انا تعبت و تحطمت..مشكلتي مشكله

[ام شريفه]

بنات انا عندي مشكله و قاعده أتساءل بيني و بين نفسي هل انا غلطانه ولا لأ

انا متزوجه و عندي عيال و قررت في يوم من الأيام انه اهتم ابنفسي فيها شي؟؟؟

قررت اني اسوي عملية تجميل حق خشمي لان فيه انحراف و بعد إلحاح مني لزوجي سويتها على حسابي طبعا ليش مو راضي انا مادري معني كنت بسوي الانحراف بس و اذا بصير حلوه على شانه

و قررت اسوي اسناني و حطيت تقويم بعدها على طول فيها شي؟؟؟؟

و قمت أهتم بأكلي و ضعفت و صرت ضعيفه فيها شي؟؟؟؟


بنات انا مو حلوه وايد بس لما سويت هالشغلات صرت احلا من اول معن خشمي لمن الحين فيه انحراف

بس بنات من سويت كل هالشغلات ريلي قام يكرهني يقول انتي كلا مهتمه ابنفسج ما تدرين عن عيالج؟!!! ليش؟!! بس عشان اهتميت ابنفسي

و منو قال مو مهتمه بعيالي انا الي اطلعهم الألعاب و اهوا لأ و ما يقعد معاهم

احس خالاتي قاعدين يعطوني نظرة شك...انه اكيد مسويا كل هذا مو عشان ريلي بس عشان بلفت انتباه الغير....انا ادري اعرف شنو بقلوبهم و ادري ريلي قاعد يفكر ابهالشي بعد بس والله الله يدري شنو الي ابداخلي بأني بس بغيت أتجمل مثل باجي البنات

بنات...كل البنات يحبون الجمال صح ولا لأ؟؟؟

ليش لما اتكلم عن عمليتي التجميل و فشلها حق ريلي و حمواتي ينحاشون و يقولون ترى أذيتينا ابعمليتج؟!!!

انا ما سويت شي بس قاعده اسولف

خسرت وايد رفيجات

خسرت ريلي

بس والله انا ما سويت شي

قصدي اعدل من نفسي

ليش جذي مجتمعنا الي تعتني ابروحها يحطون افبالهم انها رايحه فيها؟؟؟؟

وحده بالدوام تقولي شكلج مو أم.....ليش لازم اعلق لافته اكتب عليها "أم" ولا شنو؟؟؟؟


ترى لبسي حيل عادي و ماحط مكياج وايد...بس احط صبغ اظافر مرات...فيها شي؟؟؟؟

ريلي كارهني حيل و على أي شي قاعد يناشبني...قمت اشوف نفسي بالمنظره وايد...ذبحني يقولي انتي ليش كلا تشوفين نفسج بالمنظره خلاااااااااااااااااااص و يصرخ :eh_s(2):

و كل ما قلتله شي يقولي خلاص روحي بيت أهلج مابيج!!

حسباله انا مسويا كل هذا عشان ألفت انتباه غيري :eh_s(2):

كرهت نفسي و شكلي و صار ويهي مغبر و مالي خلق احط شي

كلا اقول جان زين ظاله مثل أول حتى كريم مرطب ما كنت أحط

بنات والله تعبت احسه كارهني و ماعجبته

احس فيه ناس مشيشينه علي والله مادري

بنات انا سويت شي غلط؟؟؟

انا ودي اسنع نفسي بعد بس مافي اذا اهوا مو عاجبه انا ليش اسوي

والله كل ما اشوف وحده حلوه مع ريلها اقول اللله جان زين انا حلوه جذي

انا تعبت و تحطمت وصلت لأعمق درجة من درجات الإكتئاب

ساعدوني الله يساعدكم و قولولي رايكم انا غلط ولا صح الله يرضى عليكم :yaaaaaarb:

 

[شتتني غيابك]

ام شريفة عسووولة
انتي سويتي العملية وخلاص سمعي الحين ونفذي
* لا تجيبين طاري العملية لا عند اهله ولا عند ريلج .
* لا تتمكيجين جدام ريلح واذا بخاطرج حطي طبيعي بس مو جدامه بالحمام .
* لا تكشخين بالدوااام خلج عادية و حتى الصبغ حطيه في البيت و اذا بغيتي تطلعين مسحيه جدامه .
* لا تنردين عليه لما يناشبج .
* لا تجابلين المنظرة جدامه لان قبل ما يغار عليج والحين احلويتي بعيينه وايد و صار يغار
بس السالفة جذي
وربي يوفقج

 

[انا لحبيبي .]

الله يعينك حبيبتي ، مو مشكله خلص يلي صار صار

حافظي على بيتك وزوجك هلأ ، خلص زوجك ما بدو تحكي عن موضوع العمليه ماتحكي فيه

واولادك اهتمي فيهم اكتر من اول ـ ويلي رح يريحك كلمي زوجك بصراحه احكيلو شو مالك شو يلي غيرك؟

انا كل يلي عملته عشانك ، اقعدي معه قعدت صراحه بترتاحي ​

 

[آلبًوم ذكريًآت]

الله يسآعدج , الحين آلنآس تظلم وتظن وتفهم غغلطً
آم شريفه آهتمي بَ عيآلج وبس وآي آحد يعآملج بَ كره ولآحقد سوي زيهه !

 

[عيش و مرق]

ام شريفة عسووولة
انتي سويتي العملية وخلاص سمعي الحين ونفذي
* لا تجيبين طاري العملية لا عند اهله ولا عند ريلج .
* لا تتمكيجين جدام ريلح واذا بخاطرج حطي طبيعي بس مو جدامه بالحمام .
* لا تكشخين بالدوااام خلج عادية و حتى الصبغ حطيه في البيت و اذا بغيتي تطلعين مسحيه جدامه .
* لا تنردين عليه لما يناشبج .
* لا تجابلين المنظرة جدامه لان قبل ما يغار عليج والحين احلويتي بعيينه وايد و صار يغار
بس السالفة جذي
وربي يوفقج

صح كلامها بس فى شغله انا مادرى انتى متحجبه اولا اذا مومتحجبه تحجبى عشان الله وزوجج يهدى شوى

 

[!الجادل الصعب!]

مو معقوله كل هذول غلط وانتي صح ..!
يمكن انتي من غير قصد بعد التغيير صرتي شووي مغروره ؟ او هم يشوفون هالشي
يعني تغيرتي عليهم ؟
اهم مآعليج الرجآل امسكيه بس لآيروح .. ولاتمنظرين قدآمه يآختي ..
ولآ طلعتي لآ تكشخين .. خليج بسيططه وبس ..
موفقه ..

 

[~*~الملكة~*~]

يمكن شافج صرتي احلا من قبل وتصرفاته نابعه من الغيره

لاتسوين شي جدامه ولاتتكلمين عن عميلتج خلاص

وعطي زوجج وعيالج وقت اكثر يمكن اهو حاس انج مقصره معاهم بس انتي موحاسه

الريال مايتكلم الا لما يحس بالشي لاتحطين ببالج احد مشيشه عليج انسي هالفكره

وقعدي مع زوجج وفهمي منه اشفيه عليج وانج بشنو مقصره

وان شاءالله يارب تتصلح الامور بينكم

 

[نفهمها صح]

للحولاه ولقوة الابالله
مدري الواحد شيبسووي بعمره
ان تعدل معجبهم وان اهمل قالوو مهمل
الله يعينج
انتي لا تكلميين عندهم بشي
انا يووم ضعفت لا تشفيين شصار خوات زووجي جاهم هوس هم وبعض من حريم حماي
الغيره ومتسووي
هوو الحيين لجبليين المنظره يمه نفس زينتج بس خففي منها وقدام هله لجبيين سيره عن اي شي يخصج ادري انه ودج تتكلميين وماخذه الموضووع عادي بسس غيرج الي يحقد عليج ويحسدج يدوور زله عليج
وهوو لما يقوولج بوديج بيت هلج ليه تزعليين اذا ماسك عليج شي يوديه لهلج وانتي واثقه من نفسج وتراه هوو يغير منج انا زووجي لما اتكلم مع اي احد من هلي الرجال يعني عيال اخوي اخوي ولد اختي تعلي شوفي وجه لما اسكر الفون يقط اللوان وغير الكلام الي يسمعني ايها
عاااااادي
لانه يبيني بس له ولعياله لكن انا شنهوو احب وشنههوو ابغي اسووي مش مهم
وحياتج صرت الدلع نفسي بنفس ................... قلت قصة حياتي لووووووول​

 

[شطانه طفله]

اضم صوتي لشتتني غيابك كلامها صح وانا معاها وانتي حبيبتي مو غلطانه

 

[^نوف^]

ما ادري شقوولج البنات كفوو و وفوو بس انا احس انتي ما غلطتي بالعكس المفرووض زوجج يستانس انج قاعده تهتمين بعمرج والله يوفقج ويهدي زوجج لج ياارب

 

[سيدة فيروز]

الاخوات ماقصروو
والله يهدي مابينكم

 

[زهره]

بالعكس مافيها شي انج تهتمين بنفسج
بس في بعض الرياييل لمن يحسون انه حرمته صارت حلوه وغير عن اول يخاف تروح منه
يصير غيور يغار عليج وبيج حقه بس وانتي يمكن حس ريلج انه اهملتي من هالجانب فا نصيحتي انج تبينين حق ريلج انه
التغيير كله حقه مو حق نفسج حاولي من الحين لانه تخافين بعدين يزيد ريلج بهالغيره والمشاكل
والله يجيب اللي فيه الخير وانتي حاولي مكياج ما مكياج حطي بالبيت اوفر حق ريلج وبرى خليه مكياج خفيف شوفي شلون بتخف هالمشاكل

 

[شموخ العز ^]

غلاي انتي عودتيهم انج مو مهتمه بنفسج او مو مركزه على نفسج جك بم اهتميتي اهني لتفتوو وستغربوو

اتمنى ان الله يهدي سرج انتي وريلج واتمن البنات يفيدوونج اكثرر

 

[فوفى]

والله من خلال كلامج احس ان الغيرة بدت تشتغل فاعتقد ان ريلج يوصلة كلام مغلوط عنج عشان جذى تغير عليج اما اهل ريلج اعتقد انهم يغارون منج الانج صرتى حلوة وتهتمين بنفسج ونصيحة لا تسولفين عن نفسج وايد عشان ما تكبر السولف اكثر.. الله يهديلج ريلج ان شاءالله.

 

[الملكة كوكو]

انا اشوفه ان زين الي سويته , خطوة حلوة منج الاهتمام , يعني لازم تعطين و تسوين حق نفسج و تكافئين ذاتج , مو بس الحياة كلها حق الزوج و العيال , اوكي اهم اولى بس لابد ان يكون في وقت تهتمين فيه بنفسج بدون ما تقصرين فيهم , و اهم شي الحين انج تغيرتي و شكلج عاجبج و راظية فيه فكري بإيجابية و لا تتحسفين , و خلج واثقة من نفسج لأنج مو مسوية شي غلط و لا عيب , و لا تتكلمين عن الي سويتيه حق الاهل او في مجال الدوام لأن المجتمع ما يساعد , و بالنسبة لزوجج كلامه يدل ان متفاجئ من هالتغيير و صار غيور , و مثل ما قالوا البنات لا تتجملين جدامه و المنظرة انسيها لو كان موجود معاج , خلج طبيعية و تصرفي عادي و صدقيني اكيد انتي عاجبته بس ردة فعله ان خايف او متوتر , و الله يوفقج و يسخر لج زوجج و يشوفج اجمل وحدة بعيونه ​

 

[حجيه هيونه]

لانه توه مو متعود


باجر مع الوقت يتعود على اهتمامج بنفسج

ومايمنع تقولين له انه كذا وحده علقت عليج عشان جذي حز بنفسج وقررتي تهتمين شوي

 

[نادره في وجودها]

ام شريفه يا غلااااتي

ياما حريم جياكر وزواجهم حاطينهم فوق راسهم اقولج ليش عشان مهتمه بيته وعياله ومهتمه بزوجها

الجمال جمال الروح مو جمال عمليات التجميل لا اختي انا اقول انج غلطانه

اهتمي بنفسج بس مو بعمليات التجميل بعدين نظرة الناس لج تصير غير يعني يتطنزون عليج ام التجميل

وزوجج ما قالج هالكلام ورفض هالعمليات الااا عاجبه شكلج الاول

 

[ام شريفه]

ام شريفة عسووولة
انتي سويتي العملية وخلاص سمعي الحين ونفذي
* لا تجيبين طاري العملية لا عند اهله ولا عند ريلج .
* لا تتمكيجين جدام ريلح واذا بخاطرج حطي طبيعي بس مو جدامه بالحمام .
* لا تكشخين بالدوااام خلج عادية و حتى الصبغ حطيه في البيت و اذا بغيتي تطلعين مسحيه جدامه .
* لا تنردين عليه لما يناشبج .
* لا تجابلين المنظرة جدامه لان قبل ما يغار عليج والحين احلويتي بعيينه وايد و صار يغار
بس السالفة جذي
وربي يوفقج

اي هذا الي بيصير بس ما اقول الا حسبي الله و نعم الوكيل

مشكوره حبيبتي

 

[ام شريفه]

الله يعينك حبيبتي ، مو مشكله خلص يلي صار صار​

حافظي على بيتك وزوجك هلأ ، خلص زوجك ما بدو تحكي عن موضوع العمليه ماتحكي فيه​

واولادك اهتمي فيهم اكتر من اول ـ ويلي رح يريحك كلمي زوجك بصراحه احكيلو شو مالك شو يلي غيرك؟​

انا كل يلي عملته عشانك ، اقعدي معه قعدت صراحه بترتاحي ​

مشكوره حبيبتي :eh_s(7):

 

[ام شريفه]

الله يسآعدج , الحين آلنآس تظلم وتظن وتفهم غغلطً
آم شريفه آهتمي بَ عيآلج وبس وآي آحد يعآملج بَ كره ولآحقد سوي زيهه !

اي والله ماكو إلا جذي
مشكوره عمري