ال 4 ميل بشكثر امشيها ؟؟

[ام بنتها]

مسااء الخير بناات
شلوونكم
بس بسأل ال 4 ميل اذا بمشيها تقريبا بجم سااعه ؟؟
مو ركض ولا هروله مشي سريع
بلييز الي تعرف ختسااعدني
وشكرا مقدما

 

[9aBa]

انا امشيها تقريبا بـ 40 لي 45 دقيقه .. ما ياخذ اكثر

هذا اذا مشي سريع ويا شويه بريكات

 

[ام بنتها]

بس ؟؟
انا عبالي سااعتيين او شي جذي
مشكوووره صباااا

 

[9aBa]

سوري أنا قريتها 4 كيلو متر .. مو ميل ;$

اذا تبين 4 اميال .. تقريبا يبيلج ساعه ونص

 

[ام بنتها]

اقووووووول جنه بسرعه
خخخخخخخخخ
مشكوووووره

 

[xxx]

يعتمد على السرعه

 

[ام بنتها]

اذا السرعه كانت 5,6 بالجهاااز
بشكثر ؟؟

 

[yam_yam]

حبيبتي اذا عالجهاز ديري بالج لا تركضين عشان الركب لا يعورونج

 

[9aBa]

ترى يعتبر وايد سرعه 5.6

مو زين حق الريــل .. مثل ما قالت يم يم يسوي عوار بالركب :s

خلج على الممشى افضل

واذا تبين جهاز لا تزيدين عن سرعه 4.5 لأن مو زين يسبب ضغط على الركب

 

[ام بنتها]

مشكورين ام يم يم و صباااا
وعاااد اتصدقون انا ركبي صااروا كلا يعوروني و قاموا يطقطقووون
و اشك انه فيني خشوونه
و توني عمري 23
بس لاني من 16 سنه لي 19 كنت يوميا امشي عليه سرعة 60 و الحين كلا ركبي و ريولي يعوروني و يجكجكوون اضحك جني عيووور

انزين اذا سرعة 4.5 مو بطئ ؟؟
و احس مااعرق ولا اضعف

و تدرون ال 4 ميل جم كيلوو
لان بالجهااز الي عندي حاطين بالكيلو 4 و 8 و 16 و ماادري بعد جم

ياليت الي تعرف تفيدنيي
و شرايكم امشي سرعة 5 ؟؟ لان احس 4 ونص ما يضعف

 

[9aBa]

الـ 4 ميل لمن حولته طلع لي 6 كيلوات و 300 متر تقريبا

و ما تشوفين شر ان شاء الله

اكيد ريلج قامت تعورج من الاجهزه لأنه حده مو زين !

امبلا 4.5 يعتبر بطيء يعني جنه مشي بس بخطوات سريعه

والله انا ما اقدر افيدج بجهاز المشي لأني ما استخدمه كلش ! يسبب آلام بالمفاصل و صراحة الزم ما علينا صحتنا

لو تمشين كل يوم بالممشى يكون افضل .. او اذا ما تقدرين وعندج التزامات .. امشي مره بالاسبوع بس حاولي كثر ما تقدرين تبعدين عن جهاز المشي

 

[ام بنتها]

مشكوووره صبااا ما تقصرييين
بس كلش ما يمديني امشي بالممشى
عندي سي دي شاريته من امازون امشي فيه ميلين وانا بمكااني مع المدربه يونس مشيت فيه بس مره
الحلو بالممشى الكهربائي اني لي مشيت اشوف فلم ولا مسلسل و مااحس بالوقت كلش
بس مااسوت علي و ركبي راحت فيهااا
شكلي بلتزم بالسي دي
او امشي بالجهااز سرعة 5
و عيدج مبااارك انشالله و اسعد الله ايااامج