امي تسلم عليكم و تقـوووول , , ؟

[سـيـدة آلـمـطـر]

حين طرق باب بيتنا ... ليقول لى ولدالجيران






امى تسلم عليكم وتقول عندكم .... طماط....!!















ابتسمت من قلب ....












وقلت له عندنا ... ولوماعندنا زرعنا لكم بحوش بيتنا













هلا بالجار الصغير ....






منذ متى لم يطرق بابكم احد الجيران لطلب






طماط او بصل او خبز ... !!!















ربما احلى اعضاءيقال اننا بخير ونعمه ولم يعد الطلب من الجيران






له ضروره ... ولكن لا اعتقد






فقدنا الطلبات الصغيره بين الجيران






فقدنا طعم الجيره ...






كان الجار يطلب من جاره بصل






وبعدها يرسل له قليل من الطبخه






عيش وملح






الان تعد الطلبات بين الجيران عيب وقله ذووق ... !!






وقد تستغرب ان يطرق جارك بيتك بدون موعد واذن مسبق واتصال






وقد يتهم الجار بالجنون حين يطلب طماط






زمان لم تكن الحاله الاقتصاديه مثل الآن






اليوم فواتير وديون واقساط واسعار مواد غذائيه عاليه






وعيب نطلب وندق باب الجيران...






زمان حياه بسيطه وقلوب ابسط ,,, وصغار الجيران






وجمله .... امى تسلم عليكم وتقول عندكم بصل






جميله العباره






بجمال البساطه






وجمال المحبه






وجمال روح الجيران الوحده






كنا بيت واحد






وطبخه وحده






اخبرتنى جدتى






ان الاسر قديماتشعر بمدى حاجه جارها






وترسل له من غيرطلب






واذا راعى البيت قضى لبيته ماينسى جيرانه ...






واذا بقى شي من العشاء... يرسل للجيران( غريفه)






واليوم يزعل الجار من بقايا العشاء باعتبرهافضله....






ليست المساله بمجرد الطلب ياحلى اعضاء






وليست عباره امى تسلم عليكم وتقول عندكم طماط هى المحك






لا ....






ولكن العلاقه نفسهافقدت طعمها






فقدت دفئها






فقدت الجيره






لم تعد الحياه لها طعم بعد الاستغناء عن بصل وطمام وخبز الجيران






وحين نعطى الصغير طلبه ... نتنتظر عودته بطبق من عشاءهم ...






ليتها تعود تلك الايام ... رغم انى لم اعشهاحقيقه






ولكن احيانا اتمنى عوده ايام ماضيه بزمن جميل






وجيران ترسل وتسال وتطلب






بدون قيود حياه ممله ورسميات قاتله






احضرت الطماط للولد الجيران .... ووصلت لنهايه كلامى






قول لمك امي تسلم عليكم وتقول .. اذا بغيتو شي لايردكم الا لسانكم






وخرج الصغير ولسان حالي يقول:شكر لك عشت معك لحظات اصبحت مفقوده .... بزمن لم يعد الجار يعرف جاره

:eh_s(4):



وامى تسلم عليكم وتقول ... عندكم رد على الموضوع


سلامي للعنون اللي تناظر الشاشه

 

[نونه العنونه_H]

موضوع حلووو ومعنى احلى
صح السانج​

 

[راعية الطويلة]

 

[الــفــجــرالــبــعــيــد]

اي والله صاجه


انا صراحه مو جيل هالايام فــ ماعشت حياة اول

بس اللي اسمه من جداتي الله يطول بعمرهم وامي الله يخليها لي ويطول بعمرهااا


كلام صج صج صج يوونس انه الجار قبل كأنه اخوو لجاره

والوحده لا راحت تولد تخلي اعيالها عند جارتهااا

ولا اذا سوت غدا دزت حق جارتهاااا

حتى لو مسويين خبز تنقصولهم من هالخبز

احس العيشه قبل فيها اخوه فيهاااا حب اما الحين كلن لاهي بحياته وناسي جاره اللي وصى عليه رسولنا الكريم عليه الصلاة والسلام

 

[قدوتي سنتي]

اي والله راحت هالايام

الحين الجار يسوي السحر حق جاره ,, ويطوف مايسلم عليه,,

الله يهدي الجميع ان شاء الله


ويعطيج العافيه عالموضوع الروعه

 

[المعتزه بدينها]

سيدة المطر ...ام سيدة الاحساس والمشاعر....هاانت تفتقدين شيئا لم تعيشيه ...فما بالكي بمن عاش ولو جزء يسير من تلك الحقبه ...واقولها حقبه وكانها من عصور ماضيه ...من هول مانمربه من برود المشاعر المقتوله في زحمة الحياة الزائفه والتي لاطعم لها رغم كل مانبذل لتجميلها الا انها اصبحت كحفلت رسميه نتمى ان تنقضي الساعات الطويله في مجاملتنا لانفسنا ولمن حولنا ....اين تلك البساطه ؟؟واين الاخوه واين واين؟؟؟ولو ترين ان اغلب الجيران لايعرفون اسماء جيرانهم فقط ابو فلان او ام فلان لكن اسمه لا يعرفه لقلة التواصل ...ولا اعيب الزمان ولكن نحن عبنا الزمان فالعيب عيبنا فلا تغير الزمان ولاتغيرت الساعات والدقائق ولكن النفوس هي التي تغيرة....اشكر لكي احساسك النادر لتلك المشاعر

 

[أذوب في عيونها]

الله يسلمك


والله يردها من ايام

 

[يبوني_جرح]

يعطيج العافيه صج كانت ايام حلوه وانا من الجيل هذا

 

[حرم حمود]

بصراحه قريت موضوعج وكان يمي ابو اعيالي وسالته متى اخر مره اطلبو منكم جيرانكم رد والله مااذكر صراحه ذكرتيني بجارات امي قبل كانوا يطلبون اشياء غريبه مره وحده اطلبت عصير مانجا وخيار وكان ماعندنا وراحت امي للفرع القريب من بيتنا وشترتلها قالت حرام المره اتنسا الله ياحلو طيبه اهل اول الحين لو بتطلبين من احد بيقعدون يضحكون ليصبح بس الحمد لله انا وجارتي نطلب من بعض مرات وهي مثل اختي واكثر والله لا يفرقنا عن بعض وبصراحه كل مااطبخ او هي تطبخ شي غريب نشتهى انطرش ليبعض يارب لا تفرقنى عن جارتى وحبيبتى ام نوافي وان شاءالله يكبر نوافي ويقولي امي اتسلم عليكم وتقولكم امى تبي طماط

 

[فوشية وردية]

الحمد الله
حنا مع جيرانه نطلب منهم طماط او ....
ومرات اكسسورات هم مرات يطلبون منا
عادي الحياة حلوة

الله يعطيج العافية

 

[msmshasnsn]

اي والله كانت ابام حلوه
الله يعطيج العافيه على الموضوع

 

[سـيـدة آلـمـطـر]

يـآآ حلـو آلجيره و آآيـآآمهـآآ !

,’

سلمت آنـآآمل كـل من مر هنـآآ ,, !
آشكر كـل من آضآف من آلجمـآآل جمـآآل !

,’

دمـتـم بنقـآآء

 

[عذاااااب الروح]

ايه صج نفسي احد يطق بابي ويقول عندج خاروف
خخخخخخخخخخخخخخخخخخخخخخخخخخخخخخخخخخخخخخخخخ

والله فاقدين الجار قبل جارك داخل وطالع عادي بس الحين لا... تسمع صوته بس ولا جنه يعرفك

موضوع متميز من عضوه متميزه
ثانكس

 

[سـيـدة آلـمـطـر]

عــآآآد خــرووووووووف !
بيسدون بوجهج آلبـآآب <<<< لــوووووووووووول

,’

يسلمووووو حبيبتي ع التوآجد المشرف

 

[جولينار]

والله احنا لازلنا نطلب من جيراننا ويطلبون منا

حتى جارنا الامريكي امي ترسل له احيانا لانه عزابي ههههه

 

[السنعة2]

روووووووووووووووووووووووووووووووووووووعة

 

[Q8yaaaa]

اولا ثانكس عالموضووووع اي والله ياحلات قبل كل شي عادي ...الحين لا اذا وحده اطلبت من الثانية شي تقول وي ماتستحي شنو ماتقدر تشتري للاسف صارو الناس جذي...

 

[FiOnKa]

احنا علاقتنه مع ييرانا حلوه الحمد الله ,,

و يطري علي يوم كنت صغيرة يارتنه تعطي الجدر حق امي من الطوفة علشان تطبخ لها ياه مع غدانا لا صار عندها مشوار الصبح لوول

و ترى انا مو من كبري بس الحمد الله انه الحياة بـ فريجنا بسيطة و حلوة ,, و لي اللحين اللي يبي شي يطلب من الثاني ,,

و يا حلات نقصة رمضان وناااسة يوم كنت صغيرة اروح مع الخدامة و نلف على بيوت يراننا امي متنقصتلهم من فطورنا و اهم

يدزون لنا ونااسة بس اللحين كبرت ما يصير اروح لوول ,, الخدامة تروح بروحها .. و اللي يبي علاقته تصير حلوة مع يرانه

خل يبدي برمضان يدز لهم نقصة

 

[تمنيــڪـ ،، لي ♥]

يعطيج العافيه حبووووبه عالكلام الحلووو ..

 

[سنيوره قمر]

والله ذكرتيني بايام رمضااااااااااااااااان
يازينها من ايام