امريكااااا نار وشرااار غاليه جدا

[كويتيه عبسيه]

السلام عليكم ياكويتيات
انا بأمريكا الحين واقول حق اللي بيروووحون ترى امريكا نار نار نار يعني مثلا بمطعم عربي طبقين مع بيبسي 100 دولار يعني 27دينار
غاليه والكل قالي بالمنتدى انها معيشتها رخيصه وانا اشوف العكس يمكن هالسنه لان اقتصادهم طايح بالقاع وحتى سوقهم نار
عالعممموم يازيين الكويت والله ويازين اسعارهاااا وفديت عمري للكويت
وابي اسأل سؤال انا شريت اشياء ودفعوني ضرايب شلون ارجعها ؟؟؟؟ يقولون ترجع بالمطار؟؟؟ واللي عندهاااا فكره ممكن تفيدنا ؟؟؟

 

[أمانيQ8]

هلا بالحبيبه...معروف المطاعم العربيه دوم سعرهم غالي مو بس بأمريكا بس يعتمد طبعا عالولايه اللي انتي فيها ... انتي بأي ولايه حاليا؟؟

 

[أمانيQ8]

وعلى الضرايب احتفظي بالفواتير لا تقطينهم عشان بالمطار يعطونج فلوسج

 

[كويتيه عبسيه]

مشكوره اماني عالرد
وانا في فلوريدا اورلاندو بالتحديد مكان الترفيه
ومن ناحية الضرايب قالوا مايردووونها مومثل لندن....؟ امريكا امريكا بطلع فلوس من تحت الارض لان اقتصادهم نازل بالقاع...؟
واذا متأكده بليز عطيني خبر

 

[ام _خلودي]

لااا مو بشااره ضيقتى خلقى

عموما حبيبتى التاكس ماينرد باامريكاا

بس اذا رحتى مسسز اخذى وياج جواز السفر علشان يسونلج خصم غير جذى ماكو

 

[كويتيه عبسيه]

ماااااااااااااااااااااااالت عليهم ضرايسبهم وااايد

 

[q8iLady]

حبيبتي ,, سألي عن تي جي ماكس .. سوي سيرج في T.J. Maxx Store Locator

و بعد سالي عن http://www.outletbound.com/usa50.html#Florida

إن شاء اللـه اكون افدتج ,, و رحله موفقه

 

[فلونة احلى وردة]

وي عاد انا قايلة بروحلها على بو ارخص معيشة من اوربا
ويييييييييييييييييي ضيقتي خلقي

 

[q8_toffee]

مطاعم العربيه تقريبا كلها غاليه بامريكا وين ماتروحين والسوق اسعاره نفس الكويت بس التاكس الى يذبح ويغير سعر والحسبة تلقين الاوت ليت ارخص بوايد من المحلات

 

[law love]

رايحه مطعم عربي اكييييييد غالي
روحي مطاعمهم نفس اسعارنا

 

["attractive"]

اختي معروفه المطاعم العربيه قمة الاستغلال علي انه احنا بعد عرب شوفي شلون يرفعون الاسعار
اما عن خبرتي مافي مقارنه بين الاسعار في اوربا و أمريكا أوربا طبعا اغلي بكثير طبعا كل شخص و طريقة مصرفه امريكا ممكن تاخذين وجبه ما تتعدي ال 10 دولار و ممكن تاخذين وجبه ب 50 دولار علي حسب المكان والولاية ..جربي تروحين الدول الاوربية و شوفي السكن واجار السيارة راح تعرفين الفرق او ما يحتاج دشي علي موقع للحجوزات وهم راح تشوفين فرق الاسعار بالنسبه للسكن او اجار السيارة وسامحني اذا طولت في الشرح

 

[ام مهاوش]

اووووبس انا عبالي اسعار امريكا زينه ماتوقعت جذي :|

 

[ام مهاوش]

وبعدين المطاعم العربيه بكل دول العالم غاليه استغلال موطبيعي

 

[كويتيه عبسيه]

يابنات اللي بترروح امريكا بالتحديد اورلاندوااا نصيحه تحسب الف احساب لانهاا غاااليه جداجدا وانا سافرت وايد بس امريكاا وااايد غاليه اورلاندوووو بالتحديد

 

[miss_art]

حبيبتي بالعكس انا قعدت فيها فوق الشهر مو غاليه.. مطاعمهم الامريكية مثل اسعار المطاعم هني .. وجمعياتهم نفس اسعار مركز سلطان هني..اما سوقتهم رخيييييييييييييييييييييييييييييييصة وحلوووووة وتهبل

 

[rawona]

الاكل العربي معروف انه أغلى في الدول الغربية وهالشي مو يديد ..

وبالنسبة للسوق اسعاره معقوله حيل .. نفس اسعار العالم بالنسبة للماركات العالمية بس اللي يميز امريكا الخصومات والاوت لت ..


واسعار المعيشة الجمعية وغيرها نفس اسعار مركز سلطان والجمعيات اللي من طقته ..

وايد علبالهم لما نقول أمريكا "رخيصة" يتوقعون اسعارها اسعار المحاميد او المهارة!! لا طبعاً المقصود بانها رخيصة "ارخص من اوروبا" وبس



​

 

[في عيونه]

حبيبتي اورلاندو مو غاليه وبالنسيه للمطاعم العربيه في امريكا فيه الغالي والرخيص اغلب المطاعم اللبنانيه فيها عرض البارتي بلاتر شامل مقبلات سلطات مقالي وطبق رئيسي اللي لشخصين يكفي اربع وما يعدي 29 دولار سعره. اذا تبين رخيص في اولاندو عندج الديري كوين فيه حلال بس مو كل القائمه اسألي ويقولون لج. الشراء لازم تدفعين ظرائب بس احتفظي بالفواتير. حاولي ترتبي الطلعات واشتري تذاكر اللي تكون عرض وترى فيه بشيش البنزين بالمنطقه القريبه منها يبيعون تذاكر دزني وايد ارخص بحدود 25 دولار.

 

[travel]

اوروبا اغلي بوايد من امريكا لكن فى ولايات غاليه مثل نيويورك وبوسطن وكاليفورنيا وراقية بنفس الوقت اما فلوريدا كان سكنها ارخص
من غيرها

 

[كويتيه عبسيه]

والله انا الحين بأمريكاا واشووف كل شي غااالي ونار والبيبسي3 دولار يعني 900 فلس والاقصااد عندهم نازل وصاير كل شي غااالي والناس قامت تخسر ابيوتها وتبيعها وسيايرهااا
وهذا كلام الامريكيين

 

[في عيونه]

حبيبتي سعر الببسي دولار وربع لا تشتري من الاماكن السياحيه.