امي تقول الله يوفقها اللي تدخل وتجاوب على سؤالها ...

[حرير28]

السلام عليكم ورحمة الله وبركاته
بنات امي تسالكم يابنات عن حنة امهاتكم
حق اليد شنو اللي يخلي لونها اسود او اسود محروق
لان امي لما تحط الحنة على ايدها يصير لونه اصفر او برتقالي
يعني مولون حنه
واحنا عندنا مناسبات ومحتاجين مسااااعدتكم
انطر الرد اختكم حرير

 

[حرير28]

ااااااااااااااااااب

 

[بنت الاحلام]

حسب نوع الحنه يا قلبي فديتج لازم تكون حنتها نوعها زين

وفي حنه امي تجيبها من السعوديه تجي معجونه وخالصه وهم من البحرين تجي معجونه وخالصه وفيها نفس ريحه الديتول

تحطينها 10 دقايق تصير الايد سوده شحلاتها سويت منها بالعيد بس ماعرف الحرمه الي تبيع صراحه

انتي قولي ابي حنه البحرين المعجونه او السعوديه المعجونه تجي بجياس او علب نفس حق المطعم


وفي شي ثاني عند العطار اسمه ميسون او شي جذي يحطونه بعد الحنه يغمج لونها بس انصحج بالحنه المعجونه

وخل خالتي تدعيلي

 

[جروح الزمن 3]

حبيبتي روحي للعطار وقولي ابي حنة ايد سودة ( يمنية ) او عنابية ولازم اذا حطتة تطول فيها ساعة ونص

 

[Maiooia]

ما ادرى بس

آااااااااااااااااب لعيونك و عيونك امك

 

[حرير28]

رررررررررررررررررررررفع

 

[غير كل الناس]

دهن ميسو عند الحواج

 

[مس ^_^ تكانه]

تحط عقب الحنه ميسوووووو وتصير حنينتها عنابيه من اللي يحبها قليبج

وخل تدعي لي خالتي

 

[SwEeT aPpLe]

تحط مع الحنة شاااي وبعدها ندهن ميسو

 

[غيمه ظميانه]

شوفي مثل ما قالوا البنات ميسو من الحواج وريحته ترا قويه قريبه للفكس خليها تدهن ايدها فيه قبل تحط الحنه وتقعد خمس دقايق

وعقبها تحط الحنه وخليها تطول بالحنه شوي ولمى تغسلها

خليها تدهن يدها بشوية ميسو و بفكس لان الفكس يسود اللون يعني تخليه ساعتين او اكثر بعدين تغسلين ايدها


وبتسير ايدها عنابي غاااامج مايل عالاسود


وهاذي صورة الميسو

http://alhawza.net/upload/www.jpg




عفيا خليها تدعيلي فديتها

 

[سعودية تموت بأهل الكويت]

في شيء عندنا اسمه دواء الحنة بريالين تقريبا

نحط شويه منه تقريبا ملعقة في الحنا

احنا نسميه دواء الحنا لووول متعارف عليه بس اعتقد نفس الي حطوا صورته البنات

 

[ريح قهوه]

الله يخليها لج يارب

 

[رقة الياسمين]

اختي جيبي حنة الطاوووس تجي بالعطار علبة صغيرة بس تكفي كثيررررررررررررررر

الي يستعملوها بالصالونات ونقشات الحنة
حنة الطاوس لون اسود مع نقطة ميسو
اخلطيهم وانقشي فيها تصير بسواد الفحم والله

بالتوفيق

 

[l0lly]

uppppppp
ان شاء الله عرفتو الطريقه
ودعوات الوالده
الله يحفظكم

 

[منت رايق]

انا اذكر خالتي حنتها سوووووووووودة كنت صغيرة حيل اسالج امي بس اذكر ان يقولون بعد ما تغسل من الحنة خالتي تحط ايدها بكلوركس بس اسال واتاكد

 

[&موناليزا&]

رفع لعيون صاحبة الموضوع

 

[كيم كارداشيان]

بما اني اماراتية ونحن أهل الحنا ..

بخبرج السر الاول


اتييب لومي يابس ( ليمون صحاري تسمونه ) .. اتييب 10 حبات .. تكسرهم بون ما تقسمهم نصين .. يعني بس تسوي فيهم شقوق ..

تحطهم بجدر صغير وتصب عليهم دبة ماي كبيرة ( ليتر ونص ماي . ) .. تغليهم لحد ما يصير الماي أسود


تخلي الماي يبرد واللومي فيه


عقب تطلع اللومي وتعجن الحنا بالماي



وتحط معاه قفشة ميسو ( ملعقة)

وتخليه كم ساعة قبل العجن .. يعني تعجنه الصبح وتخليه لليل


بعدين قبل لا تحط الحنا تمسح ايدها بشويه ميسو وتحط الحنا فوقه ..


وتخلي الحنا لحد ما ينشف .. للصبح يعني ..


وبعدين تغسل ايدها وتدهن ايدها بزيت زيتون شوي او ليمون أو فيكس ..


وإن شاء الله بيصير اسود


بس فديتج قوليلها كيمو تقول ترا سبحان الله الحنا تفرق من جلد لجلد .. أختي مثلا تطلع فيها الحنا سودااااا بدون هالخطوات كلها .. وأنا أحتاج كل هالخطوات علشان تبين سودا عندي ..

أختي الحنا ما تروح من ايدها لين شهر .. أنا في 10 أيام تطير كلها


واحنا نقول عن اللي الحنا تمسك بايدها وتستوي سودا ( تعشقها الحنا )

 

[حرير28]

امي تقووووووووووووولكم الله يوفقكم يااااااااااااااارب
ويحقق كل اللي في بالكم
وصج انها مااخطات يوم طلبت مساعدتكم يالسنافيات

 

[&شوارفسكيه&]

بما اني اماراتية ونحن أهل الحنا ..

بخبرج السر الاول


اتييب لومي يابس ( ليمون صحاري تسمونه ) .. اتييب 10 حبات .. تكسرهم بون ما تقسمهم نصين .. يعني بس تسوي فيهم شقوق ..

تحطهم بجدر صغير وتصب عليهم دبة ماي كبيرة ( ليتر ونص ماي . ) .. تغليهم لحد ما يصير الماي أسود


تخلي الماي يبرد واللومي فيه


عقب تطلع اللومي وتعجن الحنا بالماي



وتحط معاه قفشة ميسو ( ملعقة)

وتخليه كم ساعة قبل العجن .. يعني تعجنه الصبح وتخليه لليل


بعدين قبل لا تحط الحنا تمسح ايدها بشويه ميسو وتحط الحنا فوقه ..


وتخلي الحنا لحد ما ينشف .. للصبح يعني ..


وبعدين تغسل ايدها وتدهن ايدها بزيت زيتون شوي او ليمون أو فيكس ..


وإن شاء الله بيصير اسود


بس فديتج قوليلها كيمو تقول ترا سبحان الله الحنا تفرق من جلد لجلد .. أختي مثلا تطلع فيها الحنا سودااااا بدون هالخطوات كلها .. وأنا أحتاج كل هالخطوات علشان تبين سودا عندي ..

أختي الحنا ما تروح من ايدها لين شهر .. أنا في 10 أيام تطير كلها


واحنا نقول عن اللي الحنا تمسك بايدها وتستوي سودا ( تعشقها الحنا )

وي فديت الامارات واهلهاااا
يا حبي للامرات ما امل منها
وصج انتو اهل الحنااا والعطور والزعفران
يا حلوكم
وصاجه انا الحنا ما تعشق ايديني ويمكن صاحبه الموضوع امها نفسي
انا لو اموت لو احد دهن وجاي لو احط قاااااااااااااز ما تصير عنابيه بايديني
شي يقهر وربي هههههههههههههههههههه
اضن امج مثلي مالها حللللللللللللل

 

[( المـلاك )]

اب =)