انا بالتاسع ومحتاره أولد بالشفاء ولا رويال حياة شاركوني

[ام البراء 2011]

السلام عليكم بنات شلونكم ، حبيت اتشارك برأيي معاكم بخصوص الولاده في مستشفى رويال حياة غرفة الليلي ، وجربت دار الشفاء من قبل بس هالمره ودي أغير بسبب زحمة الشفا ولويه وازعاج بالممرات ، مادري الصراحه وايد محتاره ناس تمدح برويال حياة وناس تذم ،أبي رايكم وتجاربكم خاصه اني خلاص قربت أولد ، وودي اعرف بالنسبه للولاده القيصريه جم سعرها عند رويال لانه ولاداتي قيصري ودكتورتي من بره ، وكرعايه واهتمام منو احسن فيهم ؟؟؟ ياليت اتفيدوني بنات وماتتجاهلون موضوعي لاني محتاره واااااااايد

وشكرا*

 

[@أم يوســـف@]

الله يسهل عليج وتولدين بالسلامه

 

[أحلى فروحه]

الله يقووومج بالسلامه ،،،
ويهون عليج ،،،
ماعندي فكره عن رويال ،،
بس دار الشفا وايد حلوو ،،

البنات راح يفيدونج خيتوو ،،

 

[7bebt 3bod]

دار الشفا وبسسس رووووعه

 

[Aloe Vera]

انا ولدت مرتين برويال حياة و الثالثة بالطريج ان شاء الله
سعر اللليلي بحدود ١٠٠٠ و شي حق القيصرية
و الغرفة وايد حلوة كانها مالت فندق

انا وايد احب رويال حياة لان يعطي احساس بالهدوء و الاسترخاء و اجواء فندقية و خدمات روعة
وعشان جذي مستمرة معاهم لاني احب هالاجواء خصوصا بعد تعب الولادة تبين دلع
و اكلهم راقي مو مثل المستشفيات و عندهم مساج


يعني جني مسافرة نقاهة حتى زوجي يستانس معاي بالمستشفى و انا من النوع اللي يهمني شكل المكان و شكل المستشفى مريح و فخم بنفس الوقت غير عن الباجي فا ما احس اني مريضة و تعبانه يعني يريح النفسية


انا هذا اللي احبه فيهم
و طبعاً من ناحية الطب ماشفت منهم عيب

روحي زوري المكان و استخيري و حكمي بنفسج

و الله يسهل عليج

 

[طيشن على جديه]

الله يتمم عليج ..
دار الشفا حلو بس رويال ماعندي فكره والله ..​

 

[miamy]

انا جربت رويال مرتين
الخدمه روعه المكان عجيب راحه نفسيه وهدوء

لكن بالمره الثانيه خذلني ستاف التمريض والتخدير وولادتي كانت جداااا عسره منهم
حتى جهاز الشفط انكسر مرتين وبغوا يحولوني قيصريه وماكو وقت
يعني بههههههذله
هالكلام من ٣ سنين يمكن عدلوه الحين
بس عن نفسي حرررمت اطبه وولادتي اليايه بالشفا كل من يمدحه

والله يهون عليج حبوبه

 

[ام البراء 2011]

مشكورين بنات بس بعد نبي آرائكم عفيه

 

[attoosh]

االشفا

 

[atootaa]

رويال حياة غرفها اصغر واغلي من الشفا
انا افضل دار الشفا و اذا حابه تتأكدين روحي المستشفي و شوفي شنو اللي ترتاحينله

 

[M!SS.LOBY]

تولدين بالسلامة

 

[jaaanooo]

ان شاء الله تقومين بالسﻻمة ياربي .... عن نفسي وﻻدتي اﻻوله كانت بدار الشفا .. وان شاء الله بالثاني دار الشفا ماراح اغير .. اسعارهم معقوله وخدمتهم روعه ... يا بنت الحﻻل التساهيل من الله توكلي علي ربج وقرري شوفي انتي شنو مرتاحتله اكثر

 

[زشتة]

روحي دار الشفى اشرف
ترى روبال حياة غالي ويحلبون جيوبكم

وتدرين شعبنا يدور النكد والمصايب ههههه اذا قالوله كل شي اوكي يوسوس ويقول شلون
يقصون عليه مرتك فيها جذي والبيبي فيه جذي ومحتاج جذي
ينصبون ويحلبون على الفاظي

فروحي دار الشفا

واذا تبين رويال حياة انصحج بين دكتورتين لا تاخذين غيرهم

(زينب - مصرية) و الثانية (هيا القزويني)

يخافون ربهم وراعيات ضمير الباجي يدورون ترقيات بالمستشفى فينقزون زوجج بالمصايب والمسكين يروح يدفع
وترى عادي رويال حياة يقص عليج ويسوونها قيصرية عشان فليسات زيادة

وانتي واللي يريحج خيتي وبالسلامة يا رب

 

[سيكولوجية]

اكيد رويال حياة افضل

انا ناويه اولد فيه اذا ربي كتب

و عندي 3 من رفيجاتي كلهم ولاداتهم اهناك اهم وخواتهم
وكلهم يمدحون المستشفى حيل

هذاك اول كان فيها عيوب بس الحين تعدلت حيل وعندهم نخبه دكاتره ممتازين

و كخدمه افضل بوايد من خدمة دار الشفا

جنج بفندق فخم وكشخه وراقي وهدوء وماتسمعين حس ماكو ازعاج ولا يهال ولا زحمه
وعنايه ممتازه واهتمام

ماعليج من اللي يذمونه ويطلعون حجي ، في وايد ناس تذمه عشانه غالي ومايقدرون عليه

وله كل مستشفى له عيوبه وله مميزاته

اذا تبين الراحه والاهتمام والفخامه وشي كشخه خلج رويال حياة

وعندج افضل دكاتره :
نجلاء زعفراني
منى الطعام
نداء بوخضور
وهم اسمع يمدحون خالده المجيبل



دار الشفا. كلما ادشه لازم اصدع من الزحمه واليهال والصريخ بالممرات صج صج ازعاج مو طبيعي
اصنصير اقعد مرات 10 دقايق عشان اركب !
هذا غير المسافط عادي اقعد احوس ربع نص ساعه عشان احصل مسفط ولا اسفط اخر الدنيا واطق درب

 

[ام البراء 2011]

حبايبي ماقصرتوا على الردود ، انا الصراحه لاتلوموني كل مادشيت الشفا تييني كآبه من الزحمه واللويه يوترون الواحد ، مادري هالمره احس فيني التغيير خاصه لما تعبت اخر مره قبل شهر ورحت الشفا كان زحمه بشكل لايوصف الناس فوق بعضها ووايد اذوني ، اكيد راح استقر على راي ، الله. اييسر اموري

 

[Aloe Vera]

على فكرة ولاداتي كانو برويال حياة قبل ست سنين او ما فتح و قبل ثلالث سنين و ماشفت منهم عيب و لا خذو مني ولا فلس زيادة و ولاداتي كله طبيعي الحمدلله
و اختي والدة قبل سنة تقريباً هم برويال ماخذو منها ولا فلس زيادة وكانت ولادتها طبيعية
اتوقع يعتمد عالدكتور اذا حاب يسحب فلوس و لا لأ يطلع بلاوي و حسب ضمير الدكتور بس و اذا انتي واثقة بدكتورتج اسخيري و توكلي عالله

 

[أبكاني ذنبي]

انا ولدت بدار الشفا كان حلو وستاف السسترات رووعه

ريحوني شوي بس دكتورتي كانت من برا


بس ضايقتني الزحمه واللجه شوي عاد هالمره مادري متردده

 

[جذابه بنت ذيابه]

دار الشفا روووعه

 

[فراوله توت]

السهالات من الله ماله أي شغل بالمستشفى ولاسعره وقيمته دام تقولين عندج دكتورتج شنو فرقت بالمستشفى هذا أو هذاك الله يسهل عليج حياتي وعلي وعلى كل حامل يارب

 

[درة التاج]

الله يسهل عليك
انا من رايي رويال حياة لانه هدوء والرعاية الطبية زينة خصوصا انك راح تولدين قيصري يعني محتاجة راحة
دار الشفا لانه اسعاره في متناول الجميع عشان جذي عليه وايد زحمة مع اني اسمع ان الرعاية الطبية مالتهم زينة
استخيري وان شاء الله تولدين بهون وسلامة