امي حلوة اللبن لحقوا عليها

[احلى صحبه]

السلام عليكم ورحمة الله وبركاته
بنات امي..امي..امي..
حيل حيل حيل تعبانه
تكفون يا بنات الي مرت او تعرف احد مر بحالتها تفيدني
امي ما تاكل او تخاف تاكل
كل ما كلت او شربت رجعت على طول قطعت قلبي لا وترجع مر تقولي مر
للعلم هي فيها غده لمفاويه ببطنها بس مو في المعده
الدكاتره مو عارفين شنو فيها
تخيلو يبون يسوون منظار للمعده بدون بنج على قولتهم لان فيها ربو وامي رفضت للعلم امي مسويتها قبل هلمره ببنج كامل
تكفون يابنات ساعدوها والي ماتعرف تدعيلها ان ربي يشافيها لو بقلبها مو شرط تحط رد

 

[زينانه]

ربي يشافيها

 

[bibi]

أول شي الله يشافيها ويعافيها .

أختي بقولج سالفتي أنا فيني ربو وبالعادة إذا كان في بلغم فالصدر تحسين بتنك و يبين بصوت الصدر ويطلع معاج بلغم .

مرة صار فيني نفس حالة والدتج بالضبط مر على جبدي و لوعة والأكل ماأتحمله وصرت حتى الماي أخاف أشربه وحرارة مو راضية تنزل

،وكلش ماربطت الموضوع بالصدر لأني كنت أتنفس عادي صدري مو متنك ولا معاي بلغم وأراجع ويعطوني أدوية الغثيان ومضادات ولا في فايدة .

تالي راجعت دكنور الصدر اللي أعالج عنده د. سليمان فلاح العلي ورايحة لأن عندي موعد مو عشان حالتي ، أول ما فحصني قال الله يعينج

شلون انتي متحملة البلغم معبي الصدر قلت بس مومتنكة قال مو شرط وشرحت له حالة معدتي قال أكيد بيصير معاج غثيان وترجيع وحرارة مستمرة .

واللهم لك الحمد شفت العافية بفضل الله ثم فضله ما عطاني إلا كمامين ورا بعض وإبرة ومضاد حيوي وراحت اللوعة من أول يوم .

 

[احلى صحبه]

رد : امي حلوة اللبن لحقوا عليها

المشكله امي يعطونها كمام ومضاد ومسكن صار لها اسبوعين وهي على هالحال

 

[سمو الغلآ]

رد : امي حلوة اللبن لحقوا عليها

ياربي يشافيها ويعافيها ويخليها لكم..


في مره تعالج طب شعبي خليها تشووفها

وهذا رقمها
99426224 اسمها ام عايد


وسالي عنها ترى معرووفه واي سؤال انا حاضر

بس طرشيلي ع الخاص لاني ما اقدر ارد ع الموضيع اللي قاريتهم

 

[سنين العمر1]

عسى الله يشفيها يارب ويشفي مرضى المسلمين

عسى الله يطمن قلبج عليها ويشفيها بإذن واحد أحد

 

[bibi]

الله يكون بالعون ويعجل في شفاءها زين أختي حاولوا تغيرون الدكتور ، أحيانا ممكن يكون المضاد أو الدوا غير مناسب ،.

 

[بخـــارى]

رد : امي حلوة اللبن لحقوا عليها

لاحول ولاقوة الا بالله
الله يشافيها يارب
طمنينا عالوالده اول باول

 

[اغفرلي يارب]

سلامتها الله يشفيها يارب اسأل الله العظيم رب العرش العظيم ان يشفيها يارب

 

[كل الفوز]

عسى الله يشفيها يارب ويشفي مرضى المسلمين

عسى الله يطمن قلبج عليها ويشفيها بإذن واحد أحد

 

[فـــخـــر]

الله يشافيها ومرضى المسلمين اجمعين

 

[قطووه حلووه]

رد : امي حلوة اللبن لحقوا عليها

روحي دكتور جهاز هضمي متخصص اكثر

 

[Al-RoRo77]

رد : امي حلوة اللبن لحقوا عليها

وعليكم السلام ورحمة الله وبركاته
الله يشافيها ياااااااااااااارب وماتجوف شر ويارب جريب تبشرينا انها صارت احسن ياااااااااااااااارب

 

[G!RLooNa]

والله مادري الله يشافيها يارب

 

[باربي للابد]

الف سلامة عليها عسى الله يشافيها ويخليها حقكم انشالله ​

 

[جروح خالده]

رد : امي حلوة اللبن لحقوا عليها

عسى الله يشفيها يارب ويشفي مرضى المسلمين

 

[q8_hala]

رد : امي حلوة اللبن لحقوا عليها

الله يشافيها ويخليها لكم
حبيبتي اذا لون بشرتها مصوفر
سووا لها تحليل وظائف الكبد وسونار على الكبد المراره
والله يطمنكم عليها ان شاء الله

 

[غـلآوي ّ ~]

رد : امي حلوة اللبن لحقوا عليها


آلـله يششفيهـآ إن شـاء الـله:eh_s(17):
:eh_s(17):
:eh_s(17):

وعندج الدكـتور مساعـد العصفور إستشاري جهاز هضمي
حييييل يمدحـونه هالدكتور خصوصآ للمـعده

وهـذآ رقـمه
22629091
1886060

 

[Flower20]

رد : امي حلوة اللبن لحقوا عليها

الله يشفيها ويحفظها يا رب من كل سوء
ويطمن قلبج عليها امين

 

[احلى صحبه]

رد : امي حلوة اللبن لحقوا عليها

المشكله يا بنات هي في المستشفى صار لها اكثر من اسبوعين وما تقدر تطلع لان مافيها حيل لانها ماتاكل وعايشه على المغذى والمسكنات
انشالله يارب يوصل تقرير مستشفى لندن وتروح بسرعه يارب
لان الغده الي في بطنها متضخمه حيل واذا طولت راح توصل للوفاه
يارب تسافر هالاسبوع
بنات تكفون ادعولها
تكفون