ام جديده ...وبنتي تعبتني بالبجي ..وماعرف شي

[أحلام ورديه]

بنات كويتيات يالغاليات

انا توني والده وبنتي اعطيها حليب سميلاك ادفانس ومن صار لها عشرين يوم واهي لا ليلها ليل ولا نهارها نهار ثلاث ساعات واهي بجي ماتنام

وساعات تاخذ يوم ماخرجت وكله تحمر وتتعصر اليوم عاد غير لها الحليب جبت حليب بيبي لاك 1ي سي وصرف لها الطبيب ماي غريب وتحميله ماي غريب قال لي ثلاث مرات والتحميله عند اللزوم

عاد ابي شنو اعطيها اعشاب تلين بطنها وشلون انظم رضعاتها وانا حصلت بالجمعيه اعشاب ميلوبا حق عمر من ست اشهر فما فوق يصير اعطيها وهي ما كملت شهرين ؟؟


تكفون بنات ساعدوني

 

[_Pure_]

واي الله يعينج والله حالة بنتج تكسر الخاطر

انا ماعندي فكرة لاني ارضع طبيعي فا مافي لا غازات ولا امساك الحمدلله

بس ترا شاي ميلوبا لا تعطينها دام مكتوب بعد ال٦ اشهر

 

[noynoy]

لازم تعطين بنتج 5 الى 6 رضعات باليوم بما انها بالشهر الثاني
و كل رضعه تكون 120 الى 150 مل
و اذا كبرت انشالله بالشهر الثالث تعطينها 150 الى 180 مل
لا تعطينها شي مكتوب عليه 6 اشهر و اهي توها شهرين ما يصير
اذا حسيتي ان الحليب هذا مو مناسبها و يسبب لها غازات او امساك او اسهال روحي الطبيب مره ثانيه خل يغير لها الحليب
و كله نوميها على بطنها عشان الغازات
و لا تعطبنها غير الحليب

 

[*دانة الخليج*]

التحميله لاتستخدمين لها

وانصحج استخدمي لها قطرات للغازات موجود بالصيدليات يريح وايد

 

[أشكي عليك الحال]

حبيبتي اخذي لها دوا الغاز للغازات والامساك وبترتااااح عليه

وزين غيرتي سيميلاك لان كله من سيميلاك يسبب امساك وعسر هضم والبطن ينتفخ ويتعب البيبي وتتعبين انتي معاه

والله يعينج يبيلها اسبوع لين ماترد اوووكي وترتاح

وعطيها بين الرضعات ماي غريب

وصبري عليها مو على طول تغيرين الحليب ترى مو زين

 

[DALAL25]

خلاص حبيبتي رضعيها طبيعي والله راح ترتاحين والبنت ترتاح لا غازات ولا امساك ولا اسهال وانتي جسمج يستفيد وجسم البيبي احسن
الله يعينج والله
اما بالنسبة للحليب الصناعي فما عندي خبرة كلش

 

[توته سعوديه]

الحال من بعضه
ولدي دايم يبكي ويتعصر من المغص والغازات
وتوه ماكمل شهرين اعطيه ماي غريب بس مااحسه يفيد
واعطيه حليب نوفلاك 90 مل
واسوي له يانسون 50 مل طبعا ماحط له سكر لان السكر يسبب غازات

 

[مدمنة ككاو]

سوي لها شاي ينسون أو بابونج أو حبة حلوى

رقم واحد بس يعني كل رضعتين حليب بينهم رضعة شاي من هذول وخلي البابونج بالليل قبل النوم يخليها ترتاح وتنام اكثر

وذا شفتي ان الامساك اللي فيها وايد قوي وما قامت تخرج روحي الطبيب خل يغير الحليب يمكن مو طايح عليها ومتعبها

 

[*مرامي*]

انا ولدي كان جذي وفوق الغازات عنده حساسيه بالصدر غيرلي الدكتور الحليب وعطاني ايبتاميل وايد ممتاز يعادل حليب الام ولاحظت هالشي من خروجه تكرمين

 

[MoonDiamond]

في قطرة فالصيدليه
اسمه غاز بومبي
روعه ويريح الطفل من الغازات
وماتشوفون شر

 

[ام اغلى الناس]

اقري الموضوع:
http://www.q8yat.net/showthread.php?t=637510

 

[أنفاسي دخون]

اذا الحليب الجديد ما ناسبها بعد لازم تراجعين دكتورها وتشوفين السبب وعشان ترتاح من الغازات سوي لها شاي اعشاب ( كراويه + نعناع + كمون + حبه حلوة ) وحليها بشويه سكر نبات واذا متأزمه حيل عطيها دوا غاز بيمبي تلاقينه بالصيدليه حطي لها 30 مل ماي وشوي ماي غريب و10 قطرات من الدوا يريحها باذن الله واهم شي اسدحيها على بطنها بتستانس ويخف الالم واذا معاها امساك وانتي بكرامه يوم وترك سوي لها تمريه عشان تمشي بطنها

والله يخليها لش وتشوفينها عروس