- إنضم
- 21 مايو 2010
- المشاركات
- 172
- مستوى التفاعل
- 0
- النقاط
- 0
م
مو كثير اللي لأيامي .. جنيت
مو قليل اللي من اْوهامي خسرت
ياما قلت انّي من الدنيا قويت
والحقيقه: ما على القوّه قدرت !
قد خذيت أشياء لكن ما بغيت
لا رضيت ولا بعد حتى شكرت
فـ المقابل ما كسبت إلاّ لقيت
شيّ يخنق فرحة اللي به ظفرت
كلّ دربٍ تايهٍ به قد خطيت
لين مثله صرْت لكن ما شعرت
تايهه .. مدْري وش اللي له سريت
صامته .. ما لمْت حدّ ولا عذرت !
ياااه .. كم قلبٍ انا عنّه مشيت
مـ انجبرت أرحل! وربي مـ انجبرت
بس أحس إني إلى البُعد اهتديت
مو تكبّر! بس أنا: ( يمكن .. كبرت )
السلام عليكم
بنات موضوعي هذا بغيت احطه بالاستشارات النفسيه ..او بلقسم الاسلامي
بس قلت انا هالموضوع صفه فيني او طبع فيني ماقدر اغيره .. بس اهم شي اعرف راي الدين واخلاق الصحابه رضوان الله عليهم
والنبي عليه الصلات والسلام وامهات المؤمنين
بنات انا فيني طبع ابدااااااا موزين .. ومااتعمده بس سبحان الله جذي
دايما بالقسم شفتوا الجانب المظلوم يشتكي..بس انا الجانب الظالم .. ولا ابي اكون جذي
وانا خايفه ربي يعاقبني لان هالشي انا ماارضاه لنفسي ولاارضاه على حبايبي بس مادري ليش الطبع هذا فيني ابي حل والله
بنات انا طبعي احب الناس وايد .. مو اجتماعيه بس علاقاتي حلوة وعندي عدد لاباس فيه من الصداقات
والاهل المقربين
بس للاسف احس اني قاعده اخسرهم مع انهم يحبوني وايد ومتمسكين فيني وفيهم الخير يحاولون وايد معاي انهم يستمرون بتواصلهم معاي بس انا نوعي قاطعه وملوله حيييييييييييل
بس القطاعه وربي ماتعمدها .. اكون مشتاقتلهم موت بس انشغل ومشاغل الدنيا كثيره وعلاقاتي ماشالله احس انها واجب علي اذا بسئل عن وحده لازم اسئل عن الثانيه والثالثه وكذلك ..اكتفي بالمسجات مع ان احنا نقعد مع بعض بالساعات او نتكلم بالساعات
والله شي يحز بالنفس
لي دقوا ماارد عالتلفون ..مالي خلق ..احس الرده عالتلفون يبيلها مزاج مادري ليش ماارد !!
ومااحب اتكلم بالتلفون ابدااااااا والله جد طبع فيني اكره التلفون اللي يبيني يزورني او ازوره ..
ولما اشوف مس كول اتجاهل لما اشوف مسج ماحب ارد بنفس الحزه اقول بنفسي بعدين ارد .. في مسجات اهم او عندي شغل اهم وهالانسانه ميانه تتحملني ..
^^
هذاك اول ..الحين صرت اقول هالانسانه اذتني ..وبالصج انا اللي منحرجه من نفسي وعلاقتي معاها مابي ارد مابيها تتفضل علي ..مادري شفسر شعوري ولا عارف اي سبب يخليني احقر
1
يعني عندي وحده من رفيجاتي اموت عليها وانا حيييييييل معاها كنت اقولها هالكلام واشتكيلها من نفسي واني جذي وابي اغير طبعي .. وقامت تنصحني ان سئلي واذا طرا ع بالج احد قومي ع طول دقي
حاولت انفذ وصيتها بس اوكي تطري ع بالي بس انا مو فاضيه او مريضه او قالبه نومي وبالليل مستحيل اتكلم بالتلفون
ااو العذر الدايم..ماعندي رصيد
البنت واااااااااااايد وقفت معاي واحنا جد كننا خوات .. وليلحين بس صرت بالشهر مره اكلمها او بالشهرين مره
2
رفيجتي من الثنوي بس حدتني الظروف عليها .. شخصيتها غييييييييير عني
بس اهي اطيب مني بوااااااااااايد وحبوبه وعسل وحبيتها من قلب ..بعد ماتخرجنا من الثنوي كنا ماننام الا نكلم بعض نخاف نفترق
وتفرقنا ..بحكم الدراسه
فبدايه دراستنا كانت تسويلي مشاكل مع رفيجاتي لانها تغار علي وماتبيني اروحلهم اشكرا تطردهم
بس مازعلت منها حاولت اراضيها بس بينتلها اني متضايقه وصرت احقرها
شفتها تزعجني ..ووتسببلي احراجات حسيت عقلها صغير وصرت دايما اتهرب منها
قبل ايام الثنوي كان بيننا اشياء مشتركة .. بس الحين خلاص مافي شي اشاركها وتشاركني فيه احنا غيرعن بعض بكل شي باللبس بالذوق بالمذهب بالتفكير بالحياة بالخطط المستقبليه
اهي لي اليوم تدق وتواصل وتسئل وتزور .. وانا ولا شي من هذا سويته
كله اقول بعدين وانساها..ياربي قمت افكر انا ليش جذيي ؟ اهي ماتستاهل ؟ ليش انساها؟
3
خالتي ..
هذي اكبر مني ب5 سنين كنا اكثر من خوات قبل لا تتزوج
تزوجت وخلتني بروحي وكبرت وتخرجت من الثنوي والحين بالجامعه ..
نفس الشي ..قبل ادورها والحقها من مكان لي مكان اتشفق على طاريها ...واهي ظروفها ماتسمح اني اشوفها دايم
لاهيه فبيتها وزوجها وعيالها ..لحد ماخلااااص وصلت فيني تعودت على فراقها وعشت حياتي ..احبها واموت فيها بعد وكله طاريها ع لساني بس نوعي ماادق مثل ماقلتلكم بس كله ازورها ..
السنة الاخيره ..اهي زادت عاطفتها صوبي او بدت تفطن اني كبرت وجنه راح اروح عنها ..
ولان ملجت تدق علي تبجي تقول انتي بتسوين فيني نفس ماسويت فيج بالملجه اخليج واروح مع ريلي صح ؟ تبين تردينها لي صح ؟ اقعد اضحك اقولها من صجج ؟!! اولا كنت ياهل ثاني شي انا موشايله عليج انا احبج وانتي اختي .. تقول ليش ماتدقين علي ليش ماتستشيريني ليش ماتطلبين مني اعلمج واعلمج وافهمج ..قلتلها انتي اول وحده بلغتها بلمجتي ومن ناحيه تعلميني انا كبيره الحمدالله وعندي ذوق باللبس والهدوم وسوالف الحريم وغيره انا ما احب اسئل فيها وبعدين استحي والنت عموما ما خلا شي كل شي قاعد نتعلم منه ..
زعلت .. وكل مرررة تفتح الموضوع ..سمت بنتها علي البنت الحين عمرها سنة ونص
ومن سنة ونص لي الحين كل ماتشوفني تقول لي تدرين ليش سميتها عليج..لان اشتاقلج وابي احسج قريبه مني واناديج
وانا صح حبيت ريلي بس ماحبيته كثر ماحبيتج انتي انتي غير
تذكرين يوم ذاك اليوم دقيت ومارديتي..والا تدرين لانج من ملجتي ماسئلتيني عن ولا شي انا انجرحت .. (انا المشكله معطيه امي خبر قتلها يمه ابي هدومي وجم شغله اجهزها مع خالتي ..بس امي هم تعصب لان تبي تخلص شغلي بسرعه ماتبي تنطر فلانه وفلانه تروح معانا)
قلتلها حبيييييبتي والله مو متعمده وشرحتلها وضعي ..بس هالموضوع كل ماتشوفني تفتحه ..لحد ماخلاص احس اني مضغوطه من صوبها واااايد
تصدقون على هالكلام لو وحده غيري تحب الارض اللي تمشي عليها خالتها هذي صح ؟
انا شصار فيني .. ابتعدت صرت اتحاشاها .. ولا احب اسولف معاها
واللللللللله موبيدي قاعده ادور اعذار لنفسي مولاقيه بس جذي بيني وبين نفسي ماصرت احبها نفس قبل
4
اخر الاشياء ..
اتعرف على وحده بالنت ترتاحلي تفتح قلبها وافتح قلبي ..انا قصدي مثلا سوالف بس ..لكن اهي تتعمق مثلا وتبيني اكون صديقتها القريبه وجذي وانا بنفس الوقت احبها وابي اكون لها اللي تبي ..بس من باجر تصبح او ماتقعد وعسا ماقلت السلام تهل السوالف وتعطيني من هالدعااوي الحلوة البنت نفسها حلوة
وتحتك فيني حيل وماتببي تهدني انا اعطيها جوها وارتاحلها بس خلاص اسبوع ازهق .. احس اني مخنوقه .. واطفش واحقرها
هذي نماين للناس اللي عرفتهم .. انا فيني عيب وخلل بس مادري شنو اهو لا شنو نوعه ولاادري شلون اعالجه
بس انتوا لومكاني تطفشون نفسي والا لأ؟
عموما انا احس ان نوعي اللي ينطبق عليهم المثل طقيهم بالطوف يلحقونج حبيهم ينحاشون
اذكر دكتوره اجنبيه نصحتنا بشي واحس صرت اطبعه مع اني كنت اناقشها وموعاجبني طبعها بس كان قيني بدايه هالطبع
كانت تقول اللي تنتهي الروابط المشتركه معاها خلاص خليها على عيني وراسي رفيجتي واحبها بس ماله داعي اتمسك فيها امشي حياتي واشوف
عمري
بس كانت من وجهه نظري صداقه مصلحه ..
هل انا مصلحجيه او انانيه ؟.. احبهممممممممممم وقاعده احاول اقرب منهم بس مادريي ليش اروووووووح عنهم
ابي وحده تشخص حالتي النفسيه وتعطيني نصايح بالدين .. انا والله طيبه ولا مغروره ولا شي وحتى اهم يدرون اني موجذي
بس نوعي فيني اهمال للعلاقات
ابي نصايح واللي يعافيكم ابي اكون انــــــــسانه
مو كثير اللي لأيامي .. جنيت
مو قليل اللي من اْوهامي خسرت
ياما قلت انّي من الدنيا قويت
والحقيقه: ما على القوّه قدرت !
قد خذيت أشياء لكن ما بغيت
لا رضيت ولا بعد حتى شكرت
فـ المقابل ما كسبت إلاّ لقيت
شيّ يخنق فرحة اللي به ظفرت
كلّ دربٍ تايهٍ به قد خطيت
لين مثله صرْت لكن ما شعرت
تايهه .. مدْري وش اللي له سريت
صامته .. ما لمْت حدّ ولا عذرت !
ياااه .. كم قلبٍ انا عنّه مشيت
مـ انجبرت أرحل! وربي مـ انجبرت
بس أحس إني إلى البُعد اهتديت
مو تكبّر! بس أنا: ( يمكن .. كبرت )
السلام عليكم
بنات موضوعي هذا بغيت احطه بالاستشارات النفسيه ..او بلقسم الاسلامي
بس قلت انا هالموضوع صفه فيني او طبع فيني ماقدر اغيره .. بس اهم شي اعرف راي الدين واخلاق الصحابه رضوان الله عليهم
والنبي عليه الصلات والسلام وامهات المؤمنين
بنات انا فيني طبع ابدااااااا موزين .. ومااتعمده بس سبحان الله جذي
دايما بالقسم شفتوا الجانب المظلوم يشتكي..بس انا الجانب الظالم .. ولا ابي اكون جذي
وانا خايفه ربي يعاقبني لان هالشي انا ماارضاه لنفسي ولاارضاه على حبايبي بس مادري ليش الطبع هذا فيني ابي حل والله
بنات انا طبعي احب الناس وايد .. مو اجتماعيه بس علاقاتي حلوة وعندي عدد لاباس فيه من الصداقات
والاهل المقربين
بس للاسف احس اني قاعده اخسرهم مع انهم يحبوني وايد ومتمسكين فيني وفيهم الخير يحاولون وايد معاي انهم يستمرون بتواصلهم معاي بس انا نوعي قاطعه وملوله حيييييييييييل
بس القطاعه وربي ماتعمدها .. اكون مشتاقتلهم موت بس انشغل ومشاغل الدنيا كثيره وعلاقاتي ماشالله احس انها واجب علي اذا بسئل عن وحده لازم اسئل عن الثانيه والثالثه وكذلك ..اكتفي بالمسجات مع ان احنا نقعد مع بعض بالساعات او نتكلم بالساعات
والله شي يحز بالنفس لي دقوا ماارد عالتلفون ..مالي خلق ..احس الرده عالتلفون يبيلها مزاج مادري ليش ماارد !!
ومااحب اتكلم بالتلفون ابدااااااا والله جد طبع فيني اكره التلفون اللي يبيني يزورني او ازوره ..
ولما اشوف مس كول اتجاهل لما اشوف مسج ماحب ارد بنفس الحزه اقول بنفسي بعدين ارد .. في مسجات اهم او عندي شغل اهم وهالانسانه ميانه تتحملني ..
^^
هذاك اول ..الحين صرت اقول هالانسانه اذتني ..وبالصج انا اللي منحرجه من نفسي وعلاقتي معاها مابي ارد مابيها تتفضل علي ..مادري شفسر شعوري ولا عارف اي سبب يخليني احقر
1
يعني عندي وحده من رفيجاتي اموت عليها وانا حيييييييل معاها كنت اقولها هالكلام واشتكيلها من نفسي واني جذي وابي اغير طبعي .. وقامت تنصحني ان سئلي واذا طرا ع بالج احد قومي ع طول دقي
حاولت انفذ وصيتها بس اوكي تطري ع بالي بس انا مو فاضيه او مريضه او قالبه نومي وبالليل مستحيل اتكلم بالتلفون
ااو العذر الدايم..ماعندي رصيد
البنت واااااااااااايد وقفت معاي واحنا جد كننا خوات .. وليلحين بس صرت بالشهر مره اكلمها او بالشهرين مره
2
رفيجتي من الثنوي بس حدتني الظروف عليها .. شخصيتها غييييييييير عني
بس اهي اطيب مني بوااااااااااايد وحبوبه وعسل وحبيتها من قلب ..بعد ماتخرجنا من الثنوي كنا ماننام الا نكلم بعض نخاف نفترق
وتفرقنا ..بحكم الدراسه
فبدايه دراستنا كانت تسويلي مشاكل مع رفيجاتي لانها تغار علي وماتبيني اروحلهم اشكرا تطردهم
بس مازعلت منها حاولت اراضيها بس بينتلها اني متضايقه وصرت احقرها
شفتها تزعجني ..ووتسببلي احراجات حسيت عقلها صغير وصرت دايما اتهرب منها
قبل ايام الثنوي كان بيننا اشياء مشتركة .. بس الحين خلاص مافي شي اشاركها وتشاركني فيه احنا غيرعن بعض بكل شي باللبس بالذوق بالمذهب بالتفكير بالحياة بالخطط المستقبليه
اهي لي اليوم تدق وتواصل وتسئل وتزور .. وانا ولا شي من هذا سويته
كله اقول بعدين وانساها..ياربي قمت افكر انا ليش جذيي ؟ اهي ماتستاهل ؟ ليش انساها؟
3
خالتي ..
هذي اكبر مني ب5 سنين كنا اكثر من خوات قبل لا تتزوج
تزوجت وخلتني بروحي وكبرت وتخرجت من الثنوي والحين بالجامعه ..
نفس الشي ..قبل ادورها والحقها من مكان لي مكان اتشفق على طاريها ...واهي ظروفها ماتسمح اني اشوفها دايم
لاهيه فبيتها وزوجها وعيالها ..لحد ماخلااااص وصلت فيني تعودت على فراقها وعشت حياتي ..احبها واموت فيها بعد وكله طاريها ع لساني بس نوعي ماادق مثل ماقلتلكم بس كله ازورها ..
السنة الاخيره ..اهي زادت عاطفتها صوبي او بدت تفطن اني كبرت وجنه راح اروح عنها ..
ولان ملجت تدق علي تبجي تقول انتي بتسوين فيني نفس ماسويت فيج بالملجه اخليج واروح مع ريلي صح ؟ تبين تردينها لي صح ؟ اقعد اضحك اقولها من صجج ؟!! اولا كنت ياهل ثاني شي انا موشايله عليج انا احبج وانتي اختي .. تقول ليش ماتدقين علي ليش ماتستشيريني ليش ماتطلبين مني اعلمج واعلمج وافهمج ..قلتلها انتي اول وحده بلغتها بلمجتي ومن ناحيه تعلميني انا كبيره الحمدالله وعندي ذوق باللبس والهدوم وسوالف الحريم وغيره انا ما احب اسئل فيها وبعدين استحي والنت عموما ما خلا شي كل شي قاعد نتعلم منه ..
زعلت .. وكل مرررة تفتح الموضوع ..سمت بنتها علي البنت الحين عمرها سنة ونص
ومن سنة ونص لي الحين كل ماتشوفني تقول لي تدرين ليش سميتها عليج..لان اشتاقلج وابي احسج قريبه مني واناديج
وانا صح حبيت ريلي بس ماحبيته كثر ماحبيتج انتي انتي غير
تذكرين يوم ذاك اليوم دقيت ومارديتي..والا تدرين لانج من ملجتي ماسئلتيني عن ولا شي انا انجرحت .. (انا المشكله معطيه امي خبر قتلها يمه ابي هدومي وجم شغله اجهزها مع خالتي ..بس امي هم تعصب لان تبي تخلص شغلي بسرعه ماتبي تنطر فلانه وفلانه تروح معانا)
قلتلها حبيييييبتي والله مو متعمده وشرحتلها وضعي ..بس هالموضوع كل ماتشوفني تفتحه ..لحد ماخلاص احس اني مضغوطه من صوبها واااايد
تصدقون على هالكلام لو وحده غيري تحب الارض اللي تمشي عليها خالتها هذي صح ؟
انا شصار فيني .. ابتعدت صرت اتحاشاها .. ولا احب اسولف معاها
واللللللللله موبيدي قاعده ادور اعذار لنفسي مولاقيه بس جذي بيني وبين نفسي ماصرت احبها نفس قبل
4
اخر الاشياء ..
اتعرف على وحده بالنت ترتاحلي تفتح قلبها وافتح قلبي ..انا قصدي مثلا سوالف بس ..لكن اهي تتعمق مثلا وتبيني اكون صديقتها القريبه وجذي وانا بنفس الوقت احبها وابي اكون لها اللي تبي ..بس من باجر تصبح او ماتقعد وعسا ماقلت السلام تهل السوالف وتعطيني من هالدعااوي الحلوة البنت نفسها حلوة
وتحتك فيني حيل وماتببي تهدني انا اعطيها جوها وارتاحلها بس خلاص اسبوع ازهق .. احس اني مخنوقه .. واطفش واحقرها
هذي نماين للناس اللي عرفتهم .. انا فيني عيب وخلل بس مادري شنو اهو لا شنو نوعه ولاادري شلون اعالجه
بس انتوا لومكاني تطفشون نفسي والا لأ؟
عموما انا احس ان نوعي اللي ينطبق عليهم المثل طقيهم بالطوف يلحقونج حبيهم ينحاشون
اذكر دكتوره اجنبيه نصحتنا بشي واحس صرت اطبعه مع اني كنت اناقشها وموعاجبني طبعها بس كان قيني بدايه هالطبع
كانت تقول اللي تنتهي الروابط المشتركه معاها خلاص خليها على عيني وراسي رفيجتي واحبها بس ماله داعي اتمسك فيها امشي حياتي واشوف
عمري
بس كانت من وجهه نظري صداقه مصلحه ..
هل انا مصلحجيه او انانيه ؟.. احبهممممممممممم وقاعده احاول اقرب منهم بس مادريي ليش اروووووووح عنهم
ابي وحده تشخص حالتي النفسيه وتعطيني نصايح بالدين .. انا والله طيبه ولا مغروره ولا شي وحتى اهم يدرون اني موجذي
بس نوعي فيني اهمال للعلاقات
ابي نصايح واللي يعافيكم ابي اكون انــــــــسانه
