انا حامل بالشهر الثالث وودي .....

[~ ميساء ~]

بسم الله الرحمن الرحيم


كيفكم ياحوامل ويابنات

عندي سؤال واتمنى الاجابه

انا حامل بالشهر الثالث ودي اسافر هل يأثر على الجنين

بسافر بسياره مو طياره .


فيه حامل منكم تسافر انا اول مره احمل وخايفه

جاوبني بنات تكفون

 

[دانة الدنيا144]

الاحسن تروحين حق الدكتور ويشوفج ويفحصج ومنها يقولج

 

[لولو.87]

انا سافرت بس بطيارة .. بس سالي دكتورتج احسن

 

[أبله كويتيه]

روحي دكتورتج حياتي تقولج عن وضعج احنا مانعرف وضعج

بس بشكل عام عااااااادي انا سافرت دبي بالثاني وماكنت ادري اني حامل

وماكو شي ماسويته .. فربج اهو الحافظ

 

[NoOoBy]

نفس سؤالج سألته من قبل ومحد رد علي

بس انا بسافر بطياره

 

[~ ميساء ~]

سئلت الدكتوره وقالت عادي (مافيش مشاكل )

وانا ودي اسافر اغير جو وماصدقت على الله يوافق زوجي

بس انا ودي اشوف الحوامل اللي مثلي عادي بسياره انا بسافر للكويت مو مكان بعيد

ومشكورات ياقلبي على الرد الله يعافيكم ويقومكم بالسلامه

 

[~ ميساء ~]

نوبي الطياره تاثر عليك انا سمعت وحده قالت لي فيه اشعاع ويضر الجنين انتي اسئلي واتاكدي

والله يتمم عليك وعلينا يارب

 

[أم حمودي**MALL**]

سألي الطبيب

 

[المكسيكيه]

سالي دكتورتج احسن حبيبتي

 

[Mednight Rain]

اول 3 شهور يلزمج الراحة حتى يثبت الله الجنين ، وتاكدي من دكتورتج بعد .

 

[tho tho]

نفس البنات
سألي الدكتوره احسن لج

 

[كويتيه مذهله 87]

الافضل ماتسافرين لان السياره خضخضه وتعب حرام اول الاشهر كل الدكاتره يقولون لازم راحه مالج شغل بالبنات الي يقول انا سافرت ومافيني شي تري جسمج غير عن جسمهاااا

 

[tmtmt]

والله مادري سالي الدكتور احسن
الله يثبته ويتمم عليج

 

[رضاهم جنه]

لاتسافرين اذا كان سفرج سياحه لان راح تمشين والسفر متعب شهالله حادج

 

[الينبوعة]

انا بعد خلصت حملي كلة سفر بس اخر مرة من كثر ما سافرة بسيارة 8 ساعات بشهر مرتين اروح حق اهلي وارجع تعبت حيل واجيت اولد في السيارة بس كنت في شهري بس الاشهر الاولى ان شاء الله خير عادي اسالي الدكتورة ​

 

[الأميرة كيرارا]

راجعي دكتورتج أحسن
بس ما أعتقد يأثر و مهم الحامل ما تقعد فترة طويلة
فإخذوا استراحات بالطريج و حاولي تمشين اشوي
عشان الدم يتحرك بجسمج

 

[ReRez]

انا ودي اخلص الثالث بعدها اسافر بالطياره سياحه بس امي خرعتني تقول مووووزين

بس راح اسأل الدكتوره والله كريم

وانتي بعد سألي اكثر والله يحفظج انتي واللي ببطنج يارب

 

[@ام يوسف@]

اختي الحافظ الله انا فبنتي اسم الله عليكم بالخامس سويت حادث وبالسادس سافرن بالطياره ساعتين وما شاء الله عليها اللحين عمرها 3 ونص وولدي كنت مجهزه اغراضي باسافر لبنان بالسياره وقبل السفر بيومين حللت حامل وماشاء الله عليه اقولج الحافظ الله

 

[Miss Chanel]

انا اسافر 6 ساعات بالسياره
والحمدالله ماصار شي الله يقومج بالسسسلامه

 

[انجبر قلبي]

عادي حبيبتي السفر ما يأثر انتي بس ديربالج على نفسج وحافظي على اكلج و وجباتج وامشي شويشوي لا تناططين بالسفر لوول و بس ماكو الا العافيه روحي استانسي حبيبتي