امي ..انفعاليه ..

[Patcholli]

مساء الورد



هالموضوع بكتبه عن اغلى انسانه بالوجود امي بعد قلبي وروحي وحياتي الله يطولي بعمرها ويخليها لي قولوا آآمييييييييييييين :yaaaaaarb:


بنات امي حبيبتي وايد انفعاليه اتعصب على اشياء ماتسوا ..

انا مو متظايقه من عصبيتها بس خايفه عليها مابيها تنفعل على اشياء تافهه .. اخاف على صحتها اخاف يرتفع ظغطها او تتعب صحتها بسبب هالانفعالات ..

ساعات انبهها وتظحك تقول ماحس بروحي .. بس ترد بعد دقايق هم تنفعل وتعصب ..

مثال اليوم طالعين ونتمشى بالافنيوز واحنا طالعين اختي دشت محل عالسريع واحنا كنا بنروح السياره .. امي عصبت ووييهها صار احمر وزفت اختي وهاوشتها ..

قتلها يما حياتي ليش تعصبين خو دشت المحل وبتطلع مايسوا تحرقين اعصابج على هالشي يعني كلها 5 دقايق شصار ؟؟ ماورانا شي عادي كلميها قوليلها لاتروحين المحل بدون اذن بس لاتعصبين وترفعين ظغطج ..

الحمدلله امورنا كلها بخير وماعندنا مشاكل جايده المفروض تكون مرتاحه ومستانسه وريلاكس ودي انها تبتعد عن هالظغوط وهالاعصاب ..


بنات اتهقون شنو الحل والله ودي امي تريح قلبها حيل حيل اخاف على صحتها ..



يالليت الموضوع ينزل اليوم


شكراً ..
يالليت تنصحوني ..

​

 

[Tom ♥ Jerry]

.


نفس امي صعب تغيرين هالـ شخصيه
الله يعين .. لها اهيه مو زين

 

[رانس]

الله يخليها لكم يارب هذا طبعها مستحيل تغيره

 

[صادقة بكلمتي]

الله يحفظها من كل شر بس حبيبتي اغلب العصبيين جذي صععععععععععععععععععععععععععععععب تغيرينهم خاصه عقب ما يكبرون ادعيلها الله يهديها ولا تشوف شر هذي طبيعه خلاص ولا تحاتينها وايد صج امج بس لا تخلين حالتها تسببلج قلق والله يطولكم بعمرها وتفرح فيج اللهم امييييييييييين

 

[جنون العاطفه]

صعب طبع بس لاتحرونها انتوا ​

 

[Patcholli]

مشكورين بنات اي صح اهي صعب تغير طبعها لان لما اقولها تقول ماحس بروحي ..

جنون لوول والله مانحرها اهي تعصب على اشياء ماتنذكر لوول

 

[om al ghaleen]

اخ مثل امي حبيبتي ونور عيوني
عصبيه بشكل فضيع
وبعد خدامتها استغفرالله غباء حارقه عمرها عليها اقولها يمه اهي جذيه ماتفهم تقول ماصارت كملت 7 شهور لي الحين ماتفهم
والله قلبي يتقطع كلما شفت ويهها احمر متنرفزه من شي
والله امي شايله هموم الناس اقولها مايسوى بس ماكو فايده فوق عصبيتها الا انها حنونه وقلبها ابيض
الدعاء اهو الحل
\\

 

[المرتاحة]

شي طبيعي اللي تمر فيه

واعتقد بالفتره هذي تزيد عندهم العصبية لانهم داشين بفترة سن اليأس يعني الفترة اللي تنقطع عنها الدورة الشهرية فعادي تكون عصبية بهالفترة لانه الشي مو بيدها

انتي خليج معاها جذي اذا عصبت هديها والله يسهل

 

[:: Diva ::]

الله يهدي بالها يارب
و يخليها لكم


الامهات من كثر ما تعبوا علينا خلاص مافيهم بعد
حبيباتي الله يأجرهم الي طول حياتهم محاتاة و خوف تربية و عنايه

فديتج انتي صبري و طولي بالج
و كلمي خواتج يصبرون و ما يردون كلش
و اذا يبون شي يعلمونها قبل علشان لا تتعب
بعد ماكو اغلى منها


:*

 

[قمر بيت أبوها]

الله يعين الكل عصبي ألحين حتي الأطفال عسي الله يبعد العصبيه عن أمك وعن الجميع يارب

 

[Patcholli]

مشكورين عالدعوات الطيبه حبيبات قلبي ^_^

االله يحفظكم من كل شر ويحفظ اهلكم وحبايبكم يارب

 

[رتبه دبلوماسيه]

.


صععب تغيرين شخصيتها لانها كبييره
والله يخليها لكم ~

.​

 

[روان المطيري]

نفس امس الله يهديها

وصعب حييل تغيرين من شخصيتها ألا في حالة
لمن تحاجينها حاجيها بهدوء انا جربت هالشي مع امي ونفع
مثال ( امي على اتفه شي تصارخ مثلاً على اخوي الصغير او اذا الخدامه
عاندتها اسمعها تصارخ ايي عندها شصاير تقولي السالفه وأهي تصارخ
ومعصبه انا احاجيها بهدوء خلاص يمه ماصار شي الحين اسويه لج او
اخذ اخوي عنها اهديها بأي طريقه ) ترا الهدوء علاج لمعظم المشاكل
حتى مع اليهال والله ينفع ..
والله يحففظهم ويطولنا بعمرهم ♥

 

[ASMAA-ALHAJ]

والله نفس امي أمي وايد وايد وايد عصبية
اب اب اب اب اب مية اب لان الموضوع وايد حلو عجبني

 

[om deaj]

مضغوطة ومشغول بالها بشي

حاولو تودونها عمرة

ترا اغلب امهاتنا كلما كبروا بالعمر تزيد الاعصاب ياكافي من ضغوطات الحياة
عادي ولا تنرفزوونها ولي عصبت اعتذرولها حتى لو مو مسوية غلط

 

[@ كويتيه @]

كل الامهآت جذي اولهآ الحجيه امي نفس حاله امج والعن مثلآ مثلآ اذا بروح السوق تخليني اروح بروحي مع بنت خالتي وموافقه بس اوصل تدق وتقولي انتي وينج ومعصصصصصصبه حدها يعني جنه طالعه بدون موافقتها

يعني مادري فوق ما اهي عصبيه فجأه تقلب .. بس مرات لما احاجيهآ بهدوء تطخ .. فعادي صرت اعرف لهآ


و الله يخليهآ لي ولآ يحرمني منهآ .. ولا يحرمج من امج

 

[روانتي 12]

مثل أمي ع اتفهه الاسباب تعصب . . للأسف

 

[اميره1980]

اتوقع الوالدة الله يطول بعمرها ان هرموناتها بدت تتغير بحكم السن و انفعالاتها شي طبيعي
انصحج بشغلة للوقاية بس
سوي لها تحليل شامل و خصوصا للهرمونات و بعيد الشر عنها السكر لان السكر يخلي الانسان انفعالي و عصبي
الله يطمنج عليها و ما فيها الا العافية ان شاء الله