امهات لاحظتوا اللي لاحظته !!! المشاركه للجميع

[انشودة المطر]

مرحبا امهات ......


خواتي انا احب اهتم باكل عيالي انوع لهم وحارمتهم شي اسمه بقاله ومطاعم لان كانوا يشترون منها بس مو دوم من كاكاو بطاط وخرابيط البقالات وجبات من المطاعم ....ولاحظت مرضي وضعاف وجيهم ذابله مافيها اشراق مع ان الفواكه شبه يوميه وشفت بعض الامهات اللي عادي عندها يشترون من البقالات والمطاعم باليوم اقل شي مرتين ماشاءالله وجيهم منوره ومتان لا اله الا الله مرض نادر يمرضون شنو السبب معقوله اكلي وطريقتي غلط يعني حاكره عيالي وحارمتهم لان وحده من رفايجي قالت الكاكاو والبطاط وشغلات البقاله يفتح نفس الياهل للاكل ...!!!

محتاااااااااااااااااااااااااره شنو رايكم ؟؟ ومنو لا حظت هالشي!!!​

 

[حبيبة عز]

ههههههه أنا لاحظت هالشي بخواني الصغار وعيال رفيجتي

عشان أمي تهتم فيهم حيل ضعاف وكل يمرضون

ورفيجتي نفس الشي

بس بنت عمتي عيالها قاطتهم على الخدامه لدرجة أن ولدها مرة شرب حليب محمض من أمس

وعيالها صحة وبسرعه كبروا ماشالله

مادري شنو السبب

 

[عسل مرت قيمر]

شوفي انتي الصح مو غلط


بس لا حبيبتي في شغله


لا تحرمينهم كلش كلش


يعني مثلا عصير وقطعة ككاو صغيره مافي مشكله

بس مو كل يوم


لااا


عطيهم بين فترات


لان ترا يهال وهم يبون


كل شي بعتدال حلو

 

[worood82]

سبحان الله يمكن طبيعه اجسام اعيالچ چذي من الله او يكون مثلا وراثه فقر دم او نقص فيتامينات يبيلچ اتسوين لهم تحاليل عشان تطمنين عليهم واذا على اكل الخرابيط لاتحرمينهم مره وحده لأ حاولي تعطينهم بس بكميه قليله بس عشان مايحسون بالحرمان ويشوفون باجي اليهال غير عنهم

 

[ديانا سبنسر]

الجسم محتاج هالشغلات بعد انا عيالي مخصصة فترة العصر حق هالحلويات والعصاير والبطاط +الغدا يكون دسم عيش وسلطات ولحم والعشا خفايف وماشاءالله عليهم

 

[احلى ديما]

حبيبتي الحرمان مو زين أول.شي الجسم يحتاج هالسوالف فلا تحرمينهم بس خليه باعتدال ثانيا كل ممنوع مرغوب باجر بس يكبرون شوي بيشترون من وراج فماله داعي خليهم ياكلون بس مو بزياده

 

[granted]

على فكرة بنات المتن مودليل على الصحه نهائياً
لان الاكل البطاط وهالخرابيط كله هرمونات ومواد حافضة يتفخهم على قلة سنع وفايدة اما الفاكهة والاكل الصحي فايدة بدون متن
غير جذي الاكل المو صحي يفتح االشهية فيضل الياهل طول يومه بطاط ورى كاكاو ورمادري شنو

 

[بنوته حدي]

فعلا لاحظت هالشي اللي ياكلون خرابيط متان

 

[منـــاي]

واي اموووت بهالخرابيط عطيهم يبا خل يستانسووون بس مو دااايما انا عيالي بصراحه راح اعطيهم ما اقدر اخليهم يطالعوني وانا اكل خخخخ

 

[الأميرة جوري]

الاكل الصحي افضل

 

[رزمة آوجاع]

لآتحرمينهم
خليهم يآكلون ف الاسبوع مره !
آو سويلهم غداء صحي بطريقه حلوه او بشكل حلو

 

[انشودة المطر]

:eh_s(17):الف شكر

 

[tmtmt]

حرام ليش حارمتهم شوفي متعتهم اذا بروحون البقاله
طبعا لا تخلينهم يشترون اشياء فيها الوان بفك وعصير وككاو وبس
خليها كل اسبوع مره
والمطاعم شلون لما تزورون ماتطلبون ؟؟
بس بالويكند مطاعم ةبس بس خلج بعيد عن كنتاكي وهارديز

 

[انشودة المطر]

انا سمعت البقاله والمطاعم مضرين فخفت عليهم وقطعته عنهم

 

[يارب احفظ عيالي]

اكيد الاكل الصحي احسن

بس مايمنع نعطي اليهال بين فتره وفتره من هالسوالف

حرام بعد يهال ويبون ومثل ماقالوا الخوات ان ماعطيتيهم يكبرون ويشترون

بس بعد اذا عودتيهم على الاكل الصحي ما راح يحبون هالخرابيط ويكون عادي

عندهم كلوا منها او ماكلوا مثل عيالي الحمدلله

والمتن مو دليل على الصحه ابدا ابدا متن ونفخه على الفاضي

انتي صح والله يحفظهم ويخليهم لج

 

[OM ZAHOOR]

خبر الامور وسط

انا الاحظ بعد اللي يخاف وايد على عياله كل يمرضون

 

[انشودة المطر]

ياربي يعني اعطيهم طااااااااف:eh_s(2)::eh_s(2):

 

[MHOoOY]

انا اقول وكليهم مرتين باليوم هالخرابيط والله بيستانسون
بس مرتين باليوم انا عن نفسي اشوف بنات خالاتي جذي
ماشالله طوال ومنتان وكل اكلهم خرابيط بس عندهم اهم شي الغدا والفطور والعشا
مثلا الفطور تغيرينه كله زعتر وفول واشياء ثانيه والغدا معروف عيش ولحم او دجاج او سمج
والعشا براحتج عااد اللي يشتهونه
بس حراااام لا تمنعينهمم

 

[سلاسل ذهبيه]

لاتحرمينهم بس باعتدال والوجبات السريعه حاولي قدر الامكان تقللين منها بس مو منع نهائي وسوي لهم بالبيت مثلها اهم شي تحببينهم بطبخ البيت مثلا سوي لهم باستا وبطاط مع كتشب بس مو بشكل يومي نوعي لهم من هالسوالف اللي يحبونها الصغار
ومن قال ان الفاكهه والخضار شي صحي هي اكيد فيها مواد كيميائيه معاد فيه شي صحي بس ممكن شي ضرره اقل من شي
وكليهم عسل طبيعي اذا يحبونه حطيه مع القيمر اذا ماياكلونه بروح

 

[انشودة المطر]

الف شكر عالافكار ..نبي بعدددد:eh_s(7):