حبيبتي انا مرتين اروح لماليزيا مافية تقليد غير بالسوق الليلي او بعضهم يقولون السوق الصيني وهو نضام كشكات وزحمة وحوسة بس البضاعة تهبل وخاصة اللي في بيننغ لا يطوفج شفت فيه اشياء تهبل بس قلت مابي اخذ وزن لاحقة عليه في كوالا بس حسافة طافني مال بيننغ احلى شيء ومرة وحدة اسكنوا بالباي فيو بيتش يم الهوليدي ان على ما اعتقد وهذا فندق حلو ومطلة حلو واللي يونس في الشاطيئ تلقين فيه ركوب الخيل والمنطاد والجي تي سكي غير السفن حق الرحلات البحرية كلة عالشاطئ مايحتاج تعنين وااو كلة فرفشة وغير هذا كلة بالشوارع الخارجية يعني الشوارع اللي برا الفندق كل شوي يمر واحد وياه حصان ويجر عربانة حليوة مجكنمة حق نفرين تركبين فيها انتي وزوجك وتمشون بالمنطقة اللي حول الفندق والاهم ان السوق اليلي قريب حييييل لهذا الفندق يعني ماتاخذي تاكسي تركبين العربة ويا الحصان ويوديج او تطقينها مشوة لان الشارع يونس كلة محلات ....
أما اذا كنت من محبي الطبيعة الخلابة والشلالات عليك في لنغاوي واذا رحتي لنغاوي اسكني في منتجع مو فندق عادي والغرف نظام الاكواخ من برا كانها بيوت ريفية بس من الداخل تهبل يعني اذا ماسكنتي بنظام الاكواخ لا تروحين حق لنقاوي واوصيج بفندق الموتيرا واذا فل وهو دايم فل كله اوروبيين واذا فل روحي حق برجايا واخذي الغرفة المطلة على البحر( السيف يو) كنت اقعد مبجر وعلى طول على البلكونة كان الشجر مغطي الارض والبحر كان قريب حيل والجو رهيب وديكور الغرف عالنظام القديم كان المنظر واااااو يجنن ما انساه وكنت مصورة الغرفة من برا مع الشجر والبحر وكان في جم قرد وكان كل من شافها على باله ماخذتها من النت ,,, غير جذيه اذا انتوا من هواة الدراجات النارية ( السياكل ) استاجروا لكم واحد تلقونهم في فندق الموتيرا كنا ناخذه ونتمشا فيه علطول والجزيرة مو كبيرة وكنا اي محل نلقاه نوقف فية واي قهوة نوقف عندها واذا مرينا من عند بحر وقفا وكنا نروح حق شارع اسمه جاينا تاون هذا كله محلات بس مو ماركات وشيئ شيك لا محلات فيها بساطة بس تلقين في اشياء حلوة وفيه تحف واشياء غريبة كنا نروح له بالسيكل ونوقف عند المحل اللي نبيه ..
اما مثلا الشلالات و حديقة الفراشات وحديقة الفواكة وحديقة الطيور هذي لازم تاكسي والرحلات البحرية بعد لازم تروحون حق المينا او المرسى بتاكسي لانكم تطولون وغير جذية بعيد شوي....
اما مدينة جنتنق هذي تروحون لها من كوالا تبعد جم ساعة بتاكسي باااردة وخاصة الفندق الملون دايم اشوفه اعلاناته في مجلة فواصل صحيح زحمة حيل بس كبييير جنة مطار و الفندق الحلو فيه مليان محلات الغالي والرخيص وفيها كشكات وبنفس الفندق فيه العاب حق كبار وصغار ملاهي كبيرة وفخمة وجاية نصها داخل صالة الفندق والباقي برا الفندق , وفيها عالم الثلج يونس يعني بصرااحة تغييير جو خاصة انها بااااردة وماليزيا عادة معدتلة وفيها رطوبة وهذي لانها صايرة فوووق بالمرتفعات ....
