ام لبنت داون عمرها شهر,,, لا تخلوني

[gakgak]

شلونكم انا بنتي داون وعمرها شعر بس
ما اعرف اي شئ
قالولي روحي مركز الوراثة
بعدين المجلس الأعلى للمعاقين
بعدين التدخل المبكر
وحبيت اسال هل الدوان لهم معاش وجم؟
اذا احد افيدني باي معلومة اكون شاكرة
ما قصروا البنات ساعدوني باشياء بس هم الواحد احب يستفيد
يا رب تساعدنا على الأمتحان الي حطيتنا فيه وان شاء الله عيالنا اكونون سبب في دخولنا الجنة امين يا رب​

 

[اللولو000]

حبيبتي اسم الله عليها انشالله

والله يحفضها ويخليها لكم انشالله

انا بنت اخوي داون عمرها 3 شهور ونص
فحاسه فيج والله

ومن الله رزقنا هالبنت وانا امووووت فيها

ورضعتها مع وليدي وصارت بنتي
وقمت احب

الاطفال الداون حبا فيها

لانهم مثل الملائكه والله
عطيها حبج وحنانج وانشالله راح تكون بلسم لجروحج


وبتكون بركة البيت


انشالله البنات مرمر وداون سيندروم يفيدونج بالشغلات اللي سألتي فيها


كلنا معاج وخوات لج وماراح تكونين بروحج

 

[الصابرة المحتسبة]

هلا اختي ويارب يحفظها ويسلمها لكم
مادام عندها شهادة اثبات اعاقة تستحق كافة الحقوق من راتب ودراسة وغيره.

 

[gakgak]

مشكورين وما قصرتوا
بس الحين بالبيت شلون اتعامل معاها
انا ساعات اسدحها على بطنها عشان تحاول ترفع راسها وتقوي عضلات الرقبة و اخليها تدز ريولها
بس فيه اشياء ثانية نقدر نستفيد منهم

 

[gakgak]

وينكم يا بنات هذي مو عوايدكم

 

[ام ناييف]

انا توني طالبه كتب من امازون عن الداون وكيفية التعامل معاهم
بس توصل راح اكتب المعلومات الحلوه اللي فيها علشان الكل يستفيد

انصحج تقرين وايد علشان تقدرين تتعاملين معاها
والاطباء المتابعين لها ما يقصرون اسألي عن اي شي تبينه صدورهم رحبه
ويستانسون لمل يشوفون احد مهتم
انا يوصوني يقولون طلعيها خليها تشوف الدنيا
والله معانا