انا الوحده الي سمعت بهالسالفه ولا انتو بعد

[وحشتني عيونك]

صباح الخير

مساء الخيرات

بنات ابي اسالكم بالله انا الوحيده الي قاعده اسمع هالاشياء

ولا انتو بعد ما دري احس هالعاده انتشرت باخر فتره

قبل فتره قالي زوجي فلانه : اخذي اغراض تكفيج يومين عشان تقعدين عن اهلج

سالته: ليش عسى ما شر
قالي: احس بضيقه وابي ارتاح شوي
قالت: طبعا انصدمت وصار وجهي جذي :eh_s(12): قالت اوكي بس بعرف شنو سبب الضيقه
قالي: مادري نفس
ورحت وردني ثاني يوم

وامس دقت على اختي تقول انا متضايقه من بيتي والعيال والمسوليه
بروح بيت اهلي اريح اعصابي شوي احس اني بشق اهدومي من الضيقه

ومره دقت على بيت خالتي اسلم عليها ولا ترد على بنت خالتي قلت
هلا والله فلانه شلونج قالت بخير قلت شفي صوتج قالت بيني وبينج متضايقه
قلت افا ليش قالت زوجي قالي روحي لاهلج لي ارتاح واردج

بنات شسالفه ابي اعرف شالفت الضيقه الي خامه كل الاوادم
وليش الزوج او الزوجه اذا تضايقة او تضايق يروح كل واحد بصوب
يعني انا اذا تضايقت اطلع من بيتي واذا زوجي تضايق قالي يلااااا روحي

انا الوحده الي سمعت بهالسالفه ولا انتو بعد ​

 

[مناير ...!]

الواحد يحتاج مسافه وسببيس من وقت للثاني
بالعكس تشوقهم لبعضهم

 

[شادن33]

شهالخرابيط
شنو روحي بيت اهلج فيني ضيجه
لا مااروح واااااي لزقه
بس غريبه لاماسمعت

 

["وسم"]

صارت لي ،،،، وانقهرت

بس عديته الموقف عاااادي ولما سالته لييييش
قالي جذي ابي احس بالوحدة شوي

الاخ يبي يرجع العزوبية

 

[سويت فانيلا]

حبوبه بعض المرات الواحد من كثر ماينظغط من الثاني يبي يرتاح منه عشان يراجع حسباته ويفكر ولاياخذ قرررات غلط ويحاول يصلح من نفسه وهم يشتاقون لبعض ويتافهمون ويفهمون بعض

 

[iLLuMinaTion]

الله كريم

 

[قطوووة]

كل شخصين لهم ظروفهم والبيوت اسرار

احيان الواحد يبي وقت يقعد بروحه

واحيان في ناس تبي تلعب

 

[ديانا سبنسر]

تبين الصراحة الواحد يبيلهفترة يبتعد عن شريكه علشان يشتاق

اكتب خطابي هذا وانا بيت اهلي لانه بالدوام مستلم

 

[أم حورية]

كل الازواج يمرون بحالة من الملل ووده يقعد بروحه وهذي تصير مع اغلب الرياييل وبعضهم ودهم يطلعون ويغيرون جو مع الربع او الاهل او الصديقات بعيد عن بعض عشان يجددون حياتهم وهذا طبيعي
عشان جذي الريال ساعات يقعد بالدار بروحه بعيد عن اليهال والزوجة

بس المو الطبيعي ان ينام واحد منهم برا البيت والحل اذا طلب الزوج هالشي من الزوجة خل تفهمه ان تقعد من الصبح لي الليل ابيت اهلها وترد بالليل وقت النوم لان ما تقدر تنام غير بفراشها وما ترتاح الا بدارها لان مع الوقت الريال راح يتعود ع هالشي

وهم ارفض الزوجة تنام بيت اهلها لان راح تعوده ع شي اهو مو اباله *

 

[البرنسيسة غلا]

*




من كثر الضغوط اللي عليه يروح يطلب هالطلب
> أكتب هذا الرد و أنا عند أهلي لـ نفس السبب اللي خلاج تكتبين هذا الموضوع


اللهم يسر و لآ تعسر لي أموري
دعواتكم




*​

 

[لوفيه]

هههههههههههاي

اكتب هذا الرد لنفس السبب

وااااي الله يعين

 

[Tom ♥ Jerry]

.


:eh_s(1):


ما اتتخيل ريلي يقولها لي لوول !
يعني الريال يطلع شوي يغير جو أوكي
اذا كان متضايق بس مو يقول حق مرته اخذي اغراضج وروحي
لانه الحياه ضغوطات اصلا و بـ جذي راح يتعلم
كل ما ضاقت فيه راح يقولج هالكلمه
و باجر وراكم يهال !! مو حلو الريال يتعلم على هالشي :eh_s(22):

 

[αмάι]

تصير ليش لا

بس لاحسن انك انتي تبعدين عنه يوم يومين تحسسينه باهميتك بالبيت لا حد ينتظر لمن يقول روحي احس بضيقه وابي اجلس لحالي

روحي بيت اهلك بضيقه وغير ضيقه

انا لو اهلي عندي كان كل شهر مطيحه عندهم يوم يومين
بس الايام جايه ان شالله

 

[كويتيه مذهله 87]

لا غلط

متضايق
يطلع
يسافر

بس مو يقول للزوجه

اشكرا هي الي مسببتلع ازعاج لووول

 

[فاقده ابوهاااا]

تبون الصراحه انا حايشتني حاله ضيجه وودي اهد البيت واليهال وانحاش من ولدت وصايره فيني هالحاله والكل حايشته ضيجه ما ادري في شي قاطينه بالديره امخلي الكويتيين اغلبهم حالتهم النفسيه داون

 

[Killer^Girl]

اول مرة اسمع هالحجي
واستغربت ان معظم البنات كاتبين خطابهم لنفس السبب

 

[ضايعة بدنيتي]

للحين ما تزوجت بس لو تصير معاي ويقول لي روحي بيت اهلج يومين اقول له انا مرتاحة ببيتي ونفسيتي تمام انت الي اخذ لك اغراض يكفونك كم يومروح بيت اهلك ولين ارتحت ارجع بيتك !! اي والله روحي بيت اهلج !!!

ان هذا آخر زمن !

 

[نونو العصله]

هههههههههههههههههههههههههههههههههههههههههه
مدري شقول غريبه فعلا
بس يمكن عشان ما يحط الحره فيج
بس اذا كنتو في غربه
وين ترحين

ما حبيتها
بيتعود
ما تدرين يمكن كل يوم فيه ضيقه
لا تطللعين من بيتج
مو عاجبه يطلع هو
قعدي على قلبه
لا يتعود

 

[ام الحلوااات]

عــــــااادي تــــصــــيـــــر اوقـــــااات

 

[نونو العصله]

لو اتضايق انا واقوله روح بيت اهلك
تهقون يروح

اروح زياره و على مزاجي
مو عشانه قالي