انا تخرجت ومحتاره وابي الكل يساعدني..

[مزيانه]

السلام عليكم..

حبيباتي انا تخرجت هالكورس تخصص تربيه اجتماعيات

بس ماابي اصير مدرسه ابي اكون اخصائيه سواء اجتماعيه او نفسيه..

ومرات اقول ابي اصير مدرسه ماادري محتاره وخايفه من التدريس وبعدين مافي ولا مدرسه شجعتني

وانا جربت التدريس بالتربيه العمليه لاعة جبدي كنت خجوله وبسرعه ارتبك خصوصا لما يدخل علي احد

وكنت ادرس تاسع وكانوا البنات يبطون الجبد وماعرفت اسيطر عليهم وانصدمت بالتدريس..

فا اللحين لو ابي اكون اخصائيه بسهوله ولا لازم واسطه ولا مايصير كلش فيدوني ...

 

[سيدة أعمال28]

يعطيج العاااااافيه اختى مزياااااااانه لازم واسطه وانتي عارفه النظام عندنا في الكويت لازم واسطات ماتقدرين تمشين من غير واسطه انا هم مثلج وفي واسطه حولت

 

[مزيانه]

شكرا على الرد يالغاليه

وانتي بواسطه حولتي اخصائيه؟

 

[السولعيه]

الله يعينج ويوفقج ماتبين تجربين يمكن يتغير رايج مع الوقت ؟ فيه مجال تحولين ابتدائي ؟


ترا الميداني غييييييير عن التوظيف يعني بكون بعدين اخف من الميداني ان شاء الله


عموما التدريس غثيث


< معلمه مستقيله

 

[* شـــوقــانـه*]

حبيبتي اول شي مبروك التخرج
وثاني شي اذا ماتقدرين على المتوسط حولي ابتدائي اريح لج والابتدائي تقدرين تسيطرين عليهم
والله يكون وياج ويوفقج حبيبتي
بس غير التدرييس صعب عليج وعلى قولتهم لازم واسطه واذا حصلتي واسطه بتحصلين الي تبينه

 

[lajo0on]

حبيبتي مبروك التخرج ..
قبل كل شي ..استخيري افضل شي الأستخاره وتوكلي على الله وعسى الله يوفقك ويتمم لج ع خير يارب