امهات لصبيان سؤال ماعليكم امر!

[q8 knosha]

السلااام عليكم...

عندي سؤاال محيرني :eh_s(10):

وابي اسأل اللي عندهم صبيان بس لووول

لان البنت احسها حنونه وتحب الحضن واللم "hug"

بس لصبيان...
الامهات اللي عندهم صبيان يلمونكم؟؟ يبون حنان؟ يقعدون بحضنكم؟؟

وبالعمر 9تشهر جذي

تلمينه يلمج؟
يقعد بحضنج فتره طويله ويقط راسه عليج؟
فيهم حنان؟ لوووووول

ودي اعرف:eh_s(4):​

 

[أمواج البحر]

اي والله يا حلوهم حنونين

يلمون و يقطون روحهم علي و يببوسون ليما امل وازفهم هههههههه

وما ينامون الا بحضني

عندي اخر العنقود التوينز طول ما اهم نايمين يمسحون علي و يمسكوني

بس ترى ولدج توه صغير

وانت بعد علميه عل طول لميه وبوسيه

ترى هالشغلات مكتسبه مو بالفطره

والله يخليه ويبلغج فيه يارب

 

[بقلبي انت]

ايه يقط نفسه بحضني ويلمني ويبوسني علي راسي لزعلني ويقولي اسف بعد عمري والله عمره 5سنين
الله يخليه لي ويخليلي خواته ويصلحهم ربي ويطول بعمرهم علي طاعته

 

[q8 knosha]

لوول لا ولدج يفهم سمله عليه اقصد لصغاار
انا كل مالميته يدزني بس يبي يروح يحبي مايقعد بحضني ولايقط راسه علي
الا اذا دايخ حده وبينام
كل مابسته يشد نفسه حيل ليي ورا مايبي يبيني اهده
مادري شفيه مافيه حنان لوول

امواج البحر ايه انا همم حاسه البنات غير لووول
وانشاااااااءالله يارب بحملي الثاني تطلعلي بنووته حلوه
والله يخليلج ايااهم

 

[noo7a]

لووول
سؤالج حلو
انا توه ولدي صغير ما كمل الشهر

بس معروف
الولد حبيب امه كله قاط نفسه عليها
و
البنت دلوعه ابوها كله لاصقه فيه

 

[AVE.NJ]

انه ولدي عمره سنه و3شهور يلمني حيل
وماينام الا يبوسني واذا قعد اسم الله عليه ابتسامه وبوسه
بس مشكلته مايقول ماما بس يقول بابا

 

[ســتارز]

ولدج الله يخليه لج نفسه شينة دامه مايحب اللمة ولا البوس

يكبر ويتغير

 

[ma3boocha]

وااااااااي بالعكس

الصبيان اهما الحنونين الطيبين اللي يلمموووون و يبووسووون و يمسحوووون


ولازم انتي ما تكششينه منج

اذا لمج لميييه حتى لو مالج خلق


و انتي من غير سبب او مقدمات لمييييه



اهوا راح يتعود عليج و يدري انه لو مهما يلم و يبوس فيج ماراح تكشين منه و اهوا ماراح يكش منج

 

[AVE.NJ]

تدرين انه ولدي لما يبوسني يسعبل على خدي وانه كله امسح خدي عقبه
قام يبوسني حبيبي ويمسح تعلم
شفتي اليهال بسرعه يتعلمون اصلا يحبون الحنان

 

[جلكسيه اس 3]

انا ولدي ما يملمني حيل
كثر اخته ،،
بس عادي الوضع طبيعي ساعات يلمني و اقوله بس جذي
وارجع المه حيل عشان يحس فيني عادي
بس بنتي اتلمني حيل
وانا اقولج عادي ولدج لان صغير

 

[عسل مرت قيمر]

توه ولدج صغير

نطري عليه شوي

انا ولدي سنع وست شهور


فديته يلمني ويبوسني وهم نس الشي حق ابوه


يا حلات الصبيان


تصدقن اتا عندي ولد واحد

اقول حق ريلي امبيي احس ماراح اعرف اتعامل مع بنه

لو اييب بنيه احس بتوهق


احس تعودت على ولدي مادري شراح يكون الوضع لو صارت بنيه

 

[توتاتوتا]

توه صغير بادي يحبي يبي يكتشف اذا كبر بتشوفين الحنان

 

[^noonaa^]

اممممم الصراحه انا عيالي الله يحفظهم عمرهم سنه ونص بس احس بنتي احن من ولدي دااايماا اتبوسني واتلملم فيني واتحب الحضن حبيبتي بس هذاااك لا مايبوسني الا اذا قلت له ولا اذا انا لميته بس

 

[q8 knosha]

توه صغير بادي يحبي يبي يكتشف اذا كبر بتشوفين الحنان

ايه ذبحني بس يحوووس


وتسلمووون حبايبي كل اللي ردو والله يخليلكم عيالكم :d

 

[jegrom]

انا ولدي عمره خمس سنين اسمالله عليه يلمني ويبوسني بس يستحي يبوسني جدام الناس بس لمن كان شوي أصغر التلملم والتبوس كان أكثر خخخخ ... شعور حلو لمن الام تلم عيالها مرات احس بالأمان

الله يخلي عيالكم ان شاءالله ويبلغكم فيهم ياارب

 

[ام _خلودي]

اتصدقين يختلف من ياهل لياهل انا ولدي عمره خمس سنين من صغرته واهوو حنووووون يلمني ويبوسني ويمسح علي حياتي ويحس فيني اذا زعلانه حياتي الله لا يحرمني منه بس الصغير نزقه عمره سنه ونص اقشر ومايحب يلم وكله بطق لوووول شرير صغير

 

[q8 knosha]

لول ام خلودي
ضحكتيني شرير صغير الله يخليهم لج

 

[ام كوثر2007]

انا ولدي اسم الله عليه بعير شكبره وللحين يقط روحه علي ويلمني ويبوس فديتهم يموتوون علي امهاتهم الصبيان

بس البنات شقووووووووووووووووووووول شخلي .. تربين وتتعبين ودارين والمحنه والمحبه والحب حق ابوهم

وانتي السيلانيه اللى يايبينها لهم ههههههههه مالهم امان البنات بس لمن تكبر غير اكيد لكن انا اتكلم عن اليهال الصغار

بس الولد فدييييييييييييته حبيب امه طول عمره ..


عسى الله يخيليج اوليدج وتشوفينه معرس يا رب

 

[EleGanZa]

اي اسم الله عليه لان توه صغير يلم ويبوس

وما ينام الا لما يكون لازق فيني ومرات يتسلق فوقي وينام لووووووووول

حلاتهم الصبيان :*


الله يحفظهم لنا يارب

 

[غيمه ظميانه]

ههههه ضحكتيني سؤالج غريبا

مو شرط على حسب شخصيه الطفل نفسه

انا واحد من عيالي مسميته فاقد حنان بس يمشي ويبوس ويتلزق

وواحد فيهم عبثي ما يحب احد يبوسه بس يحووس وما يحب احد يقيده بس لما كبر فهم وقام يبوس ويحبب روحه

يعني على حسب