انا اكرف وحريم خواني حاطن رجل على رجل ( انا مااكرهم بس اكره طبعهم والله )

[بنت العجمان السنافية]

شلونكم حبيباتي

بدخل بالموضوع سيده

خواني بالعاده يحجزون مزرعه قطيه

يعني انا وخواتي واخواني

كل يوم على واحد

والجيل مقاسمه

مو هني المشكله

انا الحين عمري 35 سنه

وحريم خواني وحده عمرها 20 والثانيه 21 سنه

المهم ياخواتي

انا مااحب اروح للمزرعه لسبب واحد

الا اهو

اذا راحو

دام رياجيلهم دفعو

ماشوف رقعة وجيهم بالمطبخ

طبعا الخدمات يطبخون ماقلنا شي

بس من غير المعزبه يخورون الدنيا عدل كلامي

تلقوني انا الي واقفه بالمطبخ والخوات يتمشون ولا يتمكيجون ولا نايمات علبنا الخدمات الي يطبخون

ويشوفوني بالمطبخ

ووقت النجاب واحوووس وفارق السن الي بيني وبينهم

وناطرين الاكل كأني خدامتهم المعزبات

ياربي مااقدر اامر عليهم

واذا اهما مايعرفون السنع مو مكلوفه اعلمهم

ووحده منهم يوم قلتلها السنه الجايه دوريات طبعا شاملتنا كلنا انا وخواتي 3 واهما حريم خواني قالت اطلب بدوريتي مطعم شوراج ياختج ماتطبخين اكثر الكراف ع الخدم كلها يوم واذا طلبتي مطعم هم بتطلبين للعشا وللريوق !!

علما

ان المطبخ فيه خدامتي وخدامة امي وخدامة اخوي الكبير هذولا احنا مخصصينهم للمطبخ بس جزانا الله خير

وخدمهم مخلينهم حقهم عشان مايقولون كرفتو خدامتنا الخ الخ علما ان اخوي الكبير عنده خدامتين وحده حطها للمطبخ والثانيه لعياله ماقصر لاهو ولا مرته رايته بيضه

يعني اهما مجرد اشراف ع الطعم

ع النجب فقط لاغيييييييير

شرايكم خواتي :eh_s(1):

 

[نملة زقرتية]

حبيبتي كلمة تستحي منها بدها
يعني مافيها شي اذا ساعدوكم بنجاب او اشراف او حتى خلو خدمهم يساعدونكم
انتي لا تتهاوشين وياهم
بس بطريقة غير مباشرة وصلي اللي تبينه

 

[((بنت الصباح))]

اف اف اف ماحب طلعت البر والسبة هالسالفة الشغل كلة يطيح عليج والباقى يتنحش

والله امسكيهم وقوليلهم كل وحدة يوم وقوليلهم انا تعبت ما يصير جذى ما عليج بس توقفين مع الخدم وتسنعينم

الله يهديهم بعض الحريم ما عندها احساس بس تجى تاكل وتقوم ما تساعد احد

 

[يا قلبي أرتاح]

اللة يصبرج عليهم وقلمي اخوانج يكلمون حريمهم علشان يساعدونج وتسيرون يد وحدة

 

[بنت العجمان السنافية]

حبيبتي كلمة تستحي منها بدها
يعني مافيها شي اذا ساعدوكم بنجاب او اشراف او حتى خلو خدمهم يساعدونكم
انتي لا تتهاوشين وياهم
بس بطريقة غير مباشرة وصلي اللي تبينه

هلا حبيبتي والله مااقدر

اتكلم

وبالنسبه للخم محنا بحاجة خدمهم

وماابي الخدمات اساسا ينجبون تدري اللحم او الجاج وطريقة توزيعه مقاسمه بين الحريم والرياجيل والجهال والخدم

لازم باشراف المعزبه وانا مو ملزومه يوميا اوقف على كل وجبه بس اذا طلبو مساعدتي من عيوني البي النداء

بس مااحب احد يستغلني واصير مكرافه حقه

 

[بنت العجمان السنافية]

بنت الصباح اي هذا الي اقصده

شموله ماودي احرش والروحه للوناسه والسنعه تبين والسكوت يقهر

 

[dandana]

ايييييه دآيم تصيرلنا يوم نتجمع مع عمامي وعمآتي ..~
كل وحده خايفه على خدآمته وطآقينهآ سوآلف وآمي يآحليلها خدآمتينآ آثنينهم يخدمونهم آللي تجيب شآي وآللي قهوه وآللي تخم وسخ البزرآن بس الطبخ على الرجاجيل ..~ لوووول وفي آلنهآيه تطيح برآس آمي .!!! شلون ؟ الخدآمآت يصنقرون ويعلنون اضراب بالبيت وآحنآ نحتآس ..~

بجد شي محرج ان قلتي وش تقولين.؟ وان سكتي صعبببه .!!!

 

[اشتياق]

اخاف صج قولي حق اخوانج حركوا حريمكم شوي والكلام اللي كاتبته بموضوعج قوليه لاخوانج وقولي اذا متعودين ياخواني على رفالة الخدم شوفوا شنو راح تاكلون ومو حلوه اختكم وامكم بالمطبخ وحريمكم رجل على رجل مو حاله هذي ...والله قهر

 

[leza_q8]

السلام عليكم ورحمة الله وبركاته ...

انا من راي اختي دامهم ما حسوا على دمهم او افهموا مطنشين

يختي منتي ملزومه فيهم ومكلوفه

وقت الطباخ والنجاب سوي مثلهم وارتاحي او جم مره سوي رحج تعبانه او مصدعه او شي ولا تنجبين ولا تيين صوب المطبخ وشوفيهم شنو يسون

والي ما علموه اهلى يعلما الزمن والناس

 

[اروى77]

انا مكانك اسوي مثلهم ... ماادش المطبخ ولا اعتبه ... عادي عطي الخدم تعليماتك وانتي قاعده

 

[د.مشمش]

الله يعينك حبيبتي

 

[مزيونه الحربي]

امش موجوده

ربي يطولش بعمرها

الرياجيل مالهن شغل بهالكلام

يعني تدخلين اخوانش بشغل نشاب وغيره لا

الام هي الخاله موجوده تكون كلمتها عاليه والجنات ينفذن كلمة وحده تقو امش كل وحده يوم ولا ما اطلع المزرعه بعد

ونتهى الموضوع

والا سوي مثلهن شوفي شنو راح ينقص اذا انتي ما جابلتي

صدقيني الشغل بيكن مثل ما هو الخدم علميهن على سنعش يمشون صح

او تبين تمشين الموضوع بنع وتنظيم كلمة امش هي الي تمشي ط


حنا كذا بالبيت ما ندخل الرياجيل بشغل الحريم كلمة امي مسموعه ويخافن يقولن لها لا لانها تشكي لاخواني واخواني يطلعون عينهن :eh_s(6):​

 

[sad_angel]

حبيتي بعد شتسوين الله يعينج بس مو زينه تخربون العلاقات بسبه اكل وشغل تحملي

 

[بنت الثانوية]

ووحده منهم يوم قلتلها السنه الجايه دوريات طبعا شاملتنا كلنا انا وخواتي 3 واهما حريم خواني قالت اطلب بدوريتي مطعم شوراج ياختج ماتطبخين اكثر الكراف ع الخدم كلها يوم واذا طلبتي مطعم هم بتطلبين للعشا وللريوق !!

:eh_s(1):

خلاص عيل دامها تقول عادي سويها يومج طبخي فيه عادي

واليوم إلي عليها خالتطلب فيه من المطعم .. انتي شضارج وقعدي بيومها ولا تسوين ولا شي ولا حتى تشيلين حبة عيش مو انتي امطيحتها .. ومثلا اليوم تكون دوريتها بالطبخا خدمج مالهم شغل يكرفون خدمج لج انتي

اذا قالوا ليش والله خدمكم ما يعاونون بشي

وخلها آخرتها اليايل راح يسإلون وشسالفة المطعم كل يوم والثاني طالبين قولي مسوين كل يوم على وحده وخدامتهامو كل يوم علي وعلى خداماتي بس

وخلاص

 

[ريم @]

نتوا طالعين المزرعه للوناسه ولا للنجره وتحرش كل واحد على مررررررته

حبيبتى اذا ماشتغلو طيب منهم خلاص لايصير الشئ غصب ترى ان طاعج

اخوج وهاوشها السنه هذى وقالها اشتغلى ترى السنه الجايه راح يصف ويامرته

ويقول شنو لى بطلعت المزرعه والهواش وسوالف الحريم اللى ماتخلص

حبيبتى انتى وامج شيلى ايدج من الطباخ وخليكم اشراف فقط والخدم حتى لو يبربسون الاكل

اخرها حق حريم اخوانج واخوانج اللى ماقدرو يحكمون حريمهم

اذا الشئ ماجاء من اخوج تلقائيا موحلوه تكون منج او من امج تحرشون الرجال على مرته


حبيبتى اقصرى الشر ولاتركبين راسج ولاتكلمين احد من اخوانج هذا انتى لما جستى النبض

شنو رت عليج مرت اخوج قالت السنه الجايه اجيب من مطغم@@ !!

حبيبتى انتى فاهمه ومرت اخوج فاهمه وخليها على الله

اذا تبين تسوين الشئ سويه بطيب خاطر او خليه للخدم يسوونه

 

[ريم @]

خلاص عيل دامها تقول عادي سويها يومج طبخي فيه عادي

واليوم إلي عليها خالتطلب فيه من المطعم .. انتي شضارج وقعدي بيومها ولا تسوين ولا شي ولا حتى تشيلين حبة عيش مو انتي امطيحتها .. ومثلا اليوم تكون دوريتها بالطبخا خدمج مالهم شغل يكرفون خدمج لج انتي

اذا قالوا ليش والله خدمكم ما يعاونون بشي

وخلها آخرتها اليايل راح يسإلون وشسالفة المطعم كل يوم والثاني طالبين قولي مسوين كل يوم على وحده وخدامتهامو كل يوم علي وعلى خداماتي بس

وخلاص

عليييييييييج نور وكلامج صحيح

 

[ريم @]

حبيبتى سنافيه خلوها زام وكل واحد يشيل زامه ولى كان زامهم انتو شيلوووووووووووووووووووووووووو ايدكم من كل شئ

وكيفهم يبون يجيبون من مطعم ولا غيره مزاااااااااااااجهم هم حرين

 

[غير كل الناس]

حبيبه قلبي انتي قلتيها عمرش 35 وهم 20 شفت شلون الاجيال تختلف جيلنا غير وجيلهم غير ماتعتمدين عليهم بشي وحتي لو دشو لا ترجين شي يبيض الوجه حتي لو كان مجرد اشراف

سو خير وقطه بحر

 

[*فاصوليا*]

ما ادري حبيبتي
عذريهم

يمكن ما يعرفون طريقتكم بالنجاب
وتوزيعكم حق اللحم والدياي

انا بيت اهلي واشوف امي كلش يوم توزع الاكل ولحد الحين ما اعرف

او يمكن مستحيين او منحرجين


والا قولي حق وحدة منهم الي تشوفيها زينة او احسن من الثانيه
قولي لها شرايج تيين وياي المطبخ وتشوفين طريقتنا بالنجاب عشان تتعلمين

 

[Ibtisama]

واااي لو انا وياكم بسوي مثلهم

يا اختي الطلعه للبر او المزرعه للوناسه مو للطباخ و النفخ ولا اقعد ابيتي احسن لي ..انزين انتي بعد طالعه تستانسين و عندكم خدم بالمطبخ بعد ليش اتعبين عمرج و تدشين المطبخ .. مثل ما قالوا البنات بس وجهي الخدامات شنو يقدمون و شنو يطبخون وامشي و تونسي مثلهم وعيشي حياتج يا وخيتي