امهات استشاره لوسمحتوا

[eman12]

السلام عليكم
اشلونكم امهات
بنات انا بنتي الله يحفظها صار عمرها سنتين
وللحين ما تتكلم
تخربط جنها واحد يتمضمض
تقول كلمات
مثل ماما بابا يس نو كم يعني تعالي بالانجليزي
تقول كلمات تغني الحان اغاني طيور الجنه واسم الله عليها فطينه تفهم لي قلنا لها شي
بس هاللغه اللي مو نازله ترجمتها بالسوق للحين
تخربط والناس كل اللي يشوفها يقول شتقول
عندها سوالف وتكلم يعني مو ساكته بس تخربط
وعندها اخوان بس مافي حوار
كله تخربط والكل مطنشها بس نقولها اي صح وشنو تبين وناشر معاها ولحنا فاهمين
شنو اسوي علشان تتكلم
مانسكت عنها
يبت لها قصص وقمت ااشر لها
انا ديها واسولف عليها
اكلمها بالتلفون وانا بالدوام
وصديقاتي خرعوني يقولون كبرت لازم تتكلم
ووديتها دكتور اطفال قال عادي شي طبيعي
في احد مر بنفس مشكلتي وقدر يعالج الطفل
ماعليكم امر ابي نصايحكم
الله يجزاكم خير
​

 

[عاشقة لندن]

بسم الله عليها مافيها شى علشان اتودينها الطبيب

اهم شى انها تسمع وتقول بعض الكلمات لا تحاتين وايد يهال مايتكلمون بسرعه

 

[eman12]

تسلمين حبيبتي عاشقه لندن
بس تكسرر الخاطر ترطن جنها بنغاليه محد فاهم عليها وبالزوارة اليهال يعيبون عليها تعور علي كل يقول لها سنو قوووول

 

[لولو البحرين]

عمر بنتي سنة ونص وكلامها كانها فليبينية كله حرف القاف والخاء واذا اندمجت بالحجي عن يا زعم تسولف يكون امدغا امدغا ومخ مخ ونق نق >>>كانه تحضير ارواح ههههه وتحرك اياديها وقمة الاندماج واحنا نضحك وياها ونسولف كانه صدق واهي مستانسة

ترى عادي السالفة مو مشكلة وشوي شوي بتتكلم لا تحاتين والله يخليها

 

[Khota8]

بسم الله عليها الله يحفظها ان شاء الله
ااختي شربيها ماي زمزم وتقولين بقلبج يارب تطلق لسانها عاجلا ليس اجلا
وحده انصحتني يزاها الله خير والحمدالله فرق معاي حيل*

 

[&شهرزاد&]

عادي يااقلبي اناا ولدي ليييييي
السنتين ونص نفس مشكله بنتج

يتكلم بس كلمات موو مفهومه


دش ٣سنين والحمدالله بدي يتكلم بوضوح

لا تحاتين

 

[أم عبداللطيف]

وي لاتحاتييين ذكرتيني في بنتي سمله عليها

بنتي اهي الكبيرة والاولى بالاحفاد كانت كلش مثل ماقلتيي ابد خير شر وماينفهم كلامها حتي افكر وابجي عليها اقول شلون تدبر نفسها اذا راحت الحضانه وكانت مرت اخوي تقولي وديها الطبيب ولدها اصغر منها ب 6 شهور وسمله عليه يتكلم وينفهم كلامه اهي كلش جذي مثل بنتي.

وفعلا سمعت وااايد ناس مثل بنتي تطول علي ماتكلم وقلت لا مافيها الا العافيه وفعلا سمله عليها اللحين دشت الحضانه وعمره 3سنوات ونص سمله عليها اللحين تتكلم وحافضه الاناشيد وبنهه وتلقط كل شي احسن منه صارت الحمدالله.

من جذي مالج شغل بكلام الناس كل ياهل طبعه غير الثاني ونطريها اذا دشت 3 ودشت الحاضه راح تنطلق اخذها عن تجربه

موفقة

 

[أم الليالي]

أنا بعد بنتي بتكمل سنتين ونص وللحين بس تعرف تتكلم بحدود 25 كلمة رغم انها تفهم كل شي ما شا الله عليها بس إتبرطم بلغة غريبة عجيبة وديتها دكتورة مدينة قالت عادي تو الناس وبتشوفها عقب 3 شهور ........... الله ينطق لسان بنتك وبنتي بإذنه سبحانه وتعالى

 

[قموشه21]

لاحقه علي الحجي

الله يخليها لج

 

[توتاتوتا]

طبيعي و يقولون بعد لا تقعد عند التلفزيون ياخر الكلام

 

[eman12]

مشكورين حبايبي طمنتوني الله يطمنكم ويحفظ عيالكم
( لولو البحرين - شهرزاد - ام عبداللطيف - كوتا - ام ليالي - توتاتوتا-قموشه )
مشكوره حبيبتي كوتا علي الدعاء وبطبق ماي زمزم
الله يجزاكم خير

 

[أم حورية]

عادي حبيبتي دام الطبيب قالج عادي ليش خايفة ؟؟

عطيها رمان قريت عنه ان يخلي الياهل ينطلق بالكلام

والله يحفظها ويخليها لج يارب

 

[AVE.NJ]

لا تحاتين انه اختي ليه الروضه ماتتكلم غير ماما وبابا
والبنات ماقصرو معاج