اموووووت ولا اتزوج واحد ملتزم

[لمسات شمووخ]

مابي ملتزم...



لحيته تخوف...!!!<<< اخاف انتي اللي تخوفيه؟؟


يختي الملتزم يعقد ومايخليني اروح وأجي على كيفي.



اعذااار....واعذااار...




في البدايه وقبل أن أحكي وجهه نظري عن الكلام اللي فوق..





لماذا ترفض الفتاة الشخص الملتزم؟؟


قد يكون لديها اقتناع تام بأن الملتزم شخص ديكتاتوري

متسلط..ليس لديه مجال للمناقشه..



يمثل في بعض المسلسلات انه رجل متسلط متعصب وماعنده تفاهم لو يشوف شي مايعجبه يقوم يكسر ويخرب...

صوروا رجل الدين انه انسان ارهابي... بخيل.. جاهل لايفقه

ورجال الدين بكل صراحه ماهم بالصوره اللي ممثلينها في المسلسلات

أكيد البنت تقتنع تمام الاقتناع ان الرجل الملتزم مايصلح زوج

بمجرد ماتشوف هالنوعيه من المشاهد

شي طبيعي بتخاف وبتكره شي اسمه (لحيه)



بعض البنات تعتقد ان المطوع،، الملتزم ::

لا يناسبها كزوج..لانه متشدد .. لا يعطيها الحرية ،،ولا الخروج لأي مكان..

هذه نظريه خاطئة فكم أناس ملتزمون يعيشون قمّة الانس والسعادة مع زوجاتهم

يسافرون،، يذهبون ،، يتنقلون يتسامرون ,,,ويكفي...

أن المطوع [[ الملتزم ]] إنسان يخاف الله

في نفسه وبيته واهله ,,,

انسان بار بوالديه... وكل انسان بار بوالديه تأكدي انك راح تعيشين معه ملكه..

.

ولكن سؤالي هنا...

لماذا رجل الدين انسان غير مرغوب فيه؟؟

لماذا ترفض الفتاه كل ملتزم يتقدم لخطبتها؟

برأيكم؟؟ ماهو سبب انتشار الصوره السيئه عن رجال الدين؟؟


بصراحه الموضوع وايد عجبني وحبيت انقله لكم

تحياتي ​

 

[lolly]

عشانهم يتزوجون اكثر من وحده وفي بعضهم فاهمين الالتزام غلط ويظلم زوجته .. طبعا مو تجربه لكن اللي اشوفه .. ومو الكل

 

[fulla]

مالج شغل من حجي المسلسلات سألي اللي رياييلهم ملتزمين اشلون عايشين وانا وحده منهم الحمد الله انا وحده ريلها ملتزم بالدين مرتاحه مو مقصر وربي شاهد علي بس على البنت انها تتنازل اشوي عن بعض الشغلات يعني مثل المكياج اللبس الطلعات الوايد التأخير والعرووووووووووس ومو الكل تبي الدين بسبه هالشغلات بس انا احمد ربي انه ريلي ملتزم كفايه انه مايشوف غيري ومايقصر لاعلي ولا عيالي بس نظره المجتمع للدين اهيه الغلط ايسمونه المعقد وغير متطور واهوه وعليه ايخاف ربه بكل كبيره وصغيره
ومو كل دين يتزوج اربع لأ لأن يخاف انه مايعدل بينهم فشحقه ايدخل روحه بهالسوالف وحتى لو أنه تزوج على الأقل انه بالحلال ماخانج ولاكلم وحده وخربط معاها الصراحه انا اأيد الزواج من الريال الملتزم

 

[لمسات شمووخ]

​

اشكركم على الردود السريعه
واحترم وجهات نظركم

الاخت لولي :: اللي يتزوجون اكثر وحده مو بس الملتزمين لا وايد ناس تزوجت مو ملتزمه
الاخت فلا :: انا معاج بالراي لان الملتزم ستر ووقار للمراه وراحه نفسيه وحب وامان وسعاده بلا حدود ​

 

[وجدان الكويت]

في ملتزمين بس تشوفينهم ينشرح صدرج وفي ملتزمين لا استغفرالله ملتزمين بالاسم بس حتى التلفزيوون والراديو محرمة على مرتة وعياالة

وهالفئة اهي اللي مخربة على الباجي

وبعدين الحين اغلب بناتنا تبي الطلعة والروحة وتبي تلبس على كيفها وهالشي طبعا مو عند الملتزم

لازم عالاقل مرتة تكون لابسة عبااة

 

[om deaj]

معني متأكدة اني قارية الموضوع من قبل ومعلقة عليه بس يوخيتي والله اموت ويصير زوجي ملتزم ولا ملتحي

اقولج الالتزام غير والتشدد والتطرف غير

الملتزم الي يلتزم بالشرع والسنة اما المتشدد فهو المبالغ فيه

حبوبة انا زوجب مو ملتزم ومانعني من الطلعة حتى ماوجب احد الا بطلعة الروح ومن العروس ومن بعض اللبس
والحمدببه لبسي مستور بس مزاجي وايد

اخوه ملتزم الله يتمم عليه يارب>> مرته تطلع وتوجب وتلبس نقاب كافي انه يخاف الله فيها

يارب تهدي زجي وجميع ازواجكم يارب

 

[^ حـلـــــوى و رهـــــش ^]

اللالتزام غير عن التشدد

بالعكس .. أتوقع الالتزام شي مطلوب ..

بس التشدد مو اي وحدة تقدر تتكيف معاه .. على حسب البنت وعلى حسب بيئتها ..
يعني أتوقع هو اختيار شخصي .. مافي اسباب معينه أو دوافع معينه ..
هي بالنهاية شي شخصي بحت ..

 

[brettey]

الصراحه شفت حريم خذوا ملتزمين وحسروا فيهم رياييلهم للاسف ذلوهم مذله مو طبيعيه
وفي حريم حظهم طلع زين مع الملتزمين
بس انا قبل لا اتزوج فعلا قلت ما ابي ملتزم متشدد

 

[إنزعه صمتي]

قبل كنا نعتقد ان الملتزم يعني ماكو تلفزيون ولا اغاني ولالبس ولاعبايات والشيء هذي الفكرة لكن الحين اتضح ان الملتزم زي الشخص العادي لكن بتمسك اكثر

اعرف بنات متزوجات ملتزمين لكن حياتهم شيء احلى واسعد من اللي متزوجات اشخاص عاديين ...

 

[pineapple]

اهم شي الرجل الي فاهم الدين صح ويطبقه صح

في ناس تفهمه وتطبقه بجهل وحسب مصلحتها تشدد وحسب مصلحتها ترخي

يعني بعض اعضاء مجلس الأمة المتدينين ومحسوبين على جماعة دينية معروفه

تفاجأت لما قالولي هذي بنت النائب الفلاني والي شفتهم 2 مو وحده وللسف بناتهم سفور وجينزات

يعني هذا منافق ولا غير منافق الرجل الي ما قدر يكون ولي في بيته شلون بيكون ولي على امه :0bee2e8d89:

لهذا السبب اشوف اشكال متدينه وداخلها كذب وتدليس بالدين -- وناس صحيح ملتزمين دينا وخلقا وادبا ويقتدون بالؤسول عليه الصلاة والسلام في تصرفاتهم

يعجبني الذي يمسك بالعصا بالمنتصف لا يشدد على اهل بيته واولاده فيكرهونه ولا يكون البيت بدون حسيب ورقيب

وعن راي قلته اول الرجل الي فاهم الدين صح ويطبقه صح سواء بلحية او بدون لحيه

 

[امـــــل مقتول]

شموخ

مافي اي عيب انا انتزوج ملتزم بالعكس


لكن التزامه يكون بحدود وبعقانيه اهم شي


واسئلتج انا لها...


لماذا رجل الدين انسان غير مرغوب فيه؟؟

لانه يكون متسلط في بعض الاحيان ومبالغ في الدين هذا اذا كان غير مرغوب فيه

لماذا ترفض الفتاه كل ملتزم يتقدم لخطبتها؟

خوف من العيش حياه مختلفه كل ومابها ممنوع ليس مرغوب وتعيش في عالم اخر امام مجتمعها



برأيكم؟؟ ماهو سبب انتشار الصوره السيئه عن رجال الدين؟؟



الارهاب .... والاعلام في ظهور المتدين بصوره تخيف الناس



تقبلي مروري البسيط ....

 

[ساندى]

انا لو برد بخربطها احسن اسكت <<< موضوع حلو وشائك

 

[سارا ديور]

انا الملتزم إللي كان عندي

التزامه على كيفه

مانع عن شقتي التلفزيون

وتحت عند اهله يقلب لأحق امه الشوتايم

لما وافقت عليه علشان يخاف الله فيني

لكن صج

مو كل من طول اللحيه وقصر الدشداشه عبالكم مطوع

اكثرهم نصابين وفيهم مرض نفسي الله يكافينا الشر