~ امـــــي والزواج ~ !! (( ساعدونــي ))

[Tota ali]

مســـاء الخير يا بنات ...

بقولكم قصتي من البداية مع امي والزواج ....

انا بنت يتقدمون لي شباب في البداية وحسب العادات والتقاليد ..

لازم ام الشاب تكلم امي واو تتصل وبعدين يصير التقدم الرسمي ..

في البداية امي كانت ترفض كل من يتقدم لي بدون سبب واضح ..

واذا اسألها تقول شتبين في الريال قعدي في البيت احسن لج ..!!

وانا كان يمنعني الخجل من اني اتكلم بس كنت اقولها انا كبرت !

وابي اعيش واكون اسرة تقولي ما تستحين ومن هالكلام الي يعور القلب !

انا سلمت امري لرب العالمين وطنشت الموضوع وهي كل مرة تقطع نصيبي ...

وكان عذرها للناس ان آنا الي ارفض الزواج ومابي اتزوج و لو اكلمها اطلع قليلة حياا ..

وابي ريال (( حسب كلامها )) ..

المهم يا بنات انا كل من يبي يتقدم لي يقولون اني مابي اتزوج الى ان اشتهرت بهذا الشي ..

اني مابي الزواج !!

وقلوا الخطاطيب ومحد صار يطق بابي :eh_s(16):...!

الى تقريبا شهر 4 الي فات ..

كنت قاعده في غرفتي دخلت علي امي وقالت لي زهبي نفسج اليوم بيخطبونج !

قلت لها شنو وليش ومن !! وشنو هالتغيير !!

قالت اي الحين محد يخطبج وهذي فرصتج وافقي وبس وآنا حاولت وياها مامنها فايده تعبت !

قلت بنزل اشوف الناس والله يسهل الامور !!

صار العصر ويونا اهل المعرس وياهم ولدهم !

دخلت سلمت عليهم طلعوا خوش ناس ويضحكون ويسولفون وياي وطيبين ماشاء الله عليهم ..

بس صار ووقت المقابلة مع ولدهم وانا كانت زاعجتني هالطريقة بس ما باليد حيلة ويا امي ..!

دخلت المجلس وهو كان هناك وانا طبعا اول مرة ادخل مقابلة وكنت مستحية !!!

سلمت وقعدت وبصراحه يا بنات انا ما ارتحت لشكل الرجال بس قلت مو مهم ..

اخلاقه وثقافته اهم صار يسألني عن دراستي واذا اسوق سياره او لا ويسأل اذا بكمل او لا..

قلت له ان شاء الله اكمل قالي شنو ان شاء الله لازم تكملين وتشتغلين !!

انا هني خفت قلت شنو هذا وسألته انت شنو شهادتك قالي انا طلعت من اول اعدادي !!

يعني شهادته ابتدائية :eh_s(10): وبعدين خلصنا من هالمقابلة وطلعوا الناس وامي قالت تاخذينه

حاولت قلت لها ما اقدر اتزوجه هذا يبي يعتمد علي ومو دارس وطبعا بعد ما طلعت روحي

وانا اصريت اني ما اخذه ولا اتزوجه ام رضخت شوي ورفضته !!

الموضوع الجديد يا بنات والي خايفه يتكرر هو :

اني امي قالت لي اان في ناس اتصلوا وبيتقدمون قلت لها متى قالت مادري !

طبعا انا اخر من يعلم ..!

خايفة يتكرر نفس الموضوع يا بنات !

وانا ما ادري متى الناس بيزورونا شسوي :eh_s(16):

ســاعدوني الله يخليكم ...

 

[lamoshty]

آب

,
’

 

[عالمي انا غير]

عادي حبييبتي صلي استخاره وفوضي امرج لربج وشوفي ردت فعلج بس كذا مرة صلي هل الصلاة وقولي فيها اذا هل الانسان يارب صالح ومتمسك فيني افرجها ويسهرها يارب العالمين واذا وراى مشاكل وعوار الراس يارب ابعده عن طريقي وربج كريم ويارب تتوفقين انشالله

 

[ثمة ضوء]

رفع
وربي يعينك وادعي الله انه يسرلك امرك

 

[bal8es]

انا ما اشوف الموضوع في مشكله

بالمره الاولى ماكان في نصيب وعادي

ومدام في ناس بيتقدمون عادي استقبليهم وقعدي مع الولد عرفي اسلوبه وطريقة تفكيره وشنو مبادئه

وااذا عجبج وافقي والعكس

محد يقدر يجبرج على الزواج لن الزواج بدون موافقه مايجوز ولا يتم عند الله

استخيري وادعي ربج وعادي لازم تستقبلين الخطاطيب عشان تتزوجين شلون تتزوجين اذا خايفه تستقبلينهم !!!

 

[Tota ali]

لا حبيبتي ..

المشكلة في امي حاليا غصبتني على السابق بس الله ستر ...

وطلعت عيني لاني رفضته ..

وخايفة انها تغصبني على الجديد ..

والله يستر

 

[lamar90]

بس غريبه ... ايش اللي قلب حال امكـ فجأه يعني ؟!!!
مو هي في البدايه كانت رااااااافضه فكرة زواجك و تقول لك ... خليكي في البيت ازين لك ... و الحين تغصبكي تاخذين اي واحد و السلام !!!
يمكن فيه احد لاعب في راسها ... او يزن باذنها يعني
يمكن واحده من صديقاتها او اقاربك ....
مالك الا تكلمينها و تقولين لها ... ( اقعد باليت معززه مكرمه افضل ... و لا ترميني لأي واحد يدق باب بيتنا و ما يكون مناسب لي .. و بالنهايه ارجع لك مطلقه .. !! )
بــيني لها انه ما عندك مانع و انك تدورين على رضاها ... و بنفس الوقت خوفيها من المستقبل و مصيرك و مصيرها .. اذا لا قدر الله اخذتي واحد ما يناسبك و مغصوبه عليه و بالنهايه تتبهدلي و تتطلقي .. الله لا يقدر

 

[عاشقة هواك]

انتي بايدج توافقين ولا ترفضين مو امج وحاولي فيها والله يعينج موفقة

 

[الغزال الابيض]

ياحياتي انتي عاادي مو شرط اللي بالاول يطلع مثله ماتدرين يمكن احسن منه
واهم شي الراحه النفسية يعني لشفتيه وارتحتي توكلي على الله
والحياة ترى اخذ وعطى
مافي فرق بينج وبين زوجج اهم شي راحة البال
وانشالله ربي يعطيج الرجال اللي تتمنينه والله يوفقج

 

[الزين 85]

كل شي بالدنيا قسمة ونصيب

استخيري ثم استخيري وكل شي بالغصب إل الزواااااااااااااااااااااااااااااج مافيه غصب

 

[عروس مطيريه]

كل شي بالدنيا قسمه ونصيب

حاولي فيها والله يعينج

وانشالله ربي يعطيج الرجال اللي تتمنينه​

 

[*الشيـــهـانـة*]

ماتدرين يمكن اللي بيجي يكون من احسن الناس ويكون من نصيبج

 

[الشيخة@]

استخيري يالغاليه

 

[أم توتو]

استخيري اختي والخيرة في ماختار الله والله يسهل عليج

 

[كويتيه مذهله 87]

وين ابوج وين خوانج !!

 

[what's up]

حبيبتي هاذي اشياء طبيعيه يعني مثل ما اقنعتيها برفض هذالك تقدرين تقنعينها اذا ما دش خاطرج الياي
ادعي الله انه يكون خوش ريال و يعزج و رزج

 

[دلوعة أبوهآ]

آصبري انتي ماتدرين عن اللي راح يخطبك ..
يمكن وضعه احسن بكثير من الاول ..


لاتستبقي الاحدآث ..
و إن صار شي اهم شي الاستخآره ..

 

[( المـلاك )]

مادري ليش امهات هالزمن صايرين جذي
الكل يشتكي من سالفه الزواج والسبب الام
الظاهر مفهوم الام قبل غير عن مفهوم الام الحين !


الله يسهل امورج حبيبتي
شتسوين بعد مابيدج حيلة
شوفيهم و اانشالله يعجبج ويكون زين ويكون من نصيبج
واذا مو زين ماكو شي اسمه غصب
رفضيه وخلاص
وامج ماردها بتفهم انه هذي حياتج ماتقدر تغصبج

 

[الغلا كله لبوي]

لا حبيبتي ..

المشكلة في امي حاليا غصبتني على السابق بس الله ستر ...

وطلعت عيني لاني رفضته ..

وخايفة انها تغصبني على الجديد ..

والله يستر

لا حبيبتي مثل ماقدرتي تقنعينها بالاول سويها باثاني
الزواج مو غصب وانتي لج حريته الاختيار
وان شاء الله يكون من نصيبج وترتحين له وتحبينه بس انتي لا تحاتين
ابوج وين دوره :yaaaaaarb:وربي يوفقج

 

[رآآحٺ آيآمڪْـ]

• قلب كُل شئء قسمة ة ونصيب .~
• حبيتئء صلئء ؤآدعى ربــج .. آنـة ةة يرزقـج بٌ \ آلى تمنينـة ة
• ..~ْ