انا طبعي اجتماعيه .. وانتي؟!

[Tutti-Frutti]

قـوة بـنـات
شـلـونـكـم شـخـبـاركـم؟











الـنـاس درجـات
وكـل انـسـان بـطـبـيـعـه الـحـال يـخـتـلـف بـطـبـعـه عـن الانـسـان الاخـر
حـتـى لـو كـان اخـوه مـن امـه وابـوه

فـتـلـقـيـن بـنـفـس الـبـيـت
الاخـت انـطـوائـيـه والـثـانـيـه اجـتـمـاعـيـه والـثـالـث عـصـبـي والـرابع هـادي :27d66a9c24b146327bf
مـعـنـهـم كـلـهـم عـاشـو بـنـفـس الـبـيـت وتـربـو عـنـد نـفـس الام والابـو

سـؤالـي اهـو

هـل انـتـي اجـتـمـاعــيـه؟ واذا اي لأي درجـه؟ واذا لا لـيـش؟

يـعـنـي مـثـلا
انـا اجـتـمـاعـيـه وايـد .. احـب اعـرف نـاس وايـد ومـاحـب احـكـر مـعـرفـتـي بـاهـلـي او رفـيـجـاتـي بـس
اقـعـد مـع الـكـل ومـاعـنـدي اي مـانـع اسـولـف مـع الـلـي جـدامـي


وبـسـرعـه اكـون صـداقـات بـالـجـامـعـه وبـره الـجـامـعـه
واقـعـد اسـولـف مـع وايـد بـنـات .. وهـالـشـي رفـيـجـاتـي مـا يـحـبـوونـه لـول
مـو اجـتـمـاعـيـيـن مـثـلـي ومـا يـحـبـون يـقـعـدون مـع اي احـد

يـعــنـي انـا عـادي اقـعـد مـع بـنـت اصـغـر مـنـي او اكـبـر مـنـي او كـبـري
واقـعـد اسـولـف .. اسـولـف بـكـل شـي
لـكـن طـبـعـا بـحـدود
بـحـكـم انـي اسـولـف مـع وحـده لاول مـره مـا اقـولـهـا كـل شـي وابـط الـجـربـه

لـكـن فـيـه نـاس شـفـتـهـم بـعـيـنـي
مـن اول مـره
يـقـولـون كـل شـي
اسـرارهـم واسـرار بيـتـهـم وعـايـلـتـهـم

واحـس انـه غـلـط هـالـشـي
لازم الـواحـد يـعـرف الـلـي قـبـالـه عـدل
قـبـل لا يـقـول اسـراره :050103nbh_prv:

وبـره الـجـامــعـه
دايـمـا امـي تـاخـذنـي مـعـااهـا .. وانـا احـب الـعـزايـم والـقـعـدات
وبـسـرعـه احـفـظ الـنـاس والـويـوه ولـمـا اسـولـف مـع وحـده مـا انـسـاهـا

حـتـى سـاعـات لـمـا مـا اروح عـزيـمـه مـثـلا وامـي تـروح بـروحـهـا
يـسـألـونـهـا عـنـي

وانـا احـس انـه هـالـشـي حـلـو انـه وايـد نـاس يـعـرفـونـج ويـفـتـقـدونـج
وفـيـه نـاس لا.. يـحـبـون يـكـونون غـيـر مـرئـيـيـن ومـحـد يـعـرفـهـم الا الـقـراب حـيـل

وخـلـونـا نـشـوف انـتـو مـن اي نـوع

واللـي انـطـوائـيـه وحـابـه تـعـرف اشـلـون تـصـيـر اجـتـمـاعـيـه اعـلـمـهـا افـا عـلـيـهـا

 

[so_what]

مممم مو اجتماعيه كلللش حتى باليمعات ما اشارك بالسوالف وايد ، ليش مادري يمكن طبعي فيني ما احب احتك وايد بالناس وصرت مرتاحه من هالطبع وما ودي اغيره

 

[حمام شاقني فنه]

مواجتماعيه حيل ولا انطوائيه بين البينين يعني نص نص


وماحب أتكلم بخصوصياتي ولا افتح قلبي الا للقراب مني حيل حيل

أمـــآ مشاكل البيت واسراره هذا شي مستحيل أسولف فيه لأنه مو موضوع ينحكا فيه




~

 

[• قلبه نصيبي •]

انا اجتماعييه احب اتعرف علي الناس ماحب اعرف بس كذا وحده !

وعادي تي وحده تو اشوفها اقعد اسولف معاها جني اعرفها من سنييين !

يعني تقدرين تقوليين اجتماعيييه والحمدالله

 

[*عزة نفس*]

السلام عليكم..
أنا مثلش بعد..اجتماعية..
أنا بسرعة تكون عندي صاحبة..بس إللي يعيش مع الناس يخليش تترددي ألف مرة قبل لا تاخدي فلانة صديقتش..:bbbiu:
لازم تتأكدي من معدنها عدل..وهالمعدن الأيام راح تكشفه لش..مع استثناء الظروف المحيطة بهالصديقات..
مثلا إنتي عندك لا سمح الله حزن والواحد يحتاج لصديقاته في الحزن أكثر من الفرح..كون الحالة النفسية تتطلب المواساة..وصديقتك عندها ظرف../ثلا ماحصلت لها سيارة تجيبها إذا كانت من منطقة بعيدة أو هي عندها بعد ظرف حتى لو زواج لازم نعذرها..

الله لايغير عليك إن شاء الله

 

[dnyay_mll]

انا اجتماعيه واييـد
احب اسولف واكون علاقات مع الكـل

 

[Stylista_Q8]

مثلج بالضبط !!

> بسرعه اطيح الميانه لووووووووول

بس تبين الصج مرات اذا كنت قاعده معه شله ماعرفهم مو بسرعه اطيح الميااانه

استحي شووي لووول

اما اذا كنا مجموعه صغيره لا هني ويي انطلق هههههههههه

بس الحمدالله اعرف وايد ناااااس اقول حق ابوي حق الواسطات لما اكبر لووووول *اتغشمر*

بس ونااسة تعرفين على كل من و من كل الجنسيـآااات سواء بنات ولا أولاد


وانا الحمدالله صج اطيح الميانه بس اقول كل شيييي ^^

 

[عدوانية والنعم]

انا نص ونص >>>احب اسووووولف واحب اتعرف على بنات بس مرااااات استحي وكله كلمتي:فشله وفشله والحين لما دشيت الجامعه قمت شوي شوي اصير اجتماعيه اكثر>>
ويسلمووووووووووووووو حيااااااااااااااااااتي

 

[دلوعة أبوهآ]

والله تقدرين تقولين عني إجتماعيه نوعاً مـا ..
يعني مع صديقاتي إجتماعيه كثير ..
بس ناس ماعرفهم وأول مره اشوفهم ماحب اسولف وأتكلم
أكون ساكته ومستمعه أغلب الوقت
الا اذا شفتهم ناس حبووبين أبدأ أسوولف شوي شوي
بس طبعاً مو عن حياتي أو خصوصياتي ..,


​

 

[تآعِبنْ قَلْبِيْ]

لآآ مو إجتماعيه حيل ..

حدّي أهلي خواتي بنات خالتي والقراب مني حيل بس تشوفيني معاهم غيييير ومع الناس غييير

يعني معاهم اكون مفرفشه واضحك وانكت واسولف ومع الناس اكون هادئة

وحتى لو كنت في جمعة بنات ماعرف اسولف مادري ليش خخخخ

حتى انشهرت في عايلتنا اني هآآآدئة حيل وبصراحه عاجبني هالشئ يعني تعودت ..

 

[ba6re8a]

ana sa3at 0 sa3at

ya3ni asolif bs be7dood bs moshkilty ebser3a a5eeer ely ebgalbi;s

bs etha a7ad ma3jabni ma asolif

 

[*ريما*]

انا لا مو اجتماعية
يعني انا طبعي كذا ماحب اتعرف على احد بسرعة
على حسب مزاجي
ومشكورة ع الموضوع

 

[كندية]

والله انا كنت حيل انطوائيه وعلاقااتي بس باهلي ...والمدرسه يمكن عندي جم وحده اعرفهم...بس الحين اجتمااعيه بس حاطه حدود مااتكلم من البداايه ومااحب ارووح حق احد واتعرف..بصرااحه من الاشكاال اللي شفتهم الوحده لازم تكوون حذره.....يعني عندي يكون عندي رفيجه وحده اعزها ولا 100 وحده ...المثل يقوول كل ماكثروو اصحاابك اكثروو اعدائك....وانا من النووع لازم اتعود عليج قبل لا ابدا اسوولف...واكوون حيل دقيقه في الاختياار لان الصدااقه تظل طول العمر....​

 

[sereen]

والله ماكنت بس الزمن والغربه ادبتنى خلتنى اتقبل جميع الناس وصرت الحمدلله اجتماعيه على ان الخجل مرات وحسب الاماكن والاشخاص يغلبنى بس اسوى نفسى مو حياويه , لين ماشوى شوى الين واخذ على الجو ,

بس اجمالا اجتماعيه درجه اولى ولى جماهيرى >>>> عفيه لحد يقلدنى
تسلمين على المووضع

 

[سعودية!!!]

اجتماعيه ولله الحمد بحكم بيئتي هي من اجبرتني اكون اجتماعيه

 

[كويتيهx5]

اممممم على حسب

عندي رفيجات من كل مكااان ومن كل حدب وصوووب

عندي بره الكويت وداخلها عندي عن طريق الجامعه والنادي وحتى طبيب الاسنان

نوعي اكون صداقات مع صديقات اختي ودوامها كله يعرفني دايما يسالون وبالاخير انقلهم لي لوووو ل ابوقهم

رفيجاتي خالتي مع انهم حيييل كبار

وبنت خالي واهم اصغر مني

بس بنفس الوقت لا مزاجيه يعني مااا اقبل اي شخص لا لا مستحييل

يعني نص نص

 

[manhattan girl]

انا مو اجتماعيه حيييل و مو اي وحده تدش مزاجي عشان ارافجها يعني انا حيييييل صعبه و احب اعرف البنت عدل عدل بعدين اقرر اصادقها و لا ... لأ مو موضوع حرص و لا شي بس انا بنفس الوقت قليلة كلام و ما عندي مواضيع وايده اسولف فيها فاللي ترافجني راح تمل مني ههههه يسلمو حبوبه عالموضوع

 

[الحــــياة]

انا نص ونص يعني مو مع اي احد اطيح الميانه وآخذ وأعطي اجتماعيه بس بحدود

 

[توته وااااااااو]

والله انا مو اجتماعيه ولا انطوائيه امممممممم بينهم

 

[katko0ota]

صباح الخير

بالنسبه لي انا من النوع الي احب اتعرف و اكون علاقات اجتماعيه بس في البدايه لآ الي يشوفني يقول عني نفسيه و شايفه روحي

و تقبلوااا مروري