امي ومشكلتها شنو الحل الله يخليلكم امهاتكم

[طعم الشهد]

السلام عليكم ورحمة الله ومبارك عليكم باقي الشهر




والله ياخواتي متضايقه الغاليه امي وانتو بكرامه ينزل عليها دم بنات كل ما اوديها مكان يقولولها شي تعرفون مستشفياتنا بس انا اعتقد لازم يسولها تنظيفات بنات شنو تنصحوني امي مره كبيره واكيد تخاف وتحاتي وفيها سكر وضغط شالحل وين اوديها واي مستشفي يقولولي لازم اوديها دكتوره شاطره بامراض نسا اكثر من انها تولد فساعدوني مالي غيركم.

الله يخلي امهاتنا وامهات المسلمين وتشافي كل مريض اللهم امين

 

[worood82]

ودينا عند د معصومه وايد شاطره اهي ثج ما تحصلينها باي وقت وتتعبين على ما تحصلينها بس زينه تعرف اتشخص
روحي اليوم الظهر وخطيبها موعد عندها وكلني السكرتيرات ايحطولچ اقرب موعد لانها حاله طارئه وشوفي انتي على راحتك

 

[بناااوي]

انا سامعة انه معصوووومه وايد شاااطره

 

[دلع^_^]

الدكتوره مهجه ما تولد تخصص امراض نسا وفاهمه شغلها بنت عمي مابقت دكتوره ماراحت لها وبالاخير الي عرفت مشكلتها الدكتوره مهجه

 

[حنان1983]

الله يشافيها بج حبيبتي وما تشوف شر ان شاء الله ما عندي فكره شنو الدكتوره الانسب لها ان شاء الله البنات يقيدونج

 

[طعم الشهد]

انزين وين احصل دكتوره مهجه وجم رقهما والله يعطيكم العافيه علر ردودكم

 

[*الغاليه*]

الله يشفيهااا لج ويقومها بالسلاامه

اذا امج كبيره بالعمر وعلى وشك سن اليأس هذا يدل على ان دورتها بتنقطع ان شاء الله ماكو شي جايد

ولاازم تودينها ااي دكتوره بعياده خاصه وتشوفين شنو تقولج

والله يكتب ما اصابها اجر وتكفير ذنوب

​

 

[كويتيه مذهله 87]

اكيد حبيبتي وديها عند دكتوره والاحسن الصباح لان فيها سكر وضغط يعرفوون اكثر

 

[دلع^_^]

الدكتوره مهجه البدر عيادتها بشرق مقابل مجمع دسمان ، سوي سيرج بالنت وخذي رقم العياده والله يشافي امج

 

[ام ساره 4]

عسى الله يشافيها ويخليها لج إن شاء الله

 

[بنتي نور عيني]

انصحج بالدكتوره مهجه البدر اهيا تخصص امراض نسا ووايد شاااطره
وماتشوف شر امج والله يخليها لكم

 

[منو انت]

اول شي اجر وعافيه

وثاني شي ضروري تسوي سونار وتحليل شامل وتعرف شنو المشكله ؟ علشان تقدر تعالجها وصج الحريم اذا قربت تنقطع الدوره تنزل بشكل مستمر بين فتره وفتره بس هذا مايمنع تروح الطبيب وان شاءالله ماكو الا الخير

والله يخليها لج