ام طلال الطار السعودي

[ناديا المطيري5]

السلام عليكم ورحمة الله وبركاتة


اشلووونكم بنات


بناات شرايكم في الطقاقة ام طلال ( الطار السعودي )

وجم صار سعرها ؟

وابي رقمها بليز
ياريت اي وحده حاجزتها ترسل لي عالخاص وين عرسهم ابي احضر لها واشوفها بليز

 

[صاروا صدى]

يوووووووووووه ام طلال الحببببببببببببببببببب
حبيبة قلبي هذي انا ورفيجاتي كل يوم نتصل على مدير اعمالها نسأله وينها ويقولنا ونستانس اذا كانت عندنا
مانطوف لها
والله احجزيها واعزميني
واذا تبين العرس ززززحمة حطي ع البطاقة اسم ام طلال الطار السعودي وشوفي الزحمه بعرسكم وربي حتى الكراسي تهتز من طقها يجنن
اسألي اي فلبينيه او مفتشة عن ام طلال وشوفي يقولون لج انهم هم بعد يرقصون على اغانيها

بنات الجهرا يموتون عليها وبنات العاشرة يروحون ببااصاات ام طلال مو شي هين لها جمهور قوي يحضرون للعرس حتى لو مايعرفون اهله بس يحضرون عشان ام طلال
انا تشيشت الحين عفيه بنات اي وحده حاجزه ام طلال خل تقولي

 

[صاروا صدى]

اتحدى اي وحده تروح لعرس فيه ام طلال وتلقى العرس مافيه زحمه وناس واقفه وناس قاعده عالارض

 

[سكارلت]

رفع رفع

 

[عروسة اكتوبر]

ام طلال غنية عن التعريف بالنسبة للسعر ماعندي فكره بس طقها رووووووووعة

 

[ناديا المطيري5]

مشكوين بنات
صاروا صدى انتي ذكرتيني برفيجتي جذي مثلج تقول بس انا نظامي ماحضر عروس عشان جذي مو شايفتها

انزين شرايكم بزمردة؟

 

[جوري الصالح]

زمــــــردة حــــــــــلو طقـــــــــــها66397296

غزيل الدوسري حلو طقها وتشجع 55855641

 

[ناديا المطيري5]

وحدة من البنات تقولي ان زمردة صايره مو شي
ايقاعاتها كلها تسجيل مو مباشرة , يعني طق الاغنية البدوية هو نفسه طق الاغنية الدوسريه ماعندها تنويع بالايقاعات
انا بصراحه ماحب الايقاعات المسجله ولا جان انجيب دي جي ونفتك

 

[ناديا المطيري5]

اب ناقشونا بنات شرايكم منو أحسن طقاقه

 

[я̤̈sτ̅є̲̐єǦ]

انا بصراحه توني حاضره عرس لام طلال ما عجبتني بالمره الايقاع اعلى من صوتها حيل والله من رابع اغنيه طلعت من العرس


عندج شهد تهبل تشيل العرس شيل

 

[الغلاااااا]

صايره تتأخر حيل والعرس كله مايجي ١٠ اغاني من كثر ماتقعد تسولف وتتضحك وتجي متأخره

غير الموسيقى صوتها يصك الراس اعلى من صوتها والسماعات مانرضى تحط شويه لازم ٦ سماعات او اكثر

غير السعر وصل فوق ال١٥٠٠ دينار


واكثر الزحمه من ربعها مو اهل العرس تجيب معاها عقد ويخربون العرس رقص وهز وانتي ماتعرفين اصلاً منو اهما


مادري العرس اللي اروحله فيه ام طلال ارد راسي مصدع وحتى رقص ماقدر ارقص الا رقصه وحده من كثر الزحمه والمدازز