انا حامل.. متى اراجع الطبيب؟

[كــوب كــرك]

السلام عليكم ..
باركولي ياحلوات حملت والله يرزقني بطفل سليم معافى..



سؤالي..
اخر دوره كانت 5/13 جم صار لي؟
متى يصير في البيبي نبض؟
متى اراجع الطبيب؟




وشكرا لكم ..

 

[نور الدنيا 88]

حبيبتي تقدرين تراجعين الطبيب و صار فيه نبض بإذن الله

 

[يا عيون سمي]

من الحين تقدرين تراجعين

 

[ScarletteO'Hara]

انا ما ادري انتي بأي اسبوع
بس احسن شي تراجعين على الاسبوع السادس للحمل هني راح يبين معاج بالسونار
و النبض اذا ماني غلطانة بالاسبوع الثامن
الله يتمم عليج ان شاء الله

 

[سوسن1980]

راجعي الحين وسوي تحاليل عن السكر ونسبة الدم والحمل عشان تتطمنين

 

[noo7a]

مبروك حبيبتي الحمل
ويفضل تراجعين على طول من اول ما تحللين
و النبض يعتمد في بنات يبين معاهم من الاسبوع السادس و بنات يطولون لي الثامن او العاشر

 

[toofaa79]

الف مبروك والله يتمم عليج بخير
الاحسن تراجعين الحين عشان تتاكدين ان الحمل سليم ان شاء الله وتاخذين حبوب فولكاسد عشان يحمى الجنين من التشوهات وعشانج بعد

 

[shjoonaa]

ألف مبروووك على الحمال والله يثبته لج

 

[نـعـومـه]

مبروك حبيبتي

نصيحه راجعي بعد شهر لان توالناس

اذا راجعتي مبجر ماراح يصير فيه نبض ولا مانشوف جيس البيبي وتحاتين ولويه

بجذي خلي موعدج نص ٧ احسن

 

[@ام يوسف@]

انا بس احلل حامل على طول اراجع لاني فيني سكر

 

[انجبر قلبي]

مبروك حبيبتي
راجعي من الحين عشان تصرف لج الدكتورة الفوليك اسيد
وتسوين سونار اذا لج خمس اسابيع واكثر
عشان تجيكين على جيس الحمل اذا داخل او خارج الرحم
و ان كل شي سليم بإذن الله
وعشان تسوين تحاليل دم + بول + سكر
وتتطمنين من البدايه احسن لج عشان صحة البيبي وصحتج بالحمل

 

[om MaRyooM]

مبروك والله يثبته



تقدرين من الحين تراجعين والافضل من الحين طبعا عشان تطمنين كل شي اوكي والجنين بمكانه

 

[كــوب كــرك]

مشكورين فديتكم والله لايهينكم..

 

[kuwatiya]

الله يتمم علييييييج يااااارب

والبنات ماقصروووا فادوووج

الله يسهل علينا وعلييييييييييييييج ياااارب ​

 

[عقد الذهب]

الف مبروك والله يثبته لج ان شالله

وانا اقول راجعي من اول شي عشان تاخذين الفيتامينات


والله يوفقج ويثبته لج

 

[عقد الذهب]

الف مبروك والله يثبته لج ان شالله

وانا اقول راجعي من اول شي عشان تاخذين الفيتامينات


والله يوفقج ويثبته لج

 

[ام عفاف الكويت]

مبروك حبيبتي
النبض بالاسبوع السادس الى الثامن
بس الحين اكلي الفوليك اسيد مره باليوم
ممتاز لاول الحمل

 

[kokim]

اول شي الف مبروك الله يتمملك على خير حبيبتي لازم تراجعي عشان تكتبلك ادويه فوليك اسيد مهم جدا اثناء اول شهور بالحمل و نبض ببين على 8 اسابيع على الاكيد نصيحه تابعي من اول حملك

 

[Mednight Rain]

مبروك الحمل والله يثبته
مثل ماقالوا البنات راجعي من الحين

 

[ابدا يالغالي مانساك]

مبروك حبيبتي وراجعي من الحين
ممكن فيه اشياء تمنعها عنج الدكتوره
وتعطيج فتيمانات
وربي يوفقج ويسعدج