طيب القلب
New member
السلام عليكم اخواتي العزيزات
أكيد كلنا نمر بأوقات ملل مو مشتهيين شي ناكله و بنفس الوقت نبي ناكل و ما لنا خلق الطباخ
أنا عن نفسي أموووت على أكلات الباستا
و على البطاط
و اذا بنضيف ايدام فالدياي هو اخف شي و الذ مع الباستا و هذه رايي الشخصي
ما اطول عليكم
من كثر مو مندمجة و انا آكل هالطبخة العجيبة و الخفيفة قلت ضروووري اقول لكم عنها
هي مكوناتها كالآتي:
دياي بعظمه مقطع
بطاط مقطع مكعبات كبيرة
شعرية اللي صايرة على شكل كور و تكسرينها
بصل مقطع اربع ارباع
القليل من صلصة طماط بالضبط نفس الدقوس
القليل من زيت الزيتون
بهارات مشكلة
سماق
ملح
القليل من الماي
الطريقة سهلة وااايد
من المهم انه تستعملين جدر غير لاصق مثل التيفال لانه اول شي راح تحطين الدياي بروحه مع البصل و البهارات و السماق بدون ماي
و تغطينه لما ينزل ماي الدياي و يتغير لونه الى الابيض تضيفين البطاط و تخلينهم و اذا لاحظتي عقب شوي انهم نشفوا ضيفي القليل من زيت الزيتون و الماي
عقب ما تنضج الدياية و البطاط تكسرين كور الشعرية و تضيفينها مع القليل من الماي و صلصة الطماط و الملح
و بس كل شوي تقلبين الشعرية عشان لا تلزق ببعضها و بتشوفين شلون انها تشربت كل السوائل
و ذوقي الذ اكلة لان طعم الدياي مركز مو مفيوح و لا مشوي و البطاط و الشعرية ماخذين نكهة كل شي
صج طعم قوي و على فكرة خفيفة و بنفس الوقت تشبع و يحبونها اليهال
أترككم مع الصور الشهية
و ألف صحة و عافية
أنا عن نفسي أموووت على أكلات الباستا
و على البطاط
و اذا بنضيف ايدام فالدياي هو اخف شي و الذ مع الباستا و هذه رايي الشخصي
ما اطول عليكم
من كثر مو مندمجة و انا آكل هالطبخة العجيبة و الخفيفة قلت ضروووري اقول لكم عنها
هي مكوناتها كالآتي:
دياي بعظمه مقطع
بطاط مقطع مكعبات كبيرة
شعرية اللي صايرة على شكل كور و تكسرينها
بصل مقطع اربع ارباع
القليل من صلصة طماط بالضبط نفس الدقوس
القليل من زيت الزيتون
بهارات مشكلة
سماق
ملح
القليل من الماي
الطريقة سهلة وااايد
من المهم انه تستعملين جدر غير لاصق مثل التيفال لانه اول شي راح تحطين الدياي بروحه مع البصل و البهارات و السماق بدون ماي
و تغطينه لما ينزل ماي الدياي و يتغير لونه الى الابيض تضيفين البطاط و تخلينهم و اذا لاحظتي عقب شوي انهم نشفوا ضيفي القليل من زيت الزيتون و الماي
عقب ما تنضج الدياية و البطاط تكسرين كور الشعرية و تضيفينها مع القليل من الماي و صلصة الطماط و الملح
و بس كل شوي تقلبين الشعرية عشان لا تلزق ببعضها و بتشوفين شلون انها تشربت كل السوائل
و ذوقي الذ اكلة لان طعم الدياي مركز مو مفيوح و لا مشوي و البطاط و الشعرية ماخذين نكهة كل شي
صج طعم قوي و على فكرة خفيفة و بنفس الوقت تشبع و يحبونها اليهال
أترككم مع الصور الشهية
