انا حامل .. وابي اجابات على هالاسئلة ،،

[katkoota90]

السلام عليكم ورحمة الله وبركاته ،، \\\


:eh_s(7):

عندي اسئلة محيرتي وابي منكم اجابه :ggdw:


اول شي

انا امس حللت وطلعت حامل

وابي الاحتياطات الللي لازم اسويهاااا

اول شي بخصوص

1 - الجماع ،، راح يكون مثل ما كان قبل الحمل ،، اقصد يعني بالحركات !! والسرعة في الجماع يعني الحركات السريعه تأثر على حملي ؟؟؟ وللا شلون !!!!!!!!!!

قالولي الحامل اول شهر ما يلمسها زوجها !!
وانا صارلي يومين قايلتله مانبي نسوي شي بدون لا نسأل عشان ناخذ الاحتياط اكثر


2- تشقير الجسم
انا متعودة اشقر بطني وضهري لان الشعر وبري وصغار مابي اشيله شيره
شسوي ؟؟

3- كريم ازالة الشعر (( نير او فيت ))
مضر ؟؟


4- الوقفه لمدة طويلة مضره ؟؟؟؟؟؟؟؟
يعني مثلا بسوي كيكه بالمطبخ ،، هل هالوقفه راح تضرني بهالشهر ؟؟؟



5- انا بداري اشم ريحة بصل قويه !! واسأل زوجي في ريحة يقول لا !!
هل انا اتوحم ؟؟
سمعت ان الوحام تو الناس عليه !!

بس انا قاعده اشتهي الخوخ و المقدوس و ال ICE CREEM


6- وضعيات النوم ،،
يصير انام على ضهري؟؟
وللا لازم يمين وللا يسار ؟؟
وعلى بطني مايصير ؟؟




امس بليل كنت تعبانه حيل حيل حيل حيييييييييييييييييييييل
وابي انام !! مو قادره انام
ف هل هالوضع طبيعي ؟؟ وللا بس انا !! :eh_s(2):
قعدت ابجي من كثر ما انا ابي انام و ما اعرف انام
والله من التعب قاعده اشخر وانا قاعده مو نايمه :eh_s(1):



7- انا كلش مو وسواسيه
بس الحيننننننننننننننن صرت وسواسيه حيييييييييييييييييل
لما ينزل مني شي وانا قاعده !! اروح اركض الحمام اجيك
كللا عبالي بينزل دم :eh_s(2)::eh_s(2)::eh_s(2):




متى اروح ابدي مراجعة مع دكتورة للمتابعه !!!

انا ناويه اليوم
هل انا مبجره وايد؟
وللا طبييعيي ؟؟​

 

[رفيعة الشآآن]

الف مبروك ةالله يثبته ان شاء الله

الجماع خلج عادي بس اذا حسيتي بدا يعورج او يضغط على بطنج طلبي منه يخف عليج

و على وضع النوم انا انام عالجنب مع انعم يقولون لازم نومة عللظهر بس الي لازم ما تسوينها نومة البطن

الوحام مادري

قبل لا احلل جي قامت تلوع من القهوى

ومرة بس اشتهيت ربيان لدرجة اني قمت اتخيل طعمه

بس احس ان الوضع عادي مو نفس الي اسمع عنه لووعة قوية و وحام

وانا بجر توني جاوبت عالي اقدر افيدج فيه

لكن نطري صاحبات الخبرة يردون عليج

 

[*ريمي*]

ااب ان شاءالله يفيدونج البنات
انا كنت انام على بطني اول اشهر الحين لا احاتي عالبيبي .. كنت اشتغل عالخفيف ..

 

[katkoota90]

الف مبروك ةالله يثبته ان شاء الله

الجماع خلج عادي بس اذا حسيتي بدا يعورج او يضغط على بطنج طلبي منه يخف عليج

و على وضع النوم انا انام عالجنب مع انعم يقولون لازم نومة عللظهر بس الي لازم ما تسوينها نومة البطن

الوحام مادري

قبل لا احلل جي قامت تلوع من القهوى

ومرة بس اشتهيت ربيان لدرجة اني قمت اتخيل طعمه

بس احس ان الوضع عادي مو نفس الي اسمع عنه لووعة قوية و وحام

وانا بجر توني جاوبت عالي اقدر افيدج فيه

لكن نطري صاحبات الخبرة يردون عليج

انا مثلج تلوع جبدي بس مو حيل
واحس منقثه لو اكل شوييييه !!

بس ويهي منصفق والكل لاحظ علي ..

مشكورة حبيبتي ويالله انا وياج بنفس المرحلة
ماشاءالله والله يتمم يارب

وننطر الااجوبة من الخبيرات :ggdw:

 

[الـخـشـفـ الـنـداويـ]

انا كنت اسوي كل شي ع مزاجي و عادي كعب و مشي و سفر و جماع

بس الحين لما وصلت السابع ثقلت


الحافظ الله

 

[sosowaty]

السلام عليكم ورحمة الله وبركاته ،، \\\


:eh_s(7):

عندي اسئلة محيرتي وابي منكم اجابه :ggdw:


اول شي

انا امس حللت وطلعت حامل

الف مبروك والله يتمم عليج
وابي الاحتياطات الللي لازم اسويهاااا

اول شي بخصوص

1 - الجماع ،، راح يكون مثل ما كان قبل الحمل ،، اقصد يعني بالحركات !! والسرعة في الجماع يعني الحركات السريعه تأثر على حملي ؟؟؟ وللا شلون !!!!!!!!!!

قالولي الحامل اول شهر ما يلمسها زوجها !!
وانا صارلي يومين قايلتله مانبي نسوي شي بدون لا نسأل عشان ناخذ الاحتياط اكثر


ممنوع الجماع اول 3 اشهر و اذا كلش كلش تكونين دايره بالج ع نفسج ياليت تفهميني
2- تشقير الجسم
انا متعودة اشقر بطني وضهري لان الشعر وبري وصغار مابي اشيله شيره
شسوي ؟؟

اي شي تحطينه ع بطنج من مواد الكيماويه ياثر ع البيبي
3- كريم ازالة الشعر (( نير او فيت ))
مضر ؟؟


والله مادري
4- الوقفه لمدة طويلة مضره ؟؟؟؟؟؟؟؟
يعني مثلا بسوي كيكه بالمطبخ ،، هل هالوقفه راح تضرني بهالشهر ؟؟؟



اكيد ياثر ع ظهرج
5- انا بداري اشم ريحة بصل قويه !! واسأل زوجي في ريحة يقول لا !!
هل انا اتوحم ؟؟
سمعت ان الوحام تو الناس عليه !!

بس انا قاعده اشتهي الخوخ و المقدوس و ال ICE CREEM


اعتقد وحاام و يمكن لا
6- وضعيات النوم ،،
يصير انام على ضهري؟؟
اي تقدرين بس من تدشين الخامس ممنوع
وللا لازم يمين وللا يسار ؟؟
وعلى بطني مايصير ؟؟




تقدرين تنامين ع بطنج لان البيبي نتفه عرفتي بس الافضل لا
و اذا كبر بطنج نامي ع اليسار ع طول
امس بليل كنت تعبانه حيل حيل حيل حيييييييييييييييييييييل
وابي انام !! مو قادره انام
ف هل هالوضع طبيعي ؟؟ وللا بس انا !! :eh_s(2):
قعدت ابجي من كثر ما انا ابي انام و ما اعرف انام
والله من التعب قاعده اشخر وانا قاعده مو نايمه :eh_s(1):



7- انا كلش مو وسواسيه
بس الحيننننننننننننننن صرت وسواسيه حيييييييييييييييييل
اي عادي الحااامل تكوون حساسه زياده عن اللزوم و وسواسه وااايد بس تعوذي من ابليس
و ان شاء الله ماكو الا العافيه
لما ينزل مني شي وانا قاعده !! اروح اركض الحمام اجيك
كللا عبالي بينزل دم :eh_s(2)::eh_s(2)::eh_s(2):




اي عادي ترا كلنا جذي بس اول شهر بس بعدين خلاص يكون الوضع عادي
متى اروح ابدي مراجعة مع دكتورة للمتابعه !!!

انا ناويه اليوم
هل انا مبجره وايد؟
وللا طبييعيي ؟؟​

ااااااي راجعي من اول ماتعرفين

بس الافضل اذا من الاسبوع السادس الى الثااامن

:eh_s(7)::eh_s(7)::eh_s(7)::eh_s(7)::eh_s(7):

 

[ساره s]

الف مبروك حبيبتى

الله يرزقج بالذريه الصالحه

بصى حبيبتى
بخصوص الجماع ما يتم فى فتره الحمل الا بوضع واحد فقط

ويكون مريح ليكى ولبطنج

وما يكون سريع ولا فى حركات

ومره واحده فى الاسبوع فى الأشهر الاولى

علشان الرحم بيكون لسه تحت

فالجماع ممكن يضره
اما الوقفه لمده طويله فى فتره الحمل فهيه مضره جدااااااااااااا للحامل علشان عضلات الرحم

ومضره وانتى حامل لانها ممكن تسبب الك دوالى الساقين
والدوالى ما بتظهر فى الرجلين الا فى فتره الحمل وبسبب الوقفه

بصى حبيبى اذا كان معك شئ تبى تسوينه

سوينه وانتى جالسه افضل
وبالنسبه للريحه اللى انتى بتشميها مثل ريحه البصل هاد هو الوحام ما تقلقى

واذا اشتيهتى شئ ونفسج فيه كليه

بالنسبه لوضعيات النوم افضل نوم فى فتره الحمل على الجنب اليمين

وممكن تنامى على ظهرج ما فى مشكله
لكن ما يصير انج تنامى على بطنج ابدا
لكن النوم على الجنب الايسر سواء حامل او مو حامل مضر

لانو الرئه الشمال بتكون اكبر من الرئه اليمين

واذا نمتى على الجهه اليسرى .. الرئه بتيجى على القلب وبتبقى تقيله عليه فبتسبب ضعف فى حركات القلب
اما بالنسبه للنوم وانك ما بتقدرى تنامى هذا امر طبيعى ما تقلقى انا كنت مثلك ما اعرف انام وافضل ابكى لكن بعد الشهر الثالث هترتاحى وهتعرفى تنامى
حبيبتى شيلى الوسواس منج واتركى كل شئ لله سبحانه وتعالى

واول ما تصحى قولى " اللهم انى استودعك ما فى بطنى " وعند النوم بعد

وبالنسبه للمتابعه عند الدكتوره اذهبى ليها من اليوم

علشان تتابعى عندها على طول

الله يتمم حملك على خير

 

[ساره s]

حبيبتى اذا بدك اى شئ

او استفسار فى اى شئ

بخصوص الحمل او غيره

انا موجوده

واذا بتريدى اى مساعده انا موجوده

اعتبرينى صديقتك

 

[ام شريفه]

امبي استحي على ويهج عيب

 

[! بــدويه وآآيــد !]

،



مبروك الحمل حبيبتي الله يثبته يارب


وبخصوص اسألتج لاتعتمدين على اجابة احد لان من وحده للثانيه يختلف

انا دكتورتي قالت لي مارسي حياتج طبيعيه مثل اول ولاجنج حامل ماقطيت الكعب وكان يصير جماع قوي واروح واتمشى وافرفر بالكعب وهذا انا بنص الثامن وماصار لي شي يارب لك الحمد

ورفيجتي نظفت شوي شقتها نزل منها دم وراحت الطبيب قال لها ظهرج خفيييف مايتحمل لاتجهدين نفسج ومنعها عن الجماع لما يوقف الدم بس

والافضل تراجعين الحين عشان تاخذين الفوليك اسيد مهم حيل حيل وتشوفين الدكتور شيقول لج وشنو وضعج

بس لاتسوين سونار تو الناس ماكو شي الحين لاجنين ولانبض نطري

 

[Aloe Vera]

راجعي من الحين و خلي دكتورتج تجاوب اسألتج بناءاً على حالتج و الله يتمم عليج

 

[((غلاي))]

،



مبروك الحمل حبيبتي الله يثبته يارب


وبخصوص اسألتج لاتعتمدين على اجابة احد لان من وحده للثانيه يختلف

انا دكتورتي قالت لي مارسي حياتج طبيعيه مثل اول ولاجنج حامل ماقطيت الكعب وكان يصير جماع قوي واروح واتمشى وافرفر بالكعب وهذا انا بنص الثامن وماصار لي شي يارب لك الحمد

ورفيجتي نظفت شوي شقتها نزل منها دم وراحت الطبيب قال لها ظهرج خفيييف مايتحمل لاتجهدين نفسج ومنعها عن الجماع لما يوقف الدم بس

والافضل تراجعين الحين عشان تاخذين الفوليك اسيد مهم حيل حيل وتشوفين الدكتور شيقول لج وشنو وضعج

بس لاتسوين سونار تو الناس ماكو شي الحين لاجنين ولانبض نطري

كلامها صح:eh_s(15):
اول شي مبروووك الحمل الله يتمم عليج
عادي حياتج طبيعيه حتى الجماع
الحمل نعمه من رب العالمين مو مرض
بس لاترهقين نفسج حيل
تشقير البطن لاااااااااااااااااااااااااا انسيه و لاتشيلين شيره البطن عادي دام الشعر خفيف و وبري عادي
اهتمي بترطيب جسمج و البطن علشان مايطلع تشققات
النير ماعرف له والله الشيره افضل شي
اتمنى اني اكون فدتج

 

[ضحاوي الديره]

مااااااارسي حياتج طبيعي
نصيحه
ماعليج من اللي يوسوسون
انا لي السادس او السابع البس كعب واتمشى عادي واطول بالوقفه لان كنت اداوم بالجامعه
والجماع عااااادي طبيعي نفس قبل لاتحرمين ريلج وتكرهينه بالحمال بعدين باين من توقيعج توج عروس
وحتى النومه انا لي الخامس انام ع بطني بس كنت احط مخده ع طرف ههههه لان مارتاح الا ع بطني
اما التشقير لاااااا مضر وبالذات منطقة البطن والظهر
اذا بتشقرين وكلش كلش بس الحواجب بسسسسس
المراجعات بلشي من الحين احسن شخسرانه
اما الوحام ترا يفرق من وحده للثانيه يعني اللي يصيرلج يمكن مامر ع وحده غيرج
وعيشي حياتج طبييييييعي ولا توسوسين اذا ربي كاتبله الثبات بيثبت
انا بحمالي ماجني حامل سافرت مرتين وكعب مو اي كعب بعد وافرفر واطلع واروح واجي على كيفي والحمدلله جبت صبي شحلاته

 

[كويتيه مذهله 87]

الله يتمم عليج يارب
بقولج شي بس لا تسمعين احد لان كل وحده غير عن الثانيه بس بخصوص الجماع خففوا شوي منه لين تدشين الثالث علي الاقل بس مو معناته ما يجيشج بالمره

والنساه تتنسين عادي الريحه يمكن نساتج
وبخصوص النوم نامي برايحتج كلش ما يأثر
حتي شيره شيلي بس لا تشيلين تحت استخدمي النير احسن ماتضر ترى

 

[BeNt PaRiS]

انا بچريه نفسچ


و داشه استفيد معآچ

 

[حقوقيه زوغه]

الجماع عادي بس مو كل يوم عشان ما تتعبين واذا حسيتي ظهرج والا بطنج يعورونج وقفي جماع بس ترا ما يأثر علي البيبي ،، ريحه البصل اللي تشمينها هذي النساااة  انا حاسه الشم عندي صارت خياليه لدرجه ريلي اشم ريحه حلجه ثوم وكرهته  وهالفتره لا تاكلين اكل دسم ولا عيش وهالسوالف اكلي اللي بخاطرج وقسمي وجباتج علي ٧ وجبات خفيفه باليوم واللي تشتهينه اكليه وحاولي كله تاكلين اشياء بارده تبرد علي جبدج انا مااستغني عن الثلج اقعد اكله يبردلي جبدي ،، واحساس انج منغثه هذا شي طبيعي ويمكن يستمر لي اخر الحمل حاولي تقسمين وجباتج شربي حليب بارد وياه ثلج يريح وخيار بارد مقشر ،، روحي الطبيب من الحين عشان يسويلج فحوص الحديد والكاليسوم ويعطيج فولك اسيد وايد مهم تاخذينه وجيكي علي البيبي وجيس البيبي وعشان الدكتور يتاكد من الحمل داخل الرحم والا برا بالعكس مهم انج تروحين الطبيب من الحين وتجيكين بالسونار بعد

 

[حقوقيه زوغه]

والنوم لا تنامين علي بطنج بس علي جنب احسن ،، اصلن بعد شهر ماراح ترتاحين من نومه البطن تحسين بشي غير ماتعبرين ،، نامي علي الجنب احسن واريح واذا ما تحبين علي جنب انسدحي علي جنب وحطي مخده بين فخوذج وايد اريح هالحركه 

 

[كويتيه شماليه]

اول شي مبروك الحمل والله يتممه على خير اللي تحسين فيه كل وحده بالبجر حست فيه وهذا مو وسواس ولكن حذر وحرص وشي حلو الاهتمام

قبل لا اجاوبج من تجربتي انصحج تروحين بأسرع وقت لدكتوره تكون فاهمه ومجربه وزينه وتفيدج اكثر بس بجاوبج باللي اعرفه

بالنسبه للجماع عادي وطبيعي بس لازم عالخفيف خصوصا بالاشهر الاولى

وتشقير الجسم والنير مو زين يشوه الجنين اسم الله عليج حتى صبغ الشعر مو زين مشكوك فيه*

توقفين يعني نص ساعه واقل عادي حتى القعده بالساعات موزين لازم الحركه يعني المشي عالخفيف احسن لج وعن تجربه

وانج تشتهين بعض الاكل وتشمين ريحه عادي نساة وبعد الشهر الرابع تروح باذن الله

وبالنسبه للنوم اذا تبين الراحه اقري على نفسج آيات من القرآن وتعوذي من الشيطان ونامي على الجنب اليسار علشان تغذية الجنين

وفي شي مهم جداً ما سألتي عنه اللي اهي تغذيتج بعطيج اقتراح تستمرين عليه ليمن تولدين راح يكون البيبي متعافي وواصل 4 كيلو هههه الله يرزقج

المهم
الصبح الساعه 6 او 7 حتى لو ماتقدرين لازم تقعدين وتتفطرين
توست وجبن وخيار او بيض مفيوح مع كوب حليب كي دي دي افضل شي
تفاح وموز او برتقال وخوخ او مشمش

او كرواسان جبن ..

ردي نامي عادي اهم شي تتفطرين علشان اللي في بطنج حرام

الضحى اكلي فاكهه وكوب حليب كي دي دي ونطري الغدا

تغدي الغدا العادي بس نصيحه لا تكثرين عيوش ومكرونه خففي
كثري مرقة فيها خضره يعني مع فخذ دجاجه مشويه مع قطعة خبز او شوربه فيها فايده مثل العدس او شوربة ذره
*سلطه وروب و فاكهه

العصاري
كوب حليب كي دي دي
قطعة فاكهه وكرواسان

والعشا نفس الريوق اذا تسهرين اكلي نفس اكل العصاري

وضروري قبل هذا اذا انتي متينه نصيحه خلي اكلج كله نص دسم من حليب واجبان وروب

والاهم تراجعين الدكتوره تسويلج تحاليل شامله اذا فيج نقص تعوضه الادويه مثلاً اذا في نقص بالدم تحطيج حديد جذي من البدايه تحسن

وضروري تبعدين عن الشاي والقهوه والغازات جميعها والحلويات والكاكاوت اللي مالها فايده


والله يتمم لج على خير 

 

[كويتيه شماليه]

النير يابنات مو زين والله يذبح الجنين احسن شي الموس الوردي ينظف
وحده شالت بنير وعلى طول وقف نبض الجنين حتى كانت بأواخر الاشهر شحادكم نصيحه بعدو عنه

وحتى الكعب مو زين اذا ما تعبتي الحين تتعبين مع الايام وكله يطلع بأثر رجعي عوار بالظهر وتفكك بالجسم
اذا تبون الكعب لبسوا الطبي اللي على مستوى واحد عالي عالاقل يريح

الله يوفقكم

 

[گـحِـلْ |~]

التشقير للحواجب مضر والا لا باول شهر شهرين