شلونكم بنات و شخباركم
بنات بقولكم شغله انصدمت منها
امس كنت بغبقة انا و اختي و شفنا صاحبه العزيمه و اختها لابسين دراريع فظيييييعه
يوم سالتها انصدمت من السعر قالت لي 80 و الثانيه 55
قلت لها انا حطيت عليها فوق ال150 اذا مو اكثر
قالت لا و الله انا شاريه بهالسعر
المهم سالتها من وين قالت لي من البلوكات الخياييط اللي فوق التراث الهندي
قلت حق اختي خل نروح باجر و فعلا رحنا اليوم
بنات انا وايد احوس بالمعارض بس ماشتري اروح اتطمش و اطلع
يوم رحت اليوم طقييييييييييييييييييييييت على راسي من اللي شفته
اغلب البضاعه اذا مو كلها لقيتها هناك
بنات القمصان اللي على 70 و 80 و ساعات يوصلون ل 120 و اكثر بالمعارض لقيتهم على 20 دينار و 25
و القمصان الشك الكشخه اللي حق عزايم اغلى واحد ب 45
امبيه لا مو صج اللي شفناه رحنا درنا على اغلب المحلات
و حتى واحد منهم لقيت عنده قميص انا شايفته على وحده هو عادي مافيه شي بس الخامه منه و فيه
يوم سالتها قالت لي من لندن و مارضت تعلمني
قسما بالله لقيته هناك ب 18 دينار مع خامته
امبيه ياصاحبات المعارض خافوا الله دابلين اسعاركم اضعاف اضعاف
يعني حتى لو بتاخذين ربحج و ارضيه محلج ماتوصل جذي
صج ايقنت ان مافي وحده تصمم الا ناس بسيطه كلهم خياط من الكتالوجات و بس
اصلا لا رحتوا هناك بتشوفون يخيطون بالجمله اشكرا للمعارض و غيرها
روحوا هناك و شوفوا بسوق الصفاة فوق السلم اللي قبال التراث الهندي
روحوا و اشتروا للعيد
و حياكم الله
