انا جايه للكويت بعد فتره , الكويت مني وفيني <3

[بنت الفيصل]

صباااح الخيــــــــــــر بناااااات .........

حبيباتي انا ان شاء الله راح اجي الكويت بعد العيد بأسبوع , وحابه استفسر منكم على اساس (اهــل مكّــه ادرى بشعابها )

ف قلت مالي الا الله ثم انتم ,

اول شيء / انا باخذ عندكم تقريبا اسبوع كم ميزاينه ممكن تكفيني بالدينار طبعا؟

وطلعاتي بتكون مقاهي , مطاعم , منتزهات , سينما مثل كذا؟

في نقطه ثانيه , بالنسبه للشاليهات كيف اسعارها اذا باخذها بس ليله؟ انا سمعت بشاليهات جليعه , وهيلتون وخيطان؟ كيف الاسعار بالليله؟

مادري كيف نظامكم اانا ما معاي سياره جايه طيران طبعا ف حابه اعرف كيف نظام التاكسي عندكم؟ هل احصله بالشوارع عادي مثل طريقة السعوديه ولا لازم اتصل على الشركات حقتهم واطلب؟؟

واهم نقطه برضوو ايش ارخص اوتيل عندكم او شقق فندقيه بس تكون نظيــفه؟

اتمنى تجاوبون على كل اسئلتي ولاتطنشون لان مافي غيركم احد ممكن يساعدني ...

(الكويــــــت منّي وفينـــي , مكانها وســط عينـــي , ابيها وهي تبينــــــــــي , وهذا الحكـــي من زمان .... :33_1185028183:

 

[نـعـومـه]

رد : انا جايه للكويت بعد فتره , الكويت مني وفيني <3

متى ناويه تروحين الكويت ؟؟؟؟ وشكثر بتقعدين ؟؟؟؟

الميزانيه مادري بلي تقدرين عليه وعلى حسب يايه تشترين ولا تتمشين ؟؟

 

[FJ style]

والله يا قلبي احنا اهل الديرة ما نقعد بالفنادق ابدا الا اذا نبي نحجز ليلة تغيير او مناسبة خاصة فناخذ فنادق مثلا المارينا وهيلتون وغيرهم
بس شوي غالي يعني 70 دك وفوق
في شقق فندقية بس ما اعرف اسعارهم وتارسين البحر واغلبهم حلوين
وفي هم شقق فندقية بحولي ورخاص ونظاف

التكاسي ما تلقين وايد بالشارع مع ان الحين قامو يحوسون مو مثل قبل لكن اخذيلج رقم شكرة وراح تحصلينهم بسرعة

عندج الشاليهات جليعة وهيلتون غالين
اما النخيل متوسط السعر وشيك بعد
وفي الخيران مو خيطان اسعارهم حلوة وبعد الوطنية بس حيييل بعاد عن الديرة يعني مسافة ساعة يمكن

المصرف حسب مشاويرج
المطاعم اكثر شي موجود بديرتنا
انصحج اتيين الافنيوز مترووووووس مطاعم وسينمات وبعد مجمع مول 360 مطاعم وسينمات
السينما تذاكرها من 3 الى 4 ونص حسب الشاشة اما الvip سعرها 6دك وعندج يوم الاثنين التذاكر على دينار ونص بس زحمة

في مطاعم راقية بمنطقة البدع يم منتجع شيك والنخيل تقريبا

في بجنوب البلد في منطقة الفحيحيل مجمعات حلوة مثل الكوت والمنشر واهي فندق بعد وفي البيرق بعد

السالمية كلها مجمعات مثل المارينا والفنار وووو قريب من البحر وفي مطاعم في المارينا على البحر بس للأسف الجو حااااااار

الكافيهات تااااارسة الديرة والمجمعات

اذا طرأ في بالي شي راح اعلمج
بس ميزانية كم راح تحتاجين والله ما اقدر احدد لج وحلاته عندج كرت بنك فيه فيزا احسن عشان ان احتجتي شي الا يكون معاج

 

[ام الحلوووين]

هلا تونرين الكويت

اول شي الكويت ترى مو نفس السعودية بخصوص التكاسي الحل نأجرون سيارة وعندج محلات تاجير سيارات في منطقة ابوحليفة والسالمية

شوفي اول شي ببدأ بالمنتزهات:

المنطقة العاشرة
منطقة الصباحيه>> مرح لاند موحلوة حيل عاديه
منطقة ابوحليفه>> كويت ماجيك هذا مجمع فيه العاب للاطفال والكبار وسوق ومطاعم شامل

الديرة
منطقة الشعب>> حديقة الشعب على البحر شارع الخليج
منطقو حولى >> حولى بارك فيها مكتبة جرير والعابها للاطفال

منطقة الدوحه >> المدينة الترفيهيه لا طوفكم عجيبه وناسه بصراحه احلا منتزة بالكويت اتوقع معروفه

المجمعات الاسواق:
سوق الفحيحيل >> شعبي وحلو وفيه عبي وخام واكسسوارات وكل شي اسعاره رخيصه يهبل
وحوله مجمعات اسمها اجيال " الكوت " المنشر هالمجمعات فيها العاب ومطاعم حلوة حيييل
منطقة ابوحليفه >> كويت ماجيك
منطقه العقيله >> البيرق
حولى >> المهلب
الديرة >> سوق شرق
الشويخ >> الافنيوز
قبل منطقة الفروانيه على الدائر السادس مجمع 360

منطقة السالمية >> شارع سالم المبارك هو شارعين كله مجمعات ومطاعم حلوو

منطقة الفروانيه >> مجمع كله جلابيات اسمه العربيد وحوله عاد مجمعات واجد الحمراء مول ووو المغاتير وو العربيد بلازا

عاد بخصوص الميزانيه ترى الكويت مو رخيصه اغلا من السعودية يعنى احسبي حسابج


ات