انا اقول كل شي

[ftana]

السلام عليكم
بنات انا مادري شخصيتي جدا غريبه
والمشكله انقرص من وايد ناس وهمن ما اتوب
والله يابنات ما اعرف حاولت وايد بس ماكو فايده
انا كل ما اقعد مع زوجي اقوله كل شي حرفيا
لان اهوا مايتحجه فئنا اقرق واقر واتحجه واقول واقوله سوالف وقصص وكل شي
طبعا اهوا يخزن ويخزن
ويقظب علي ممسك
يعني مثلا قلت له وحدا بالدوام تكلم معنها متزوجه
عاد اقوله عقبها بجم يوم بطلع اتغدا مع رفيجاتي الي بالدوام يقولي لا اقوله ليش
يقولي بناتكم مو مظبوطين وثاني شي وصخين وانتي بنفسج قلتي
اقوله بس انا قلت لك عن حاله وحدا مو كلهم وثاني شي مو هاذي البنيا الي بطلع معهاها
يقولي لا وخلاص
عاد انا اهني اسكت بعد شسوي
بس لو من قبل ساكته جان ماصار هالشي وسيده قالي طلعي
وكذا موقف كذا موقف ولي يومكم هاذا احس الساني يتحجه بروحه
بدون ما افكر :jumpon: وعقب ما اقول السالفه اقول بقلبي لاااااااااااااااااااء انا شقلت


مو بس زوجي خلوني من زوجي
لمن اقعد مع خالتي وحمواتي
طبعا سوالف :gathering:
وانا اقول اشياء المفروظ ماتنقال
يعني غلط اقول
واهمه ماشالله عليهم ما اعرف عنهم ولا شي كله ماندري كلا ساكتين كلا مايعطون لا حق ولا باطل
يسئلوني من وين هالحمره اقول
ومن وين بدلتج واقول
وشنو عطرج واقول
وي رايحه اقول
شنو بتاخذين اقول
حتا الصالون وين بتروحين همن اقول وشبتسوين اقول
ولمن ارد من بيت اهلي اقعد معاهم لانهم حبوبين
واسولف واقول اشياء المفروظ ما يدرون عنها
اف
:cxxxp:
مادري اشفيني
معن لمن اسئل وحدا تقول عندي شغل وتطلع
حتى مايقولون المكان
وانا على ويهي كل شي كل شي حتى اول ما شلت منطقت البكيني ليزر قلت وبروحي بدون محد سئلني
الحمدالله والشكر

انا ادري قاعدا اخرب على نفسي وانا صايره كتاب مفتوح
والكل يعرف كل شي عني

معن المفرووض اكون غامضه
اشويه عالاقل وامسك الساني اشويه

حاولت ماكو فايده
بليز زفوني ونقدوني على نفسي اكثر خل احس
لوول

 

[أحـلآم . *]

رد : انا اقول كل شي

لالالالالالالا حبيبتي
سولفي سولفي بس داخل بينج وبين نفسج مو بصوت مسموع
موفقه

 

[ام شووووق]

رد : انا اقول كل شي

مممممممممممممممممممم

صعبه حالتج لانج انقرصتي وبعد ماتعلمتي

حاولي تشغلي نفسج وتفكيرج بأشياء تغنيج عن الكلام الكثير

 

[Gourges]

رد : انا اقول كل شي

ترى غللللللللللللللللللللط


كل شي ولا الريال لاتقوليله اي شي

اختاري السوالف الي ترفعج عنده وشيلي السوالف الي تنزلج بنظره ...

زيدي على بعض المواقف اعمال بطوليه منج وطلعي نفسج سنعه ,, وشيلي من السوالف الاشياء الي تحسين بيعاتبج او بينتقدج اوو بيمسكها عليج ...

لاتقولين اي شي غير حق اثنين خواتج وامج اهما سترج وغطاج ...

ماراح ينتقدونج ولا يمسكونها عليج ولا يعايرونج اما خالاتج .. و حمولتج وريلج لااااااااااااااااااااااااااااااء

وخصوصا ترى الريال مو بس ريلج كل الرياييل .. ياخذون الكلام بعين الاعتبار ... كل شي تقولينه .. ويسيفونه وساعات يحللونه من كيفهم ...


فا اي شي فيه شي يرفعج قوليه .. اي شي فيه شر او فيه شي غلط انتي مسويته او انتي محتكه فيه لا تقولينه ...

ولاتقوليله ويع قطيعه فلانه والله بغيت ازفها حتى لو بغيت لاتقولينها حتى لو ماسويتي شي بس كنتي تقولين افكارج .. ترى يمسكها ويقول انج شريه وراعية مشاكل ..


تووووووووووووووووووووووووووووبي وبطلي هلطبع الشين ...

انا عن نفسي ما اقول حق ريلي الا الي ابيه وابي اوصله غيره ما اقوله

 

[الأميرة جوري]

رد : انا اقول كل شي

اختى جذيه ماتخلي شيء وحتى عند الناس كله تسولف بريلها وحاو لت بس ماتقدر الله يهديكم اثنينكم

 

[قطوووة]

رد : انا اقول كل شي

الله يهداج هذي سوالف تقولينها حق ريال ؟ خلصت السوالف شنو

 

[سندبادة]

صج فتانه لوووووووووووووووووووول
لاتقولين كل شي حاولي تمسكين نفسج شوي
مو اي شي ينقال ديربالج

 

[*peace*]

رد : انا اقول كل شي

حالتج كسيفه لوووووووووووووووووووول

قبل لاتتكلمين ولا تقولين اي شي

فكري بشنو اللي بتقولينه

عاد ان شاء الله ينفع

 

[ام شووووق]

رد : انا اقول كل شي

ونصيحه ثانيه
عدي للعشرة قبل اي كلمه تقولينها

 

[مستقله]

رد : انا اقول كل شي

واااااي ياftana
كأنج تتكلمين عني


وانا كل مره أقول توبه ماراح أتكلم ومااااااااااكو فايده أرد على تفس الغلطه
هذا طبع فيني وماتتصورين إشكثر أطيح بواقف سخيفه سواء من ريلي او من اهلي او حتى بالدوام


يارب البنات يساعدونا


​

 

[sweet dashttya]

رد : انا اقول كل شي

اب اب

امبي انا نفسج بالضبط الله يستر لي تزوجت هذا وانا مو متزوجه وجذي

ان شاء الله تتغيرين وكلنا نتغير تدرين شلون احسن حل حق وضعج انا اشوف تسكتين واذا كلمج تردين على قد سؤاله

وفكري وايد قبل ما تتكلمين موفقه

 

[رحيق الورد]

الله يهداج و تبطلين هالعادة ..

ديري بالج اتسوولفين كل شيء ..

تدرين شنو المشكلة ..؟

إنج عارفة مشكلتج و ما سويتي شي ..

قضبي لسانج خليج ساكتة ..

تكلمي اشوي اشوي عشان اتفكرين ..

 

[جذابه بنت ذيابه]

رد : انا اقول كل شي

والله



والله



والله



نفسسسسسسسسسسسسسسسسسسسسسسسي :eh_s(2):


حتى خواتي يزفوني ولا في فايده


ياربي شلون اخش ما اقدر وانا من طبعي اجتماااعيه



:aha:

 

[~LiBrA~]

رد : انا اقول كل شي

الله يعينج

بس رايي من راي وحده من الخوات انج تسولفين بينج وبين نفسج

وهذا انا الي اسويه جني قاعده افضفض بس مو حق الناس حق نفسي وبجذي ماراح تتعبين

 

[برد ابو الذهب]

اب لعيونج ؟ وانا بعد نفس حالتج بالضبط

 

[لوازم العائلة]

انا اتكلم واقول كل شي
بس مو الشغلات الي يمسكها علي

 

[alhnan]

لا تصيرين كتاب مفتوح
سوالفي بقلبج مثل ما قالت الاخت

 

[نواظر]

هالطبع في اغلب الحريم >> وانا منهم لووووووووووول
مدري متى نتسنع السانا لازم يزل
-

 

[اشتياق]

وي عاد الريـال مو كل شي ينقاله!
قضبي لسانج يامره<<<تزفج
وحتى عند أهل زوجج يعني حاولي تتكلمين بالمهم والمعقول!
تحياتي ياحياتي

 

[محرومة من الحب]

رد : انا اقول كل شي

نفسي
هذي المشكلة مالها حل

غير انج تسكتين وعلى قد السؤال تردين