انا ضايعه

[شوق الجنوب]

بداية السلام غليكم ورحمة اللة وبركاته

​

...
مشكلتي يا أخواتي انني اشعر بضياع كبير وتشتت فكري لااعرف لماذا ؟؟؟؟
علما ان لدي امور كثيرة تحتاج مني الى التركيز مثلا... زواج اختي وامتحاني اخر فرصة لي واشعر بخوف كبير ..
ياليت من عندها فكرة لتنظيم الوقت أو علاج مناسب تقول مأجورة إن شاء الله .
والله اني اشعربأرق وقلة نوم .:jumpon:

 

[ذويقة]

حبيبتي شوق الحل بايدك انتي استبدلي شعورك السلبي بشعور ايجابي حسي بالنعمة الي انت فيها غيرك ودة يتعلم ويدخل مدارس لاكن ما يقدر استمتعي بدراستك وعيشي اللحظة وابتدي من هالحين اذا قلت افكاري مشتته راح تشتت اكثر العلاج لازم يكون من الداخل زواج اختك مناسبة للفرح والسعادة ولاتعطين الامور اكبر من حجمها هالحين صلي ونامي وقومي درسي

 

[Shmo5_Ontha]

حبيبتي لازم اول شي ادورين سبب المشكله
ثانيا اتحلين هالمشكله
وعلى قولتج ماتعرفين شنو اهو السبب
حاولي تتذكرين شغلات حلوه وانج لازم تدرسين عشان امتحاناتج وتفتكين واتفرحين اهلج
وافضضضضضضضضل وقت للدراسه اهو الفير
سبحان الله ايكون فيها العقل صاااااااافي
والله انه قبل ايام امتحاناتي ماكنت ادرس الا الفير
وهذي طريقه علميه سبحان الله

وانشالله يارب تنجحين وتفرحين ابنجاحج وبزواج اختج

وانشالله البنات ايفيدونج

 

[متجولة *]

الله يوفقج

انتي حاسة بقلق كبييير مما جعل منج متكاسلة بتنظيم وقتج
اول شيء سوي جدول يوم لتخطيط برنامج يومج وانتي سوي الي عليج والباقي على الله

 

[شوق الجنوب]

شكراً اختي ذويقة انا ماأدرس هو مجرد امتحان للدورة حاسب وع فكرة عندي ضغوط عائلية ونفسية لكن الحمد لله على كل حال هي مجرد فضفضه وارجو كل من يقراء موضعي يدعولي بتفريج همومي وله بالمثل .

 

[MAHA..]

ان شاء الله الله يفرج همج وهموم المسلمين ..

 

[اميره1980]

الله يوفقج ان شاء الله
اول شي لازم تكونين جادة بتقسيم وقتج لكل شي على حدة
مشاكلج العائلية انحاشي منها بمذاكرتج و تجنبي الشغلات اللي تعطلج عن اهم شي و اهيه المذاكرة

 

[dob106]

ربى وفقج ويشرح صدرج امين

 

[ستروبريه]

اول شي الصلاه والقران طبعا وبعدين شيلي هالافكار من راسج وعيشي حياتج بفرح ومسره وسويلج جدول مرتب تقضين في يومج على اكمل وجه وبسعاده الله يوفقج

 

[Mazyoona]

السلام عليكم

حبيبتي أول شي إلتزمي بالصلاة و القرآن
ثاني شي حددي أولويآتج
يعني لو أنا منج
1- ربي و صلاتي و ديني
2- إمتحآنآتي
3- عرس إختي


يعني مثل ما يقولون First Thing First
أول شي أول !

 

[شوق الجنوب]

الشكر كل الشكر لكل من رد علي سأحاول تنظيم حياتي إن شاء الله وعسى ربي يفرج همي وكل المسلمين ... آمـــــــــيـــن .


أستغفر الله وأتوب إليه
اللهم اغفر للمؤمنين والمؤمنات والمسلمين والمسلمات الأحياء منهم والأموات