انا بأ لمانيا مع زوجي للعلاج

[شقى الصمت]

السلام عليكم ورحمة الله وبركاته شلونكم بنات ان شاءالله انكم بخير انا اول مره اشارك وياكم بس متعذبه حيل بهاالغربه مااعرف اتكلم وياهم بس اكلمهم باالاشارات ويضحكون علي ودي ارد لديرتي بأ قرب وقت بس مستحيل اخلي زوجي لانه تعبان حيل وانا مالي بهاالدنيا من بعدالله الااهووالمانيا غاليه حيل لدرجه اني انام عنده بالمستشفى انا وبنتي وحيل وصخييين مافيه نظافه ولايعه جبدي مادري شسوي وتعبانه نفسيتي وللعلم ان عمتي الله يرحمها متوفيه رابع ايام رمضان كله افكرفيه وابجي والله تعبت الحقت ابوي وخلتنا الله يجمعهم في جنات الخلد والمسلمين عامه وسامحوني طولت عليكم بالكلام والسلام مسك الختام والله احب ديرتي يارب مااموت الابديرتي تحياتي للجميع

 

[Om_il3ubed]

الله يهون عليج غربتي ويردج انتي وريلج وبنيتج سالمين غانمين ان شاءالله... ميخالف عشان عين تكرم الف عين حاولي تكثرين من القران وغيري جو لا تقعدين مكانج يعني طلعي تمشي روحي وردي عشان يتغير عليج المكان شوي لا يضيق خلقج

واحنا كلننا هني نسولف معاج لا تحاتين

 

[الصابرة المحتسبة]

بأي منطقة؟؟

ومسافرين على حسابكم؟؟

واللغة اإنجليزية تعينج هناك بس مو كلهم يحبون يتكلمون انجليزي

 

[غلاتي ♥ الكويت]

يااااا بعد عمري
حاسة فيييج
صارت فيني
وتمنييييت باقرب وقت ارد لديرتي
والحمدالله رديت
ومردة الانسان برد لديرته
وانشالله ريلج يقوم بالسلامة وتردون لنا سااالمين ياااااااارب
ولا يضيق خلقج حبيبتي
احنا معاج
سولفي قوولي كل اللي بخاطرج
احنا خواتج الكويتيات نسمعج افا عليج

 

[namarq]

ياعمري ذكري الله ولاتيأسين من رحمته وعسى الله يشافي زوجج ويقومه بالسلامة وترجعون الديرة وتنور فيكم
بصراحة صج رحلة العلاج عذاب جربتها الله لايعود الشر ..
اقري الأذكار والمعوذات ودايماً خلي معاج مصحف واقري منه أعرفهم هالشعب منفرين وعلى قولتج وصخين مالنا فيهم يامعودة الواحد لوما العازة مايروح لهم بس الله المستعان وطولي بالج وصبري الصبر مفتاح الفرج واذا يمج مكتبة حاولي تاخذين كتب وتقرين راح يروح الوقت
وعساكم تردون سالمين غانمين ياقلبي ..

 

[* بنت المطر *]

الله يخليلج زوجج ويقومه بالسلامه لج ولبنيتج _ والله يرحم ابوج وعمتج هذا يومهم والموت حق يااختي العزيزه ..

انتي بس هونيها واهي تهون انظري للامور من منظور التفائل وشوفي الجوانب الحلوه بالمانيا الناس يروحولها سياحه اذا قدرتي اطلعي

تمشي دفشي بالكلام اضحكي ع نفسج عااادي ومشيها كلها ايام بتعدي وبتصير ذكرى انشالله وتقعدين تذكرينها وتضحكين

والله كريم تحيــــــــــــــــــــاتي

 

[شقى الصمت]

بأي منطقة؟؟

ومسافرين على حسابكم؟؟

واللغة اإنجليزية تعينج هناك بس مو كلهم يحبون يتكلمون انجليزي

احنا بميربوش على احساب الصحه بس دفعنا اكثر مما عطونا ومااعرف انجليزي ولاغير

 

[cheese cake 84]

حبيبتي اذا على حساب الصحه مو لازم يوفرون لكم شقه ومعاش هناك؟؟؟؟ وبعدين اغلبيه المستشفيات هناك لازم يكون فيها مترجم او تعاملين ويه مترجم عربي عشان يساعدكم شويه وجان خليتي بنتج بالكويت عند احد أمين ليش يايبتها معاج تبهدلينها والله يعييينج حبيبتي ويصبرج عالغربه ويرد ريلج سالم معافى انشااااااااااااااااالله آآآآآمييييييييييييين

 

[شقى الصمت]

انا باليوم يحسبون علي80يورو والحكومه معطتني75يورو طبعا هذا سعر السريربس يحسبون نومتي عندزوجي والله مافيه مترجم للاسف صايره بوقه قبل فتره بالمكتب الصحي واحنا الضحايا بالمانيا والله ودي اخلي بنتي عند امي بس مااقدر انا بدون بنتي مااعيش صعبه حيل مع انها كاسره خاطري عمرها5سنين تقولي ماما شنو مااحديلعب معاي قلبي تقطع عليها مادري شسوي مااقدر اروح مكان كله بالمستشفى صعبه اخلي حبيبي زوجي لانه مقعد مايمشي انا اوديه واجيبه صعبه حيل والحمدلله على كل حااااااااااااااااال الله يرحمنا برحمته

 

[شقى الصمت]

انا باليوم يحسبون علي80يورو والحكومه معطتني75يورو طبعا هذا سعر السريربس يحسبون نومتي عندزوجي والله مافيه مترجم للاسف صايره بوقه قبل فتره بالمكتب الصحي واحنا الضحايا بالمانيا والله ودي اخلي بنتي عند امي بس مااقدر انا بدون بنتي مااعيش صعبه حيل مع انها كاسره خاطري عمرها5سنين تقولي ماما شنو مااحديلعب معاي قلبي تقطع عليها مادري شسوي مااقدر اروح مكان كله بالمستشفى صعبه اخلي حبيبي زوجي لانه مقعد مايمشي انا اوديه واجيبه صعبه حيل والحمدلله على كل حااااااااااااااااال الله يرحمنا برحمته

 

[cheese cake 84]

الله يعييينج ياحياتي ويصبرج بس صدقييني رجعي بنتج الكويييت عالاقل عند امج تطلعها توديها زوارات مني مناك تستانس لان ياهل بعمرها كله بالمستشفى اكييد بتمل وماتقدرين اطلعيينها الله يعييينج الصراحه ويآآآجرج على وقفتج يم ريلج كله بميزان حسناتج انشاااالله امييين

 

[gooody]

الله يشفي زوجج ويخليه لكم يارب هونيها وتهووون وانشاءالله تردووون للكويت قريب

 

[شقى الصمت]

هلا فيكم ياخواتي اقسم بالله كل ما اقرأ ردودكم الحلوه والله ابجي عسى الله يوفقكم جميعا ويجمعنا في جنة عرضها السموات والارض يمكن ارجع بنتي حق الكويت والله يصبرني على افراقها وافراق امي واخواني وخواتي والله ماعاد فيني شده تعبت حييييييييييييييييييل من هالدنيا الله يكفينا شرها والله قلبي يعورني ودي اموت قبل اهلي كلهم وزوجي ماعاد فيني شده على هالصدمات والله احبهم روحي فدوتلهم كلهم يااااااااارب لاتحرمنياهم حبايب قلبي وشكرا

 

[cute_angle]

الله يعينج ويسهّل أموركم ويرجعكم بالسلامة
مايشوف شر انشالله

 

[شـيخة الـزين]

الله يعييينج ويشافي زوجج انشالله

 

[عيد الفرح]

اختي تصبري واحتسبي ولاتجزعين ودايم فكري ان هذا ابتلاء والله بيمتحن صبرج كثري من الأستغفار
وصدقيني كل ماكنتي قويه ريلج بيرتاح نفسيا
وكلنا وياج حبيبه

 

[Q8stylle]

الله يشفي زوجج ويخليه لكم يارب
هونيها وتهووون وانشاءالله تردووون للكويت قريب

 

[(( غلا زوجـي ))]

حبيبتي الله ايهون عليج وهذي فترة وبتعدي انشالله بس اهم شي اتكون عندج ايراده علشان زوجـج والله ايقومه بالسلامه انشالله
وحاولي اتعرفين علي عوائل خليجية وكويتية لأن بالمانيه حيل كويتين يتعالجون
علي الأقل اتسولفين مع احد لين اتخلص فترة علاج زوجج وتدردين بالسلامه للكويت

 

[الصابرة المحتسبة]

بشرينا عن أخبارج؟؟

 

[شقى الصمت]

مافي اخبار الا اللي تضيق الخلق اقروا المستشفى يحطون حق زوجي عمليه ودزو حق المكتب الصحي وارفضوا قالو وقفوا التمديد ووقفو العلاج يرجع الكويت ويسوي عمليه في البابطين اهما ماانفعوا زوجي يوم كان موجود بالكويت قالولنا علاجه موعندهم جنهم: يقولوله اقعد في بيتك ليما تموت وللعلم بسبب مستشفى العدان تم بتر ارجوله الثنتين للحوض والحين يوم عطانا البروفيسور الامل ان يقدر يسويله كل شي من بعد الله وقفوعلاجه ديرتنا الطيبه اللي خيرها لغيرنا والله يسامحهم احنا رادين على نهاية11 هذا واذا تعرفون احد واسطه تكفون ياخواتي ساعدوني:0bee2e8d89: