انا توني حامل.... وبنتي ليلحين صغيرة!!! شقول حق اهلي!! والله بيضحكون!!

[احساس امومة]

ليش الناس جذي!!!!
من تحمل الوحدة وكون عندها مولود بو 6 شهور شهقوا!!!!!!!!!!!!!!!!!
اف
انا حملت عل اللولب!!!!
من الله والحمد الله.....................
بس خايفة من عين الناس!!!
عيالي ليلحين صغار!!!

بس ودي بولد ثاني حق ولدي

ادعولي الله يرزقني!!!!

وماهمني الناس!!!!

 

[حنين الارض]

رد : انا توني حامل.... وبنتي ليلحين صغيرة!!! شقول حق اهلي!! والله بيضحكون!!

مايهمك كلام الناس
هذه رزقه منه سبحانه ... احد يقول للرزقه لاء ؟؟!!!!!!!!!!!!!!!!!!!!!!!!!

 

[مدرسه فنيه]

نعمه من الله واللي يشهق قولي لهم اذكرو الله

وقولي بقلبج قل اعوذ برب الفلق من شر ما خلق


وموفقه

 

[om al ghaleen]

..,, حببيتي شعليج من الناس آهي بتربيهمٌ ولا بتصرف عليهم!!
سوي اللي في بالج ولاحملتي لاتعلمين آحد واللي يشهق آقري في وييه المعوذات

هالشي خاص بينج وبين ريلج محد له شغل يتدخل

\\

 

[hneen2]

لايهمج احد مالج شغل فيهم انتي اللي بتربينهم وتتعبين عليهم ولا اهم

انا جذي حملت علي ولدي الثاني وعمر ولدي 6 شهور والكل بقق عينه لي ولي علق ولي يقول ويييي ليش فوقه فوقه بطلعين البنت غصب والله كنت انقهر حدي بس امي قالتلي مالج شغل فيهم والناس ماتترس عينها شي

بس والله ما اخش عليج تأذيت من العين اذكر عيالي دايما مرضي ولا انا وريلي ولا عيالي كلا بالطبيب لما قمت ارقي نفسي وعيالي كل يوم يالله طخيت صدقيني اقري المعوذات كل يوم والله يحفظج

 

[eng.3anoona]

اي ملاااقة استغفر الله
الحمدلله والشكر بدال ما يقولون مبرووك الحمال والله يتمم عليج على خير
يقعدوون يبطلوون عيونهم ويشهقون

انا لوعوا جبدي مع اني حملت عقب ولادتي بتسع شهوور
صج اني ما كنت ناوية
بس الحمدلله على عطية ربي

 

[للحين ناطره]

ماعليج من احد
اهم شي انتي
هذه نعمه الاحد ايحمد الله عليها

 

[بطريقة]

اقري على نفسج و حصني روحج ومالج شغل من احد هذي نعمه من رب العالمين

 

[كويتيه مذهله 87]

وليش يضحكون مومسويه شي انتي
ومالج شغل بالناس

 

[شيــوخه]

ماعليج بناس ومايهمج بس اهم شي طقيها ابويههم الي يتكلمون لا قلو شي قولي منتو قايمين فيهم ممحد طلب منكم او

قولي ابويهم قل اعوذ برب الفلق والله هناس ماترحم اعوذ بالله

 

[الصعيريه]

رد : انا توني حامل.... وبنتي ليلحين صغيرة!!! شقول حق اهلي!! والله بيضحكون!!

لاتحطين لهم أي إعتبــااار
بيتكلمون بعدين يملووون
مآعليج منهم

وانا بعد عيالي كلهم صغار وورى بعض
أهم شي خلي ذكر الله على لسانج
وقولي هالدعاء على طوول
اللهم إني أستودعك أبنائي فأحفظهم يامن لاتضيع عنده الودايع فأحفظهم بما تشاء

وعسى الله يخليهم لج ويحفظهم آميين

 

[Miss Golden]

حبيبتي الف مبروك والله يتمم عليج ويبعد عنج العين والتعب..

اللي شهقوا قوليلهم ترى الحمال 9 اشهر و تعب يعني مو وناسه!! يعني الحمال و الولاده والنفاس هذا كله تعب الصراحه فمادري على شنو يحسدون!!

 

[غلاي غير]

التعب والشقا والغثا والسهر والتربيه ووووو شغلات انتي الي عليج وبتسوينها بروحج
اذا انتي شايفه انج بتقدرين عليهم مااااااااااااااااااعليج من احد ارقي نفسج وعيالج واستودعي نفسج وعيالج

 

[أمـ مـحـمـد ــ]

رد : انا توني حامل.... وبنتي ليلحين صغيرة!!! شقول حق اهلي!! والله بيضحكون!!

نصيحه لا تقولين للناس الا لما تكملين الثالث عشان يثبت البيبي اكثر ويكبر ولدج اكثر
ومالج شغل بالناس

 

[H.A.K.W]

اعوذ بالله من هالناس ماتخلي احد بحاله.
ومالج شغل فيهم انتي اللي بتعبين وانتي اللي بتشقين فيهم وهذي رزقه من الله اللهم لا اعتراض

 

[الجفول&]

رد : انا توني حامل.... وبنتي ليلحين صغيرة!!! شقول حق اهلي!! والله بيضحكون!!

نصيحه عشان اطفين العيون قولي ماكنت مخططه عالحمل وحملت عاللولب بدون لادري ترى العين حق وماترحم ابد,,

 

[Om_Ksha]

الله يعين

 

[KOKO_284I]

رد : انا توني حامل.... وبنتي ليلحين صغيرة!!! شقول حق اهلي!! والله بيضحكون!!

الله يسهل عليج

 

[*ريما*]

رد : انا توني حامل.... وبنتي ليلحين صغيرة!!! شقول حق اهلي!! والله بيضحكون!!

الله يسهل غليك ولادتك
ولا عليك من احد

 

[اللهم الجنة]

الله يبعد عنج الحساد
بس شنو نوع اللولب وعند منو مركبتة