الي يطلبون من asos يتفضلون

[<miss botamba>]

السلام عليكم


بليز الي يطلبون من ASOS على عنوان الكويت مو اراميكس او اي شركه ثانيه لا على الكويت دايريكت

الشركه الي توصل لكم الاغراض تاخذ منكم فلوس للجمارك و الشحن؟


لان انا كل مره اطلب على صندوقي مال اراميكس وعلشان انا كله اطلب شغلات وايده فيطلع على الشحن غالي فقلت بجرب على عنوان الكويت

وايد مواقع اطلب دايركت للكويت و DHL يوصلون لي الاغراض وماياخذون على ولا فلس

بس تو اتصلوا على وقالولي عندج شحنه واصله و لازم اطرش لهم رقمي المدني و اسمي الكامل و ادفع لهم رسوم تخليص جمركي و رسوم شحن توصل لغايه 40 دينار !!


الشي هذا اول مره يمر على ، مر عليكم من قبل؟


انا طلبت منهم يعطوني الاوراق وانا اروح استلم الاغراض من المطار

فقالي لا احسن احنا انييبهم لان المكان مو مال حريم

اهوا لمن قالي جذي حسيته يجذب !! ويبون يبوقوني او يستغلوني !!


فبليز الي تطلب دايريكت للكويت تفيدني بالشي هذا :eh_s(7):

 

[* شوية أمل *]

أأب أأب

 

[<miss botamba>]

^^

شكرا عالرفع

وعسى ربي يرزقج راحه البال و كل الي تتمنينه ;*

 

[law love]

ما جربت دايركت ان شاء الله وحده من البنات اتفيدج

بس مره قريت موضوع وحده من البنات ما تنصح بالدايركت نسيت ليش خل ادوره

 

[law love]

هذا كلام البنيه



ملاحظة ..
1) انا جربت اطلب منهم ويوصلون للكويت دايركت واخترت الشحن الثاني الشحن السريع
للأسف كان عن طريق شركة الصيوان اللي بشويخ شركة فاشلة فاشلة فاشلة ..
يتصلون عليج يقولون لج وقفت الشحنة عند الجمارك تعالي استلمي اوراقج وروحي بنفسج يبي شحنتج
2) اللي تبي تجرب منهم اقولها لا تستلم الشحنة مووولية خليهم اهم ايبون لها لاشحنة ... وياخذون منج فوق 30 دينار
3) الافضل لج تاخذين صندوق بريد بأرامكس بـ 10 دنانير و750 فلـس ..
يشحنون لج الموقع لي صندوقج ببريطانيا ببلاش .. واول ماتوصل للصندوقج ببريطانيا ايبونها لج بالكويت
لاول نص كيلوا 3 دنانير وكل زيادة دينارين ونص



وهذا لنك الموضوع

http://www.q8yat.com/t674320.html

 

[law love]

هذي تجربه لواحد شاحن دايركت


انا لي تجربة فاشلة مع شركة الصوان

شريت من موقع اسوس وكان الشحن مباشر للكويت تفاجأت باتصال من شخص هندي يقول تعال استلم شحنتك رحت لموقع الشركة بالري وطالبني بدفع 5 دنانير ثم اعطاني اوراق التخليص الجمركي وقال روح المطار استلم الشحنة بنفسك قلت كيف استلم الشحنة وين دوركم انتم كشركة شحن رد علي وقال ان ذهابي للمطار بنفسي يكون الاستلام اسرع والا سانتظر من 4 الى 5 ايام الى حين استلام شحنتي !!!!! المهم رحت المطار وخلصت كل شي بساعة ونص تقريبا لكن دفعت مبالغ خيالية فضلا عن الروتين والاختام والتفتيش وغيره من اجراءات دول العالم الثالث والدول الشيوعية المتخلفة فصراحة خلك مع الشركات الكبيرة وان كانت غالية لكن انت مرتاح.


http://www.adslgate.com/dsl/showthread.php?t=793162
وهذا اللينك

 

[law love]

ونفس البنيه كاتبه تجربتها بتفصيل اكثر اهنيه

http://www.adslgate.com/dsl/showthread.php?t=582353

 

[krkooora]

ما قصرت لو لوف

 

[<miss botamba>]

بعد عمري لو لوف

اي هذي الشركه اهيا الي اتصلت علي

ونفس الشي قالي يبون تخليص جمركي و غير الشحن الي ممكن يوصل ٤٠ دينار

وان شاء الله السبت بروح لهم علشان اخذ الاوراق

بس حريمتهم ادفع

لان انا دافعه حق اسوس توصيل للكويت

وبعد ما استلم الاغراض باذن الله

بدز ايميل شكوى حق اسوس علشان يغيرون الشركه

 

[<miss botamba>]

مشكوره كركر عالمرور ;**

 

[كويتية222]

للرفع . . .

ما يدرون البريطانيين عن بريد الكويت وشركات الشحن الوطنية كان لغوا الشحن الدولي

 

[fatomd]

ابيه موضوعك نزل علي من السما
انا ناويه اطلب ااسبوع الياي اشوه ما خذيت التوصيل المباشر
الله يسخر لكم الصالح مثل ما الله سخركم لي
هذيل يبيلهم شكوى والله الشركات السنعه توصل لي باب البيت و ياخذون 10-15 دينار وزن و شحن و كل شي
شدعوه عليهم 40 دينار حرام عليهم هالبوق

 

[<miss botamba>]

كويتيه

اهوا مو بريد الكويت هذي شركه شحن يديده كويتيه

اهما المفروض يعتمدون شركه عالميه مثل فيديكس او دي اتش ال

 

[الله يخليني]

لا بوتمبا بهدله على الاخر خليج على اراميكس ارحم ..

 

[رورو 88]

انا سامعه فيكتوريا سيكرت بعد يوصل دايركت

بس اهم شي يقولج المكان مو مال حريم ليش ابوي اخوي لوووووول تحفه

بتمبه خليج عالصندوق ولا هالعباله كل مره

واب عشانج

 

[<miss botamba>]

^^^

عاد بعد توني طالبه من فيكتوريا دايركت للكويت

وامس بنت خالتي تقولي نفس الشي لمن استلم ادفع !!


مو من صجهم


ههه شكلي بمشي واتهاوش معاهم

 

[PuPa^^SWeeT]

خلج على ارامكس


افضل

 

[بحر الرمال]

شوفي احتمال انه اذا انتي طالبه من اسوس ساعات او اكسسوارات ترا ياخذون عليها جمرك
و اذا الماركه موجوده بالكويت هم ياخذون جمرك لان انا طلبت خواتم من موقع سان لوران و خذو جمرك قريب ال50
سياسه ان ياخذون جمرك عالماركه اللي لها وكيل بالكويت هدفها حمايه حقوق الوكيل

 

[<miss botamba>]

^^^

ماله علاقه

انا الي اعرفه الفلوس لشركه مو الجمارك

لان مره طالبه من برادا و الكساندر مكوين و سالوران مع بعض بوكس واحد ولا خذوا ولا فلس

 

[بحر الرمال]

عيل الشركه قاصين عليج معناها