انا زعلانة من منتدي معلمات كويتيات

[عبارات العيون]

السلام عليكم ورحمة الله وبركاتة

انا لو ما احبكم ما ازعل عليكم

طلبت منكم المساعدة ومحد ساعدني فقررت اني ابعث لكم هذا الموضوع عسي القي الرد منكم والاهتمام


ابي منكم المساعدة في درسي لان درسي عن المواني الكويتية حرام استاذن عشان ماا اعرف شتو اقدم بهذا الدرس الاطفال شنو ذنبهم


بليز ساعدوني

 

[طيرشلوا]

ليش حبيبتى تستأذين بالعكس درس المؤانئ حلو
شوفى خلى المثير اذا تعرفين بالبوربوينت تركيب ناقلة يعنى الصورة كاملة جزئيها الى 4اقسام وكل شوى تركبين جزء
او على اللوحة المغناطيسية او الوبرية ركبى الناقلة
راح يتعرفون عليها وتعرضين لهم انواع الناقلات واكبر ناقلة فى العالم وين موجودة فى السعودية (ترا هالمعلومة حرية شخصية ممكن ماتقولينها)واهميتها واين ترسو حتى تستطيع نقل النفط (على جهاز العرض او خريطة عندج )راح تعرفينهم بالمؤانى النفطية البرية
(برقان وبحرة وميناء عبداللة)وسوى بحث بالصور باليوتيرب راح تطلع لج صور للمؤانى او بكتب الاجتماعيت للمتوسط ناسية اى صف مع كل ميناء راح تجيبون صورتة ولازم تقولين لهم ان حقل برقان من اكبر الحقول الكويتية
وبعدين مسابقة بين فريقين (عندج صور ناقلات صغيرة كل فريق يحط كل ناقلة عند كل ميناء )

 

[عهود الحب]

وان استأذنتي حرام منو بيشرح لهم الحلقة ؟
ما ادري احس حرام موخوش حل وانتي ماترضين بهالحل شنو ذنب الجهال
درس الموانيء حلو
انا بحط لج مثير بوربوينت عن الناقلة عسى ربي يفيدج فيه مثل ما انا استفدت منه
والتوفيق من الله
http://up2.m5zn.com/download-2009-4-11-12-xz33ezovd.pptx

 

[عهود الحب]

تقدرين تستخدمين ركن الرمل والماء بالشرح عن الموانيء
عندج سطل مسطح بالبيت سوي لج شوي رمل مرتفع وحطي ماي بربع السطل خليه كأنه بحر صج
وقططي سمج وحطي مجسمات وسوي كأنه جسر مرتفع كأنه مينا وحطي يمة كراتين كأنها مباني
انا مسوية مشروع بالصف كأنه صج ميناء والناقلات سويتهم من علب الوجبات الشفافين مع جلاد بني وشوية قصدير
طلع شحلاته
والمينا حطي يمه حقل نفط من قواطي الكرنيشن غلفيهم قصدير وحطي بينهم انابيب من اقلام تلوين خربانين {اكيد شكثرهم بالفنية}
غلفيهم بقصدير يصير جنه انبوب
وحطي اعواد البرد كأنه بئر نفط


ياحلاته بيشرح لج الدرس جذي لما تستعينين بالمشروع الفني كشكل حي للشرح


وغير جذي استعيني بالبرمجيات في فيلم كامل عن الموانيء بالكويت

وبعدها سوي مسابقة حركية
وقلدوا حركة العاملين بالمينا وقلدوا حركة الناقلات بالبحر لأنه وقودها النفط
وغنوا الاغنية مالت النشاط
واحمدوا ربكم على نعمة النفط


وسوي معاهم سلوك حركي عبر القصة او مسرح العرايس
و بعدها باقي لج التغذية الراجعة
وخلللللص الدرس


وانسي تستأذنين عشان حلقة صعبة
حراااااااااااااام يابنات حرام المعاش يبيله من يحلله

 

[عبارات العيون]

الف شكر لكم جميعا علي بالي محد بساعدني وهذا اللي كان معور قلبي الاطفال حرام شنو ذنبهم استاذن واخليهم والمدرسة اللي معاي عسي ربي يهديها ادري ماراح اتسوي اي شي لهم غير الصراخ علي الاطفال لين غيبت نص الصف لاني انا مشغولة بتدريب عشان جذي وايد اطلع وما اقدم اي شي وهذا الاسبوع شكلي بقدم فلازم اقدم شي يليق بمستوي الاطفال ابيهم حرام يستفيدون ولو شي بسيط


فشكرا لكل من ساعدني والف احترام وتقدير لكم

 

[عبارات العيون]

وبعطيج معلومة عهود الحب انا هذا السنة ماغبت الا ثلاث ايام لظروف خاصة وما استاذن الا لمن اكون مريضة او عندي موعد طبيب غير هالشي ما استاذن ولا اغيب حتن لو اخبص الدنيا والحمدالله احس بقيمة المعاش لاني قاعدة ايبة من تعب وجهد لو ما اعرف اتصل حتن لو عالمشرفة ومشرفتنا والله لو نبي عيونها ماتقصر بس افتشلت اتصل كل مرة هذا كان السبب وانتو هم ما قصرتو معاي

 

[عبارات العيون]

عهود الحب حبيبتي الملف لمن فتح معاي يطلعلي مربعات صغيرة

 

[عهود الحب]

ليش مربعات ؟؟؟؟؟؟؟
انا يبطل معاي شزينه
بنات في احد فتح معاها ؟ بتأكد

 

[عهود الحب]

عساج ماتحتاجين الغياب
انا مثلج الدوام اداوم ومدري شيصير باطفالي لو اغيب
بيصير الصف سمردحة يعين الله

 

[طيرشلوا]

عهود انا يطلع لى ملف غير معروف لايمكن فتح الملف

 

[عهود الحب]

اخييييييييييييييييه شغال عندي :/
شنو الحل ؟
احمله بموقع ثاني ؟؟؟؟؟؟؟؟؟

 

[عهود الحب]

حملته فتح معاي
مافيه شي الرابط شغال والبوربوينت حلو جربوا ثاني مرة
بس اذا جهازج مو فيستا مايفتح

 

[randomy]

انا يشتغل عندي

 

[:: عائشه بقلبي ::]

هلا اختى احي فيك الضمير الحي الله يبارك فيك

 

[عبارات العيون]

اي انا جهازي مو فيستا

يمكن عشان جذي

 

[عبارات العيون]

تدرون افقد اليهال وايد اذا ما شفتهم واهم نفس الشي لمن يروحون عند ابلة ثانية اذا خذوهم احتياط بس يلمحوني من الدريشة ينادوني ويطلعون ويخلون الابلة اللي ماسكتهم احتياط

 

[عبارات العيون]

مشكورة الخنساء

 

[Amo0ona]

يسلمو عهوود الملف تحمل عندي ومشكووورة بصراحة ما نطلع من جهودج