امي الي مالي غيرها تغيرت.....

[*شوقي معنيني*]

سلامه عليكم
شلونكم بناات


اليوم ابيكم ادورولي حل لاني تعباااانه بمعنى
الكلمه

امي الي اهي كل دنيتي تغيرت
صارت بس معصبه
بس تزفني
تفشلني جدام الناس
اقولها ابي فلوس تحقرني
اقولها مقموته ابي اطلع تروح وتخليني
شي ظااع اكييد انا يعني انا *بواقه*
شسوي وربي خلااااص احس تعب الدنيا فيني
ابي اطلع مقموته
على الاقل تعدل اسلوبها وتحترمني شوي
ابي حل
انا وااايد اطنش واطنش ليييين وصلت معاااي
الله يخليكم وربي مااشكي لاحد
واول مره اشكي لاتخيبون ظني

ابي طريقه اتعامل معاها
لاني تعبت :eh_s(2):

 

[7lawah]

مآ عليه هذي آمج ، جنتج تحت آقدآمهآ ..
حآولي تتقربين منهآ آكثر ، سأليهآ آذآ في شىء مضآيقهآ منج :
حآولي تبتعدين عنه ، آطلعي ويآهآ .. عبري لهآ عن حبج لهآ / ،
و إن مآلج بهآلدنيآ غيرهآا ..

إلآ آلأم ، غيرج يتيم يتمنى يصير فيه آكثر بوآجد من آللي تشوفينه من آمج ..
بس ع آلآقل يعيش ويآهآ ، .

و آصبري و آستغفري لج آجر ، و آلله يخليهآ لج و يخليج لهآ ..

آلله ييسر آمورج و يريح بآلج .. مووفقه :


،

 

[Queenleo]

ترى لما يكبرون يتغيرون وايد
عادي تاقلمي
انا امي صارت جذي بس تعصب ووتصرخ
ماكانت جذي اووول
والوالد الله يحفظه تصرفاته ردت مثل الياهال تغير وايد
فلازم تتاقلمين حبوووبه
هذا مو معناته انها كارهتج
بس مرحله وبتعدي ان شاء الله

 

[Emeeta]

حبيبتي انتي مزعلتها بشي او هي شايفه عليك شي


الضغط حبيبتي يولد الانفجار يمكن احد يضايقها وتخاف منه ماتقدر تعصب الا عليك لانها تدري انك تحبينها وتتحملينها بس الصبر زين و غلاة الام ماتتقدر بثمن

 

[هنووفوو]

ترى لما يكبرون يتغيرون وايد
عادي تاقلمي
انا امي صارت جذي بس تعصب ووتصرخ
ماكانت جذي اووول
والوالد الله يحفظه تصرفاته ردت مثل الياهال تغير وايد
فلازم تتاقلمين حبوووبه
هذا مو معناته انها كارهتج
بس مرحله وبتعدي ان شاء الله

اي صح كلامها

انا ابوي تقاعد وكبر صار مثل الصغار وايد يحن لووووول

اختي الصغيره كانت نفسج تبجي وتقول امي تغيرت مو نفس قبل
يعني صارت ماتسمعها نفس قبل وما تلمم فيها وتبوس فيها
وتعصب بسرعه

بس عادي الحين تعودت عالوضع
وامي رجعت شوي نفس قبل

وماتدرين يمكن صايره لامج سالفه مضايقتها او مشكله مخليتها تعصب تتنرفز بسرعه وعلى اقل شي
انتي حاولي تقعدين معاها وتكلمينها باللي مضايقج

واذا على سالفه الطلعه عادي
اذا عندج اخت او اخو اكبر منج طلعي معاهم
او طلعي مع بنات عمج بنات خالج

والله يفرج همج يارب ويجعل لج من كل ضيق مخرجا

 

[رحاب النعيمي]

اذا امج فوق ال 50 يمكن هورموناتها و جذي ,, كلمي امج يمكن ملاحظه عليج شي مب عاجبها كلميها و انشالله ترد نفس قبل معاج

 

[Tom ♥ Jerry]

اذا امج فوق ال 50 يمكن هورموناتها و جذي ,, كلمي امج يمكن ملاحظه عليج شي مب عاجبها كلميها و انشالله ترد نفس قبل معاج

.

انا معاها قعدي ويا آمج و شوفي ليش تغيرت عليج !
يعني اذا اهيه كآنت تونسج و تطلعج و تكلمج عدل مره وحده قلبت عليج
آكيد في شي خلاهآ تتغير مو معقوله من هني و الطريج
و آنتي رآجعي نفسج يمكن سويتي شي في يوم من الايام و ضايقهآ ,،!؟

صبري و آدعي و كلميها، :eh_s(7):

 

[Vdieta]

قعدي معآهآ وسئليهآ شآيفه عليج شئ :
فيه شئ مضآيقهآ.... او صاير لها مشكله مع احد ..

 

[مدّهره !]

عاااااادي جداااا ترى الأمهااات تجيهم أحيانااا حالة الزززف والهوااااش والصراخ ع عيالهم
هذاا مودليل إنهاا تكررهج أوتغيرت !!!
بووسي رااسهااا وجيبي صينية القهووه وتقهووي معاهاا وقعدي سوولفي عاادي
لاااتتوترين ويضيق خلقج منهاا ( الجنه تحت أقداام الأمهااات )

 

[محتارة وبصيح]

انتي سوقي دام انها ما تبي توديج

 

[ام كوثر2007]

عسى الله يحنن قلبها عليج يا رب ...

 

[*شوقي معنيني*]

شسوي انا مايرظيها غير خواتي الكبار

وتمشي على كلمتهم
اه بس
صج بنظركم تافه السالفه بس شنو بنسبه لييي

 

[doodie gaga]

طيب حاولي تكلمين خوالك .. ولا أي أحد يعز عليها ..

خليه يكلمها ويشرح لها إنك متضايقة ششوي ..

يمكن الله يلين قلبها ..

 

[فدوووو]

عاادي حبيبتي للي صاير لاامك

بس انتي خلي اسلوبك معها حلوو وابتسمي في وجهها وخلي كلامك حلوو معها ولاتبينين انك متضايقه منها

يمكن انتي سويتي شغله وضايقتها بدون قصد منك

ترى اغلبيه الامهات لاكبروا تتغير هرموناتهم ويصيرون عصبيات ومايتحملن لو الكلمه من ياهل

بس بعدها بترجع زي قبل

انتي بس عليك انك تحاولين تطنشيها واي شي تقوله لك قولي لها امري

هاذي امك بالنهايه والجنه تحت اقدام الامهاات

تراها صبرت عليك وانتي ببطنها وصبرت على تعبك ومرضك وهي اللي تسهر لك لاتعبتي

جزاء الوالدين الجنه

الله يخليها لك

 

[غلآ نوآف]

يووووه والله صاير هالشي مع الاغلبية

امي بعد الله يصلحها
من انخطبت وهي صايرة عصبية
وتعصب علي بكل شي تافهة

لكن حبيبتي ماعليه
اكيد عندها ضغوطات كثيرة
وانا عاذره امي لهذا السبب

 

[pinkoosha]

هذا شي طبيعيي يصير بالامهات,, انتي ماتدرين شنو بقلبها وشنو تفكر فيه,, تلقينها كل يوم قبل لا تنام تحط راسها عالمخده وتفكر وتقول هالبيت على يوم بيصير فاضي محد راح يقعد فيه غيري ,عيالي بيتزوجون وراح اقعد روحي, تمر عليها ايام حيل صعبه ما يفهمها الا اللي بعمرها, تلقينها تعصب على اتفه الاشياء لانها تفكر وايد وتحاتي ,,تشوفكم تكبرون جددام عينها, وتفكر فلانه كبرت لازم تتزوج شمعنه بنت فلان تزوجت وانا بنتي لا,, هذا سبب من اسباب هالعصبيه الزايده والتغير

اتوقع

 

[منو انت]

الله يهديها يارب

يمكن عندها مشكله او تعبانه نفسيتها وان شاءالله ربج يعدل الحال

 

[Unusual]

حبيبتي التمسي لأمك سبعين عذرآ ..
الحياة وماتسوووي ..

الله يحننها عليك ..

 

[خفايا البحر]

الله يخلي لج امج ان شالله تردون مثل اول
ماعليه اقعدي معاها كلميها يمكن متضايقه من شي
واذا زفتج قولي ان شالله يمه اسفه وحبي راسها
سولفي معاها

 

[سارونه الامورة]

عاادي حبيبتي للي صاير لاامك

بس انتي خلي اسلوبك معها حلوو وابتسمي في وجهها وخلي كلامك حلوو معها ولاتبينين انك متضايقه منها

يمكن انتي سويتي شغله وضايقتها بدون قصد منك

ترى اغلبيه الامهات لاكبروا تتغير هرموناتهم ويصيرون عصبيات ومايتحملن لو الكلمه من ياهل

بس بعدها بترجع زي قبل

انتي بس عليك انك تحاولين تطنشيها واي شي تقوله لك قولي لها امري

هاذي امك بالنهايه والجنه تحت اقدام الامهاات

تراها صبرت عليك وانتي ببطنها وصبرت على تعبك ومرضك وهي اللي تسهر لك لاتعبتي

جزاء الوالدين الجنه

الله يخليها لك

معااااهاا كلامها صح 100%:eh_s(15)::eh_s(15):​