امساك فيني & ريحه فم خدامتي :(

[84 Miss Chocolate]

قوه بنات هذي اول مره اكتب بالطب البديل والاعشاااب و طلبتكم ..
1- ريحه حلج خدامتي كريها صراحه مع اني اخليها تفرش اسنانها و تاكل و اتمضمض بماء ملح شالحل لها لاعت جبدي :0bee2e8d89:


2- انا اسووي رجييم وشاي رويال مايمشي بطني و فيني امسااك تكفووون ابي شي او خلطه اسويها ..

 

[go0omar]

والله ...الله يعينج بس اتوقع عندها ضروس محفره عشان جذي


بالنسبه للامساك .. استعملي شابوره عشرت حبوب الزرقه مالت الرجيم اتساعدج


والله يسهل عليج وترتااحين

 

[Om JooD]

قمر..لامساك اكلي برتقال وخس هذيله عشان فيهم الياف يمشون البطن وجربي لبن اكتيفيا

 

[نورالدنيا***]

ايزي لاكس حق الامساك

خدامتج اندنوسيه تاكل اندومي يخلي ريحتهم قويه او وديها طبيب اسنان واي بس لاعت جبدي الله يعينج

 

[monera]

جربى مع خدامتج البقدونش تمضغه على الريق

والنعناع ....

الامساك ...اخدى جلاس ماى مع قفشة عسل وقفشة عصير ليمون

انا اخدهم على الريق يمشون البطن ....

وعلى الريق اخدى فاكهة غنية بالالياف عصير او اكليهم

وعصير الرقى مع الكيوى على الريق

 

[reemas]

ما تشوفين شر حبيبتي....اكلي تفاح و كيوي وكثري من السلطات و العصاير الفرش والماي

واذا تبين خلطه اعشاب من الحواج فيه شي عنده اسمه نقوعه وفيه ناس يسمونها السنامكي

واتوقع موجوده عند كل حواج واهو راح يعلمج طريقتها ....

بس هاه حبيبتي النقوعه ما تستخدم الا للامساك القوي المزمن واذا بغيتي تستعملينها استعمليها بالويك اند.

 

[84 Miss Chocolate]

مشكوووووووووووووووووووووووووووورين

 

[nice-girl]

لوووول قمر والله ضحكتيني
على خدامتج نفس الحاله عندنا وعندج خير
سويلها معموووول الدواسر مال الحلج قطيعه
ولا اشتريلها كرتون علج اكسترا الازرق
وعلى الامساك
في دوه بالصيدليه اسمه deldulex
واييييد زين حق الامساك

او اخذي سنمكى من الحواي وشربيه بليل

 

[ii DareeN ii]

يمكن خدامتج عندها مشكلة داخل جسمها تسبب الريحة اذا ماكو فايدة ويا المعجون والمضمضة والعلوج وديها الطبيب يوصف لها شي


بنسبة للامساك الصبح شربي ماي دافي وياه عسل وليمون استمري جم يوم وكثري من الاشياء الي فيها الياف مثل الخس والورقيات الكوسا عصير البرتقال ويا الكيوي هم زين بالعموم الفاكة زينة تنظف البطن

 

[غير كل الناس]

عطيها اكسترا الازرق


واكلي رقي قبل الوجبه

 

[فوشية]

بخصوص الامساك اتمنى البنااات فادوج...

وبخصوص ريحة الفم فى اكو بالحواج علبه اسمها كريستال .. الصراحه انا ماجربتهااا بس رفيجة امى خادمتهااااااااااااا نفس طقة خدامتج وشرت لها وارتاحت لووول الله يعيينج

 

[توت عنكبوت]

بالنسبة لج بعد العشاء اخلطي ( اعصير اناناس كي دي دي + 1 كيوي ) وعن تجربة بتمشي بطنج ويساعد بحرق الدهون هذا الكلام مو بس تجربتي لا دكتور التغذية اهو اللي قال لي .

اما خدامتج لا تعبين نفسج لأنها ممكن عندها مشاكل بالمعدة اذا ريحة الحلج ما تروح او عندها ضررس خربان الله يعينج .

 

[Mama Africa]

يمكن خدامتج عندها مشاكل بلثتها !! وديها الطبيب ولا تخيسكم

وبالنسبة للامساك اول ماتقعدين شربي قهوة ويفضل تركية وعندج الخس والكيووووي

 

[أسمى حب]

بالنسبة لريحة الفم يعني وجود مشاكل في الجهاز الهضمي خاصة باللثة عندها رواسب وجيوب صديدية بين اللثة والاسنان وديها المستوصف تري يسوون تنظيف .

و حقج اذا انتي تسوين رجيم راعي انج تاكلين كمية كبيرة من الالياف سواء بالتفاح الاخضر او الخس وغيرهم و اكلي شابورة الفيصل للرجيم تنشط حركة الامعاء لأن فيها الياف كثيرة و اشربي الشوربة الحارقة للدهون تري روووعه لتنشيط الجهاز الهظمي .

ما تشوفين شر ان شاء الله

 

[الفاصله]

يمكن ضرس خايس عند خدامتج لازم تودينها لطبيب اسنان

لااااااااااااااا لاعت جبدي
الله يكون بعونج

اما الامساك انحاشي عن الشاي

 

[مغيب الشمس]

الله يعينج هدا من البصل والثوم اللي ياكلونة 24الله يعينا كلنا من ريحتهم الخايسة

 

[zamaan]

كلّ شخص منا تعرض يوما للإمساك. وكلّنا نرغب في الحصول على طريقة سهلة للتخلص من هذه المشكلة المزعجة، على أية حال.
أسهل طريقة لعلاج الإمساك هو مساعدة الفضلات على التحرك سريعا من الأمعاء. وإليك هذه الطريقة السهلة والسريعة للتخلص من الإمساك.

• ا بدأ صباحك بتناول كوب من العصير وزيت بذور الكتان. ( قم بإضافة ملعقة من زيت بذور الكتان إلى كوب من العصير، امزجه جيدا. يمكنك أيضا إضافته إلى اللبن والفواكه المخفوقة).

• تناول وجبة الفطور. امنح أمعائك فرصة للتحرك. (استعمل زيت بذور الكتان أو بذور الكتان في أطباقك الصباحية). الزيت سهل الامتصاص خصوصا إذا كان ممزوجا في الطعام.

• قم بإضافة زيت بذور الكتان إلى تتبيلة السلطة.( امزج كمية متناسبة من زيت الزيتون والليمون، وزيت بذور الكتان، مع المسترد والملح والفلفل). هذا التابل الصحّي يمكن أن يرفع من صحة قلبك وينزّل الكولسترول بالإضافة إلى تقليل المشاكل المعوية

 

[هيوفه الحلوه]

رد : امساك فيني & ريحه فم خدامتي

انصحك توديها للطبيب احسسن يشوف وش فيهـآ .. عشان يكتبلها علاجات ..,

 

[بنتq8]

للامساك بصيدليه في deldulex اخذيهم بليل قلب نوم يبدي مفعولهم الصبح

او اخذي بيني فايبر الياف تنخلط مع اي شي تشربيته وتخليج تخرجين عادي مو اسهال وانتوا بكرامه

وبالنسبه لخدامتج وديها دكتور الاسنان احسن