ام زوجي وتأخر حملي سنه !!

[النووف]

يسعد جوكم بكل حب


من كملت سنه والعجوز زايد كلامها ولاتكلمت قالت عسا الله يرزق ولدي يعني ماتذكر اسمي

والله طفشت بس متحملتها عشان زوجي

كل ماتجمعت انا وحمواتي تسالني شعطاج الدكتور وشنو قالج؟والله احراج

مرت حماي حملت جت تبي تبشرني ماقالت اسمها قالت اسمي وحامل وبعدين قالت يييوووه اقصد فلانه حامل

باطه جبدي والله

زوجي مو مستعجل بس هي تغثثث

هذا وانا صار لي سنه جذي ؟؟ لو يصير سنتين او ثلاث !!!



للعلم اني مااذكرها الا بالخير عند زوجي

الله يصبرنا ويرزقنا من واسع فضله

 

[اعشق فهاوتي]

الله يعينج هاي مشكلتنا ويا الأهل توا ماصار شهر ع طول يحققون ويانا
لا و أزيدج بعد حتى ربع الريل قامو يتدخلون
ها بشر في ولي عهد جاي بالطريج ولا
احين شدخلكم ههههه
اقول لج طنشيها وقولي لها خير ان شاء الله
الله كريم
وبس

 

[ناتشوو]

لا تصيرين حساسة
وبالنسبة انها تكلمج عن الموضوع
جدام حمواتج
ممكن تكلمين وحدة من حمواتج
او زوجج يقول انج تنحرجين
بس مايوصل انج
تسمينها العجوز
وانج ساكتة علشان زوجج
شنو الذنب العظيم اللي هي سوته
علشان ماتسكتين
وشنو بتسوين
بتطولين لسانج ولا تمدين ايدج
الفقيرة تدعي بالخير
بالذرية
الله يرزقج بالحمال عاجلا غير اجل
وانا فعلا ادري الموضوع حساس ويضايق
بس نحاول نصفي النية
ومانفترض السوء بكل من يسألنا

 

[sosowaty]

فعلا انا مع ناتشوووو

الله يرزقج حبيبتي

 

[ليمونة وزيتونه]

عادي انا خالة ريلي عقب زوجنا بأسبوع داقه تسال

 

[ليمونة وزيتونه]

هههه اقصد ليش مستعجله الله كريم اذا دعت قولي
اي خاله ادعي انسلاله دعوة مستجابة لاتفكرين موزين
الله كريم

 

[ابدا يالغالي مانساك]

لوووول ليمووونه من صجج سبووع ​

لو صار حمل حتن بهالسبوع شلون يبين ​

الحمدلله حبيبتي صاحبة الموضوع عيشي حيياتج وعاادي ​

هذولي الحريم ترا قلبهم صافي ونيتهم عليج تشوفينهم حطين همج ودايمن يسالونج ​

لانه يفكرون فيج واكيد بتفرح بولدهاا وتشوف عيالهاا

كلنا جذيه انا عمتي تسالني وقولهاا الحمدلله مافينا شي ونرراجع

انتي خوذيهاا بمكاانة امج وقوليلهاا الحمدلله وراجعناا ومافينا شي
وهذا كله بامر الله وجذيه بتسكت ​

 

[تمنيت موتك]

ليش تقولين عجوز ...!! والله حرام
اهي موقصدها صدقيني بس حابة تشوف أولادكم وترى الحريم الكبار مايفكرن وعلى نياتهن

 

[ماتغير شي]

عاااادي حبيبتــي تبي تشوف أحفادها ادري انتي مالج ذنب بس تحمليها

وإذا سألتج قوليلها الله كريم خاله انتي كل يوم ادعيلنااا

 

[ملح @ شمر @]

عادي حبيبتي تحمليها
هي قلبها عليكم صدقيني لو تحملين اول من بيفرحلك هي
انا سمعت من خالتي والله سالفتك ولا شي عند سوالف خالتي هههههه
ويوميا تبشرني باللي حملوا وتقول هم مع زواجكم صح ؟ وتكمل تقول عندهم ثلاث وانتوا وتسكت ..... اكمل الفراغ ههههه

ومرة وحده قالت لي ام فلان تناديني ردت عليها خالتي وينه فلان ؟

ومرة قالت لي قدام حريم حمواني
اللي ماعندها عيال ليش ماتتطلق من زوجها وتتزوج تشوف نصيبها !!!!
باكر لو يصير بزوجها شي تبقى وحيده مثل فلانه قعدت مع زوجها ياما عجزت والحين مات وخلاها وناشبوها اهل زوجها على الورث !!!!
قلت انا لها الله ماتبي احد :eh_s(2):

بس وربي شاهد علي
حزت بخاطري صج بس والله ماعمري حقدت عليها عاذرتها هذا ولدها وضناها
ولما حملت
والله فرحت لنا مررررة مرررررررررة كسرت خاطري

ترا الحريم الكبار مايعرفون يعبرون فلا تواخذينها ياقلبي ولاتصيرين حساسه ترا يمسكون عليك
​

 

[DO7AWE]

اسال الله جل علاه بكل جبروووتة وقوته وعطفه وحناااانه وعجائب قدرته ان يرزقنا بالحمل السليييم المعافا عاجلا غير اجلا يارب العالمين انه علي كل شي قديييير لي ولكم​

 

[ام ريما وسعود]

اخواتي انصح كل وحده تبي الذريه الصالحه بالصلاه في ثلث الليل والالستغفااااااااااااااااااار بما اني مجربه
ويارب ترزق كل وحده تبي الذريه الصالحه عاجلا غير اجل​

 

[Q8_QT]

لا تصيرين حساسة
وبالنسبة انها تكلمج عن الموضوع
جدام حمواتج
ممكن تكلمين وحدة من حمواتج
او زوجج يقول انج تنحرجين
بس مايوصل انج
تسمينها العجوز
وانج ساكتة علشان زوجج
شنو الذنب العظيم اللي هي سوته
علشان ماتسكتين
وشنو بتسوين
بتطولين لسانج ولا تمدين ايدج
الفقيرة تدعي بالخير
بالذرية
الله يرزقج بالحمال عاجلا غير اجل
وانا فعلا ادري الموضوع حساس ويضايق
بس نحاول نصفي النية
ومانفترض السوء بكل من يسألنا

فعلا كلامج صح ويارب ترزق الجميع

 

[ورود متناثره]

لو انا ما ارضي اقول ل ام زوجي العجوز عشان خاطر حبيبي


وانتي الله يرزقك ياارب ماعندي حل


لك الله يرزقك ويرزقني انا بعد لي قريب سنتين حملت وسقطت وموووووووووووووت مشتاقه ياااارب يااارب

 

[بحرانيه حلوة]

حبيبتي استقبلي هالموضوع بابتسامه واتفقي مع ريلج علي رد انا وريلي نعالج واذا سالونا نقول للحين ماقررنا والا توالناس نبي نخلص اقساط ومن هالكلام سافري وعيشي حياتج ولاحقه عاليهال انشالله مردهم بيون بس ريحي بالج وبيملون حياتج

 

[بنت-]

ليش تقولين عجوز ...!! والله حرام
اهي موقصدها صدقيني بس حابة تشوف أولادكم وترى الحريم الكبار مايفكرن وعلى نياتهن

تراها ام زوجك

 

[سوزي الشرقية]

اااااااااااااه لاتفقعي مرارتي ولاتذكريني بالذي مضىى...
كنت في بيت حماتي عشان ولدهامريض ولازم نروح يوميا نواسيها الله يعافية وصبرقلبهاوياي عمتي ام زوجي ولمن رحنا كانت هناك جدتهم جالسة وجلست ويانامدري شنو اي المهم تذكرت السالفة الاجدتهم تقول هذه مرت من.تقصدني اني قالوا اليها مرت فلان عمتي نطت نطه قوية الاهي تقول يارب تررررررررررررررررررررزقهم بولدولابنت ..سكت بلعت موس
وازيدش من الشعربيت حماتي لمن كانت ولدانه رحنا اليها المستشفى نتحمدليهابالسلامة وعمتي ويانا دخلنا الغرفة ليها وياي زوجي جى يبي يشيل الجاهل ماعرف بس اني اعرف اشيلهم عن تجربة في جهال خواتي خخ خ خ الاعمتي تقول الله يعطيك وتعرف تشيل جهال
رجعت ديك الليلة بصياحي ويسأل شنوفيش؟حقرته مارديت عليه تالي هومن نفسه عرف
الله يزقج بالحمل قريبا

 

[أم الشفيع]

وسعي صدرج أختي والله كل مايشتد ويكثر كلام الناس ربي يكبر حظج ويرزقج , الله كريم قادر يرزق وهو عليه هين

 

[أأأميرة الورد]

الله يرزقج

 

[الامورة 25]

بقولك شي دامك بهالدنيا منتي مرتااااااحه من كلام الناس مثال انا الله يسلمك تاخرت ماحملت جلست سنه و7شهور وكانو متزوجين معنا ناس وش كثر من اهل زوجي وكلهم الي ثلاث شهور وحملت والي شهرين وحملت ماشاءلله تبارك الله وانا على حالي وكلن يسالني ماحملتي ماحملتي خوات زوجي وامه وقريابه لدرجةانو الوحده لاكملت ام زوجي قبل ماتقول السلام عليكم تسال زوجة فلان ماحملت ؟؟؟ولو اقول اخ يارسي قالو يمكن حامل بطني يمكن حامل جنوووني ومع ذلك كنت اطنش يوم حملت ولله الحمد وجبت بنوتي الاولى وحملت بعدها وجبت بنوتي الثانيه طلعنا بموااااااال جديد الا هو الولد اذا احد جاه ولد قالو عقبال فلان الا هو زوجي ولا اذا زوجي بارك لاحد زملائه جاه ولد قالو عقباااااااالك محسسيني انو هالبنات موعيال ولا شي مو زين الله يرحمنا واذا شافو وحده كل عيالها اولاد قالو مسكينه فلانه وحيييييده ماعندها بنات وهكذا يعني منتي مرتاحه وخلي ببالك انو الحريم الكبار كذا لانهن فاضيات مساكين كلن مشغول عنهن يدورن شي يشغلهن الله يرحم حالهم