تموت بغيظهاااا

وعاد انتى ومهارتج تحججى بمرض الجهال تحججى بمصاريفهم وتحجىى بشغلات واجد وخلية كثر ما تقدرين يقعد عندج واهم شى لازم يتكون متغيرة من ناحية الاسلوب يعنى خليج غشمرية خليج هادية واهتمى بلبسج ومظهرج خلية يحس ان انتى متغيرة وميخالف تبين تقولين يقص على ولا مو صادق بمشاعرة والدليل افعالة ؟ تحملى واصبرى والا الرجال حالة حالة القنفة المهم والى عليج اخذية من حضنها وخليهااا تلف فيها الدنيااا ولا تستسلمين حبيبتى

وارجع واقول البنات المنتدى ما يعرفون بها الوضع لان اغلبهم ما جربووو المرة الثانية ولا شافووو بحياتهم ها السوالف اوانا من كلامج احس انتى بدوية

وبنات البدو حركاتهم مو مثل بنات الحضر مع احترامى لهم

واى استفسار واى سؤال واى مشورة انا حاضرة لج ع الخاص شاكرة لج والله يفرج همج قولى امين​

 

[يارب افرجها]

والله مادرى شقولكم بس مشكورين وماقصرتو على الدعوات والله كريم لكن مساْلة انى اردله بالوقت الحالى صعبه لان مانى طايقه اشوفه وانا ماعرف الف وادور اذا مالى خلق انسان لايمكن اقابله ماعرف الله يفرجها ومشكورين مره ثانيه

 

[سـارهـ]

الله ينصرج مالج الا الله سبحانه وتعالى ادعي ودعوه المظلووم مستجابه
اذا كانت عندج قدره وحاسه انج بكسبين اشتكي عليه
وانشالله منصوره بأذن الله

 

[سـارهـ]

مو لازم تردين له

 

[اميرة-الاحجار]

حبيبتي نطري شووي على ماتهد اعصابج انتي الحين تحت تأثير الصدمه نطري جم شهر بعدين قرري شنو بتسوين يمكن تتطلقين ووتحسفين
نطري شووي وبعدين اذا ظليتي كارهته خلاص خخلعيه بس الحين لاتتسرعين وانتي بحالةة غضب .. وصلي استخاره يابعد قلبي