امي ابي مع التحيه

[سوسه سوده]

بسم الله الرحمن الحيم

السلام عليكم و رحمة الله و بركاته​

بس ابي اسأل سآل و احد

من دونهم شنو نسوي؟ من دونهم شنو نسوي؟ لي زعلو شنو نحس؟ لي سافرو شنو نسوي؟
لي ماتو (اسم الله عليهم) شنو نسوي؟ لي عصيناهم شنو راح يكون مصيرنا؟
يما يبا و الله على راسي
في مره سألت روحك
جم مره زعلتهم و جم مره خليتهم يعصبون و جم مره بكيتهم و جم مره خليتهم يولهون علي؟؟؟؟ .....الخ
هل تبي تدخل الجنه الجنه تحت اقدامهم
هل تبي ترضي ربك رضا الرب من رضا الوالدين
هل تبي تعيش حياتك مرتاح خلهم يرتاحون و خل البسمه على شفاهم
هل تبي اعيالك يهتمون فيك لمن تكبر اهتم في امك و ابوك اول
هل تبي تحصد خير و اجر بوس راسهم

شنو الفرق؟؟

1)انت مزعلهم
2)انت من زمان ما شفتهم
3)انت مخليهم يا دهينا لا تنكتين
4)انت مرضيهم
5)انت شايلهم بعينك و فوق راسك
6)انت مسافر عنهم و مخليهم ما تسأل و لا مهتم
7)انت نايم مرتاح مرضيهم و ما نمت الي و نت مريحهم

سآل صريح
-انت اي واحد من هذولا السبعه؟

في تمثليه اسمها الخراز صراحه انا تابعتها
كله ما شفت نفس هل ناس اللي قلبهم قاسي
الى هذي الدرجه (و بالاخير محد ربح شي)
يننو الام و الابو و خلوهم يروحون بنفسهم حق دار العجزه
الله يهدي هذي الناس و يحنن قلبهم على امهم و ابوه

فلو شفنا الجه الثانيه من هل موضوع
رضا الوالدين في ناس انا اعرفه عدل حيل
يهتمون بامهم و انا راح اخليهم يشوفون هل الرضا مني
اذا اكبرو ((و انا حاليا اعيوني قاعده تتغورق ))فيني بجيه
اذا تذكرت هذا الشي
وعد وعد راح ارضي امي و ابوي (( يا حلوكم ))

و الله يعوض اللي اعيالهم خلوهم
و راحو عنهم

الله يرضا جذي مخلي امك و ابوك ما عندهم احد

لا و في ناس يقولون كانو يطقونا يوم كنا الصغار
و كانو يشكون فينا و كانو و كانو
و في ناس تقول زوجي ما يرضا و لا زوجتي ما تبي
خلو هل كلام كله
فكر فيهم و تذكر يوم احملت فيك امك و يوم ابوك يشتغل
عشان يعيشك و يوم امك تولدك(( الله يعين الحوامل))
و شكثر عانت الغاليه و شكثر كافح الغالي

هل ترضا انك تسمع كلام الشيطان و تمشي في دربه
و طبعاُ نهاية هل درب جهنم ((النار))

فكر فكر فكر ...... امية الف مره

و اخر كلامي اهوا ان دينا الاسلام
عودنا على الاخلاق و العباده
اعتبر ان رضا الوالدين عباده
تاخذ منها اجر

و هذي نشيده روعه شوفوها

http://www.youtube.com/watch?v=zd3Gis1Pl6Y

الله يهدي كل عاصي و عاق

>>(( امي ابي مع التحيه ))<<

على راسي و الله يا الغالين

هذا الموضوع من تاليفي و انا مسويته
و اتمنى انكم استفتو
اختكم سوسه سوده ​

 

[%عسولة الحلوة%]

ما شا الله
تبارك الرحمن

خوووووووش موضوع
ويزاج الل خير
على الموضوع الي يخلي الواحد جدجد تدمع عيونه

عسا الله يحفظج يا الغالية

ومشكوورة على الكلام الحلو والاسلوب الراقي

 

[هدولى]

كلامج حلوووووووووووو الله يخلى لنا ابوى نظر عيونى ويطول بعمره ويرحم امى الغاليه .

 

[بطاط مهروس]

يا سلام على الكلام روعة الحمدالله انى بارة فيهم ..... ما احب ازعلهم والله يخليهم لى

امين امين امين

 

[ضعيفه وعصله]

الله لا يحرمنا منهم يارب

 

[إنسانه بكل حالاتي]

الله يرحم أبوي فعلااا وجود الأب والأم ضروري بحياتنا

 

[جـــواهر]

رووووووووووووووووعه وجزاج الله خير ..

انا مقصره بحق امي صايره مادق عليها ؟؟؟

مشكووووووووووووووووووره الله يخليهم لج ​

 

[هيوونه@]

جزاج الله خير على الكلام اللي اكثر من رائع
الله يرزقنا بر آباءنا وندخل فيهم الجنه

 

[سوسه سوده]

مشكورين حبيباتي
على الردود الحلوه
--
ما قصرتو

 

[مزيونه وشقره]

يعطيج الف عافيه موضوع روووعه بصراحه وكلام حلو ولو شنو نعطيهم ونسوي لهم مانوفيهم حقهم

ومشكوره ياحياتي


مع تحياتي ياحياتي

مزيونه وشقره ​

 

[OM.HASHEM.5]

يعطيج العافيه اختى الله يرحم امى وياخلى ابويه

 

[سوسه سوده]

مشكورين على المرور
حبيباتي

 

[سوسه سوده]

وقواكم الله

 

[lolo-lilo]

ياابونا وامنا ياسند بيت الهنا احنا ماننسى فضلكم حتى اخر عمرنا
ياابونا وامنا

لاليليلالالالالالالالا

 

[lolo-lilo]

اسفة حبووبة ادري طلعت بره الموضوع بس هاذا اللي تذكرته يوم قريت عنوان الموضوع ومشكورة علا الموضوع الحلو

 

[سوسه سوده]

مشكوره حبيبتي على الردود

 

[~انحناءات أنثى~]

و الله رووووووعه كلامج يا الغاليه...
يا ليت كل الناس يفكرون نفسج....
لا عدمناج...
تقبلي مروري

 

[(كويتيه عسل)]

امي وابوي بعد روووووووووووحي والله انا من غيرهم مااسوى شي اموت فيهم يارب تخليهم ولي وتطول بعمرهم وتحفظهم من كل شي وتسعدهم وترضى عليهم اللهم آمين يارب العالمين

 

[سوسه سوده]

مشكورين حبيباتي
على
المرور

 

[عهود الحب]

ياحلو امي وابوي
بس احنا فعلا مقصرين بحقوقهم
ياليت بكيفي والله ما اتعداهم
بس مادري شلون الظروف تصدنا عنهم وانخفف الزوارة عنهم عشان زحمة بيت اهلي
بس التواصل نواصلهم
وودنا كل صبح نحب راسهم
بس الشكوى لله

مشكورة عورتي قلبي