انا حامل ....شسوي؟؟؟

[انوثة مراهقه]

شلونكم يا حلوين ؟؟؟








حبيت استشيركم بشغله وياريت تفيدوني..



انا حامل وما بقه شي على ولادتي ...والمشكله انا انا قاعده بروحي وزوجي كله يطلع ويخليني
:jumpon:يعني انا صرت حالي من حال الفندق !!
يدش يتسبح ياكل وينام عندي فقط لا غير
وبما اني بالشهر التاسع...نفسيتي حييييييييييييييييييل تعبانه مادري ليش؟؟
كله معصبه ومحروووومه من شي اسمه نووووم ما انام وفوق هذا ما اتحرك وما اطلع بس حق دوامي وارد... وطول اليوم منثبره بالصاله اطالع تلفزيون او انسدح بالسرير واطقطق بالاب توب....
قمت اتعب وااايد ما اشوف زوجي خايف علي او يمشيني بالممشى نفس خلق الله وكلش ما يقعد معاي حته ودي ان اهو يوديني ويردني من الدوام لاني تعبت من السواقه ما فيني حيييل ما كلمته لاني عارفه رده واعذاره..

وانا مستغربه لهدرجه مو حاااس فيني؟؟
قلت دامه وجوده نفس عدمه ... فكرت اني اقعد ابيت اهلي ومابي اشوف ويهه لان كل ما اشوفه اتضايق واتذكر ان كله هادني ..المهم
قلت والله اذا ياني طلق وبولد اخلي اهلي يودوني المستشفى وما ابي ابلغه ...لان مو كفو...وبخلي اخواني يبلغونه عقب ما اولد عشان ينحرج ويصير علج بحلوج اهله واهلي..ابيييه يندم وفوق هذا بالاربعين يوم راح اظل ابيت اهلي...واهو بخلي بروحه ابي يحس بالوحده....

انتو شرايكم ؟؟؟ عندكم حل غير حلي عفيه ساعدوني...
وشكرا...:33_1185028183:

 

[غمآزهـ]

الله يعييييييييييييييييينح حبيبتــــــــــي ويهوون عليـــــــــــج

بس حاااوولي تكلمييينه وفهميييه انج بــــأي لحظه ممكن تولديين بيخاااف وبيجابلج ان شا الله

 

[DooLy88]

انزين ليش ماتحاجينه وتقولين له انج حامل بالبيبي ماله يعني اهو ابوه ومسئول عنه خلاص ان شالله شهر او اقل ويطلع ولدكم للدنيا - قولي له انج حامل بشهرج ومحتاجة للاهتممام ولازم يساعدج
انتي ولدي بالسلامة وتنفسي بيت اهلج تالي يحلها الف حلال - ناقشيه قولي له الصراحة انت مقصر معاي وشايلة عليك بقلبي شيل ومن هالحجي

الله يقومج بالسلامة مبروك مقدما

 

[أسيرة إنسآن]

والله اللله يعيينج
حركه بايخه منه
مم مودري اذا هذا اول ياهل حقم في رياييل يتوتروون ومايعرفون يتصرفون وشنو التزاماتهم
لعني انتي لازم تقوليلا ودني ولا خلي امج او خالته تقط نقزات
وانتي الحين بالتاسع لازم يكوون ارع وعشرين ساعه وياج لان باي وقت ايلج الطلق
بس اذا قاصد الله يسامحه
وسوي الي تبينه
بس لازم تتحسسينه ان غلطان

 

[الاميره وبس]

الله يعيينك ويسهل علييك الولاده ياااارب

 

[انوثة مراهقه]

تسلمون يا حبايب قلبي
بس اخلصكم....اهو متعمد
لان امي جم مره كلمته ويطنشها....
اخوي مره قاله امووووت واعرف انت وين تروح؟؟؟ عمري وبحياتي ما دقيت على اختي وسألتها عنك قالت والله موجود كله طالع
يعني اهوا...متعمد شسوي ما نقدر انطقه اهو مو ياهل حاجيته اكثر من مره
يرد يقولي وانا كاه قاعد معاج..يقولي مو انام عندج ؟؟؟مو اكل عندج؟؟؟بس خلاص
المصيبه ان لمن يطلع ادق عليه مااا يرد الا تالي..
امي طلعت من طورها قالت له بنتي ادق عليك انت وينك؟؟؟امصخت
هذا اكبر مثال يعني لو ياني طلق اهو اخر من يرد علي

 

[شووقة]

الله يكون في عونج وتولدين بالسلامة انشالله
حاولي تكلمين اهل زوجج امه او ابوه علشان يكلمونه مايسير جذي تتصلين عليه ومايرد عليج
حرام يمكن اييلج الطلق وتولدين واهو مايدري عنج
وادعيله ان يحن قلبه عليج ويهتم فيج حاولي تقعدين معاه تتفاهمون

 

[Miss.6Mo7]

لازم تواجهينه وهم لازم يعرف هذا حق من حقوقج يعني اهو لما يقولج انام عندج وأكل عندج ,, هالشي غصبن عليه !! , مو يقعد يتفضل عليج ؟ .. الزبده حاولي تواجهينه ولا إدخلين احد من اهلج سواء امج او اخوج , هالشي بينج وبين ريلج وبس

 

[DooLy88]

باجر راح يتحاسب
ربنا قال الرجال قوامون على النساء
موبس بحقوقهم - حتى بحقوقنا - ملزوم يصرف ويراعي ويهتم
ورسولنا عليه الصلاة والسلام قال كلكم راع وكلكم مسؤل عن رعيته

شيبي اكثر من جذي ؟؟ قلت لج واجهيه- ان مانفع ربج بياخذ حقج وحق البيبي منه
حررام عليه والله

 

[حكاية شهرزاد]

لالالا لنتي اللي تعبانة ,, اكا هو مسكين يوديج الدوام يسوق عنج .. بس اانتي اللي حساسة

مو شرط انه ماشالج عدل بحمالج يعني اهو فيه شي

الانسان لما صاحي وقوي مايحس بهذي الامور صدقيني بس بالتعب يقعد يفكر \..


عمري شغلي روحج

شوفي البنات قعدي معاهم روحي كافيه الصبح محل عوائل قعدي مع صديقاتج |..

شوفي مجلات اقري قران وتسوقي روحي مجمع مع اختج .. عدلي البيت ديكور حمامج ..

والله يهون عليج ولاتنسين تدعين لي لين جالج الطلق .. ارجوج .. ادعي لي براحه البال ..

 

[غلاتي ديرتي]

اهم شي صحتج وصحه البيبي ولاتفكرين ولاتتعبين عمرج انتي مو ناااقصه وانتي بالتاااسع يعني مابقى شي وتولدين بالسلامه انشاللله


ودامج كلمتيه ومانفع برااحته شوفيله حل بعد الولاده مو اللحين اللحين الزم ماعليج صحتج والله يهون عليج

 

[^^المهره^^]

ماعليه يمكن اهو شخصيته الي يحب يعاند
خصوصا ان حاس ان انتي واهله عليه
فا عناده من باب انه يبي يثبت رجولته و بس
بانه ريال وكيفه يسوي اللي هو يبيه

انتي الحين خليه عنج وتجاهلي تصرفاته هذي
لاتحسسينه انج لا سويتي شي سويتيه عشان تعاقبينه او كردة فعل منج حق تصرفاته
طولي بالج و اولدي بالسلامه و ان شاءالله لا ياه الضنا بيتغير ان شاءالله
وبعدين بطلي تدخلين اهلج في كل شي
مايصير على اشياء بسيطه مثل هذي يدق عليه اخوج وامج و كل عايلتج
غلط جذي الله يهديج
مهما كان الريال سيء ترى يكره هذا الشعور انه لا غلط بحق مرته راح يضطر يواجه عايله كامله
اهو متزوجج انتي مو متزوج امج واخوج

 

[بنت عطا]

هذا رجال عبالج بيهمه انج رحتي وماعلمتيه والا قعدتي في بيت اهلج 40 يووووم لا ياقلبي

بيرووح يخربط حاله حال اللي قبله مثل اللي عندي وعند اغلب هالبنات

انتي انطري عقب الاربعين وسوي نيولوك وغيري نفسج يمكن اهو مايحب شكلج وانتي حامل

 

[حلوه ولمآحه]

يمكن مايحب شكلج وانج صايره مهمله وممله وكله تعصبين
>>بعد الولاده سوي نيو لوك وتغيري،،
وخليج ببيتج لين تولدين بالسلامه وهو يوديج المستشفى،،

 

[lojel]

لا خليج عند بيت اهلج واذا ولدتي خليه احد يعطيه خبر ولو انه خالج الريال مايتعدل الا اذا تكلموا عليه الناس هني يتعدل
ماعليج منه هذا نوعيته تشذي خلي الناس تتكلم عنه وانه اشلون مادرا انج ولدتي وبس خل يسمع كلام الناس حتي ابوج واخوانج وامج خليهم يتكلمون عنه يقولون انه معقوله ماتدري انها ولدت ولاشي هذا وانت زوجها واول بيبي لك عيل شنو راح تسوي بعدين
وان شاء الله تولدين بالسلامه امين يارب وتتهنين يارب ان شاء الله

 

[lojel]

حلوه ولماحه صح كلامج اذا ولدتي وجا قوليله نبي مصاريف و واقعد ي اهتمي بحالج واكشخي عدل عدل واذا تبين تعرفين شي عنه اشلون انا حاضره بهل السوالف علي اللي اقدر عليه وان شاء الله ربي يهديه لج وان شاء الله ترتاحين بس الحين لاتضاييقين نفسج ولاشي
ريحي نفسج

 

[نكهةالبرتقال]

حبيبتي ، الله يسهل عليك

بس قبل لا تفكرين تفرضين عليه عقوبات

فكري من كل النواحي يمكن اهو ناقصه شي و مو قاعد يحب القعدة في البيت


يمكن يلين و يسمعك اذا بجيتي بحنان و حب و عبرتي عن حزنك لفراقه



يعني في طرق وايد


حاولي تدورين اشياء تحببه في البيت و صارحيه و بينيله انك تحتاجينه

 

[hanona]

حبيبتي حراام مهما يكون هذا بيكون ابو ولدج ومايهوون عليج تسوينها فييه وولا تهدين بيتج تره المره مالها غير ريلها واذا كنتي تحسبين ان اذا فشلتي بيتحسن وبيحس ويتفشل ما اعتقد راح يصير جذي ولا تنسين ان يايلج بيبي بالطريج ولاتصير السالفه اكبر وتخربين حيااتج بإيدج
حاولي تلهيينه وتخلينه مايطلع
بس اقولج تصارحيينه وخليه يحس ان عنده مره مو فندق !!

 

[حب الرّمان]

ألله يعيينج يارب ’’’ وتولدين بالسلامه

 

[كويتيه مذهله 87]

لازم تكلمينه قوليله باجر بييلك ولد ولا بنت لازم تقعد تجابل عيالك توديهم الطبيب توديهم المدرسه