انا بكريه وحامل ابي مساعده

[لميس العرب]

السلام عليكم ورحمه اللله وبركاته
بنات لو سمحتو اانا بكريه وحامل بتوئم وبدايه الشهر السادس
واحس الم في منطقه العانه
ومنطقه المهبل احس كانه بيطلع هواء او شي بينزل هذا بس احساس
واعراض الدوره
واول مره تجيني ياليت اللى جتها تقولى عادى جدا او لازم اروح للطبيبه خاصه انهم قالو لى عندك عنق الرحم صغير ولازم الراحه

 

[ام زهقانه]

الله يتمم عليج عادي حبيبتي هذا من الثقل

 

[أنفاسي دخون]

هذا من الثقل حبيبتي ريحي ومددي رجيلش وارفعيها عشان ما تورم

 

[shak!shoka]

نصيييييييييييييييحه روحي الطبيب كلها ساعه تطمني وريحي قلبج وردي بيتج

البنات انصحوج حسب خبرتهم بس كل وحده حمالها غير واحساسها غير

وانتي حامل بتوووم يعني مو شي سهل

اليوم الصبح قاعده اقرا موضوع حق ام يوسف الكويت قسما بالله بجتني
كانت تحس بصداع وشويه حراره وماراحت الطبيب

ولمن راحت متأخر دخلوها العنايه وولدوها والبيبي مات حتى ما خلوها تشوفه يا قلبي اخر شي طلع فيها ضغط والبيبي ما تحمل

يا عمري بعيد الشر عنج وعن عيالج وعساج تفرحين فيهم بس روووووووووووووووووحي الطبيييييييييييييييييييييييييييييب

انا لو احس بمقص اركض ع الطبيب ولا اقعد احاتي واوسوس

الله يقومج بالسلامه

 

[منى وبس]

الله يسهل عليج ويطرح فيهم البركه انشالله
روحي وتطمني او سوي سونار وشوفي شنو يقولون لج

 

[زين ودلال]

ما شاء الله تبارك الرحمن الله يهون عليج ويسهل عليج ويرزقج الذريه الصالحه وتولدين بالسلامه ياااارب

 

[Lady-_-fushia]

لحقي على روحج وروحي الطبيب
والمفروض ان يقولج لازم تسوين ربط عنق الرحم
لان التوام و بعد عنق رحمج قصير ممكن يصير ولاده مبجره و الله لا يقوله ماتدرين شيصير تالي
انتي بالشهر السادس الاغلبيه يسونها من الرابع
نصيحتي روحي الطبيب وقوليله انج مو مسويه ربط عنق الرحم و عنق رحمج قصير و فيج توم
اتوقع بينصدم لان هالشي حيل خطير

لحقي على روحج و روحي الطبيب
وعموما الله يثبتهم ياربي و تتهنين بشوفتهم امييين والعوار عادي شي طبيعي نوعا ما لان ثقل بس سمعي كلامي عن تجربه
روحي و قوليله اللي قلتلج فوق لحقي روحج